1.2 Жұмыстың орындалу реті

Тәжірибеде қолданылатын қондырғының электр желі көзінен ажыратылғандығын тексеру керек. Қондырғының қорғаныстық жерлендіру ұяшығын G1көзінің «PE»ұяшығымен қосады. Аппарат электр сұлбасына (схема ) сай қосылады.

Бейтарап сымы оқшауланған электр желісі модельденеді.Ол үшін трансформатордың бейтарап нүктесінің ұяшығымен А2 үш фазалы трансформатор блогындағы жерлендіргіш кедергісінің R0 ұяшығының арасында бөгет (перемычка) болмауы керек.

1. G1көзі қосылады және P1 мультиметрлер блогының қорегі қосылады.

2. А5 моделінің жерге тұйықталу кедергісі R_зам=∞ шексіздігіне тең етіп орнатылады.

3. Адам денесі арқылы өткен тоқтың келесідей тәуелділіктерін алады:

I_h = f(R_из), I_h = f(С), I_h = f(R_обуви), Ih = f(R_пола). Өлшемдер, А3 моделінің с-фазалар сыйымдылығы мен R_А=R_В=R_С оқшаулағыш кедергілерін және А4 моделінің Rпол –еден, Rобуви –аяқ киім кедергілерін түрлендіру арқылы алынады.

4. P1 блогының амперлері мен вольтметрі арқылы келесі тәуелділіктер алынады: Тұйықталу кедергісіне байланысты адам денесі арқылы өткен тоқ күші фазаның жерге тұйықталу кедергісіне байланысты жанасу кернеулігі U_пр =f(R_зам); I_п =f(R_зам)еденнің кедергісіне U_пр =f (R_пола) байланысты кернеулігі және жерге байланысты электр желісіндегі фазалар кернеулігі U_А = f(R_зам), U_В = f(R_зам), U_С = f(R_зам).

Алынған нәтижелер талданады және бейтарап сымы оқшауланған электрлік желі өлшемдерінің электр қауіпсіздігінің жағдайларына әсер етуі туралы қорытындылар жасалады.

Содан соң бейтарап сымы жабық жерлендірілген электр желілері модельденеді. Ол үшін, трансформатордың бейтарап нүктесінің ұяшығы мен А2 үш фазалы трансформатор блогының Rо жерлендіргіш кедергісінің ұяшығы бөгет арқылы жалғанады.

5. Алдында алынған қатынастарға ұқсас, адам денесі арқылы өткен ток тәуелділіктерін аламыз: I_h = f(R_из), I_h = f(С), I_h = f(R_обуви), I_h = f(R_пола).

6. Фазаның жерге тұйықталу кедергісіне байланысты жанасу кернеулігі мен ток күшінің тәуелділіктері алынады.

I_h = f(R_зам), U_пр = f(R_зам). Өлшемдер А5 моделінің R_зам жерге тұйықталу кедергісін түрлендіру арқылы алынады.

Алынған нәтижелер талданады және бейтарап сымы жабық жерлендірілген электр желісінің өлшемдерінің электр қауіпсіздігінің жағдайларына әсер етуі туралы қорытындылар жасалады.

Алынған тәуелділіктер бейтараптың түрлі тәртібі үшін салыстырылады, соның негізінде электр желісінің бейтараптарының тәртібі электр қауіпсіздігінің жағдайына әсер етуі туралы қорытындылар жасалады.

Эксперимент аяқталған соң G1 көзі мен Р1 мультиметрлерінің қоректік блогы өшіріледі.

1.3 Есеп беру талаптары

Зертханалық жұмыс бойынша есеп беруге кіреді:

-жұмыс тақырыбы мен мақсаты

- қолданылған аспаптар мен құрылғылар

-қажетті есептеу формулаларымен кестені толтыру

-орындалған жұмыстың нәтижелері бойынша жалпы қорытындылау

Тәжірибе нәтижелері 1,2 кестелерге енгізіледі.

Тәжірибе кестесі

Кесте 1

Оқшаулағыш кедергі	еден кедергісі	аяқ киім кедергісі	ток күші,А	Кернеулік,В
RА
RВ
RС

Тәжірибе кестесі

Кесте 2

Фазалар сыйымдылығы	Жерге қосылу кедергісі, Rзам	Ток күші, А	Кернеулік,В
СА
СВ
СС

Бақылау сұрақтары:

1. Бейтарап дегеніміз не?

2. Оқшауланған бейтарап?

3. Жерлендірілген бейтарап?

4. Өлшегіш құралды атаңыз?

№2 Зертханалық жұмыс

Тақырыбы: Қорғаныс жерлендіргіші арқылы тоқ жерге өткен кездегі құбылысты сипаттайтын тәуелділіктерді анықтау

Жұмыстың мақсаты: Қорғаныс жерлендіргіші арқылы тоқ жерге өткен кездегі құбылысты сипаттайтын тәуелділіктерді білу.