Қазақстан Республикасының Білім және ғылым министрлігі

«Рымбек Байсейітов атындағы Семей қаржы-экономикалық колледжі» РМҚК

Бекітемін Директордың оқу ісі жөніндегі орынбасары _________Е.А.Вощакина «____»_________201__ ж.

Өндірістік-диплом алды тәжірибе бойынша әдістемелік нұсқау

Мамандық: 1304000 «Есептеу техникасы және бағдарламалық қамтамасыз ету (түрлері бойынша)»

2016-2017 Оқу жылы

Авторлар: Аубакирова М.Ж., Амренова А.Е., Дүйсембекова А.Н., Капашева Ш.М.– «Рымбек Байсейітов атындағы Семей қаржы-экономикалық колледжі» РМҚК оқытушылары.

Арнайы пәндер циклдық комиссиясы-1 отырысында қаралып, талқыланды

Хаттама №_____ «____»___________________2016 ж.

Циклдық комиссия төрайымы__________ Л.А.Мукушева

Арнайы пәндер циклдық комиссиясы-2 отырысында қаралып, талқыланды

Хаттама №_____ «____»__________________2016 ж.

Циклдық комиссия төрайымы__________ Г.К.Мукушова

Мазмұны

	Кіріспе
	Тақырыптық жоспар
	Өндірістік-диплом алды тәжірибенің мазмұны
	Қосымшалар

Кіріспе

Өндірістік-диплом алды тәжірибе оқуды аяқтау этапы болып табылады, ол теориялық курсты оқып біткеннен кейін және оқушылар Мемлекеттік стандартта қарастырылған барлық емтихандарды (соның ішінде квалификациялық), сынақтарды, курстық жобаларды тапсырып болған соң өткізіледі.

Мақсаты:

- оқушыларды мамандығы бойынша өз бетімен жұмыс істей алуға дайындау.

Тәжірибенің міндеттері:

- оқушылардың мамандықтары бойынша кәсіптік қызметті меңгеруі, кәсіптік ойлау қабілеттерінің дамуы;

- пәнді оқығанда алған білімдері мен біліктерін бекіту, толықтыру, тереңдету және бір жүйеге келтіру;

- болашақ маманнның нақты өндірісте өз бетімен жұмыс істеу мүмкіндіктерін тексеру;

- дипломдық жұмысқа материалдар дайындау.

Тәжірибе базасы:

Маманның профилі бойынша тәжірибе ақпараттандыру бөлімдері бар мемлекеттік, мемлекеттік емес және муниципалды мекемелерде, ұйымдарда өткізіледі.

Өндірістік-диплом алды тәжірибені оқушылар өздері қалаған кәсіпорындар мен ұйымдарда өте алады. Ол үшін оқушылар кәсіпорынның атынан хат дайындауы керек, бұл хатта келесілер көрсетілуі тиіс:

• Дипломдық жобаның тақырыбы

• Кәсіпорынның тәжірибе алдандағы тәжірибеге бағыттауы туралы өтініші

• Хатқа міндетті түрде директор (кәсіпорын, ұйым және т.б. басшысы) қол қояды.

Тәжірибе есебі:

- Тәжірибенің ұйымдағы жетекшісі оқушы-машықкерге мінездеме береді, онда тәжірибенің қорытынды бағасы көрсетілуі тиіс (қолы және мөр міндетті түрде болу керек);

- Оқушылар тәжірибеде істелген барлық жұмысқа талдау жасап, есеп жазады;

- Оқу орнындағы тәжірибе жетекшісіне оқушылар күнделік көрсетеді, онда істелген жұмыс уақыт бойынша жазылады. Күнделікке ұйымдағы тәжірибе жетекшісі күнделікті қол қоюы тиіс;

- Әр оқушыға берілген жеке тапсырманың электрондық нұсқасы (дискета, диск, флешка) – кәсіпорында орындаған тапсырмалар;

- мультимедиалық жоба (екі өлшемді немесе үш өлшемді анимация, видео, интерактивті қосымшалар).

   Есепке қойылатын талаптар:

- Титулдық беттерін, сызбаларын, кестелерін, графикаларын, суреттерін, схемаларын қосқанда көлемі 30-35 бет болуы тиіс.

- есепте келесі сұрақтар қарастырылуы тиіс:

- Кәсіпорынның қысқаша сипаттамасы

- Кәсіпорынның ақпараттық жүйесінің ұйымдастырылуы

- Ақпаратпен жұмыс істеудің техникалық берілгендері

- Кәсіпорынның автоматтандырылған ақпараттық жүйесінің схемасын құру

- Қызметкерлердің автоматтандырылған жұмыс орындары

- Кәсіпорындағы компьютерлік желінің сызбасын құру

- Еңбекті қорғаудың жағдайы

- Қысқаша шешімдер мен ұсыныстар

- Кәсіпорында жетекшінің жеке тапсырмаларын қалай орындағандығы жөнінде толық есеп беру

- Құрастырылған жоба бойынша ақпарат (жобаның мақсаты, қандай ортада жасалған, ол ортаның мүмкіндіктері, нені пайдаланғандары).

Қорытындылар:

Өндірістік-диплом алды тәжірибенің қорытындысы сынақ болып табылады, бұл сынақтың бағасын диплом жетекшісі өндірістік-диплом алдындағы тәжірибенің тапсырмасын орындауына байланысты жазылған есептің және кәсіпорындағы жетекшінің жазған мінездемесіндегі бағасының негізінде қояды.

Өндірістік-диплом алды тәжірибенің бағдарламасын орындамаған оқушылар дипломдық жобалауға, мемлекеттік емтиханды тапсыруға жіберілмейді. Оларға теориялық оқуды аяқтады деген академиялық анықтама жазылады.

Оқушылар өндірістік-диплом алды тәжірибеге екінші рет тек 10 айдан кейін ғана, егер олар мамандықтары бойынша жұмыс істеп, жұмыс орнынан оң мінездеме әкелсе ғана жіберіледі.

Тәжірибе бойынша қорытынды бағаны оқу орны көрсетілген құжаттар мен тәжірибе есебін қорғау нәтижесі бойынша қояды.