5.40. Стандарт «Білек сүйектері сынғанда Крамер құрсауының салу техникасы»

Мақсаты: тасымалдау иммобилизация. Көрсеткіштері: иықтың сынуы.

Ресурстар: Крамер құрсауы, 2 бинт, мақта, орамал, шприц, қайшы, жансыздандыратын дәрмектер (2мл 50% анальгин, 2мл 1% димедрол), зарарсыздандырылған қолғап, КБУ шөлмек.

Іс алгоритмі:

1.Науқасты өзіңе қаратып отырғызып, тыныштандыру.

2.Іс-шаралардың негізін түсіндіру.

3.Қолдарды спиртпен өндеп зарарсыздандырылған қолғапты кию.

4.Жансыздандыратын дәрмектерді еңгізу.

5.Жарақаттанған аймақты зерттеу.

6.Жарақаттың түрін анықтау.

7.Аяқ-қолды ораша физиологиялық жағдайда орналастыру.

8.Жарақаттанған қолды тік бұрыш түрде бүгу. Білекті кеудеге басу.

9.Ұзындығы 80см, ені 8см Крамер құрсауын алу.

10.Құрсауды сау қол арқылы саусақтардың үштарынан білек буынына дейін өлшеп белгілеу.

11.Құрсауды белгілеген жерден тік бұрыш түрде бүгу.

12.Құрсауды сау қолға салып білезікпен білекті орналастыру (құрсаудың дайындығын анықтау).

13.Құрсауды саусақтардың шеттерінен иықтың жоғарғы 2/3 бөлігіне дейін қолдың артқы-сыртқы жағына салу.

14.Құрсауды бинтпен шиыршықты тәсілмен бекіту.

15.Бекітуді жақсарту үшін орамалмен таңу.

16.Қолғапты КБУ құйылған шөлмекке салу.

Ескерту:

-құрсау 2 буынға қоса бекітіледі - жарақаттан жоғары және төмен;

-білезік сүйектері сынғанда қол пронация түрінде домалақ көпшікке орналасады, алақанға мақтадан, дәкеден, бинттен жасалған валик қойылады;

-қолды валикпен қоса бинтпен бекітіп мойынға асу;

-құрсауды екі жағынан мақтамен орап бекіту.

5.41. Стандарт «Жіліншік сүйектері сынғанда Крамер құрсауының салу техникасы»

Мақсаты: 3 құрсау арқылы тасымалдау иммобилизация.

Көрсеткіштері: жіліншік сүйектерінің сынуы, тізе буынының шығуы.

Ресурстар: 3 Крамер құрсауы, 2 бинт, мақта, орамал, шприц, қайшы, жансыздандыратын дәрмектер (2мл 50% анальгин, 2мл 1% димедрол), зарарсыздандырылған қолғап, КБУ шөлмек.

Іс алгоритмі:

1.Науқасты жатқызып, тыныштандыру.

2.Іс-шаралардың негізін түсіндіру.

3.Қолдарды спиртпен өндеп зарарсыздандырылған қолғапты кию.

4.Жансыздандыратын дәрмектерді еңгізу.

5.Жарақаттанған аймақты зерттеу.

6.Жарақаттың түрін анықтау.

7.Аяқты орташа физиологиялық жағдайда орналастыру.

8.Ұзындығы 80см, ені 8см екі Крамер құрсауын, ұзындығы 120см, ені 11см бір құрсауын алу.

9.Ұзын құрсауды сау аяқтың табанына саусақтардың үшінан табанына дейін салу.

10.Табан аймағында тік бұрыш түрде бүгу.

11.Аяқты дайын құрсауға орналастыру:

-1-ші құрсау табаннан жіліншіктің артқы жағымен санның 1/3 бөлігіне дейін;

-2-ші - жіліншіктің сыртқы жағымен табанның сыртқы қырынан санның 1/3 бөлігіне дейін;

-3-ші - жіліншіктің ішкі жағымен табанның ішкі қырынан санның 1/3 бөлігіне дейін.

12.Құрсауды бинтпен шиыршықты тәсілмен бекіту.

13.Қолғапты КБУ құйылған шөлмекке салу.

Ескерту:

-құрсау 2 буынға қоса бекітіледі - жарақаттан жоғары және төмен;

-жіліншіктің 1/3 жоғарғы бөлігі, тізе буыны жарақаттанғанда құрсаудың жоғарғы шеті сан буынына дейін жету қажет;

-құрсаудың саны 3 болмағанда аяқтың екі жағына немесе артқы жағына салынады;

-табан сүйектері сынғанда құрсау саусақтардың басынан жіліншіктің ортасына дейін салынады;

-құрсауды екі жағынан мақтамен орап бекіту қажет.