Қорытынды

Н. Ә. Назарбаев 2017 жылдың 31 қаңтарында Қазақстан халқына «Қазақстанның үшінші жаңғыруы: жаһандық бәсекеге қабілеттілік» атты жолдауында былай деді: «Төртінші басымдық – адами капитал сапасын жақсарту. Ең алдымен, білім беру жүйесінің рөлі өзгеруге тиіс. Біздің міндетіміз – білім беруді экономикалық өсудің жаңа моделінің орталық буынына айналдыру. Оқыту бағдарламаларын сыни ойлау қабілетін және өз бетімен іздену дағдыларын дамытуға бағыттау қажет. Сонымен бірге, IT-білімді, қаржылық сауаттылықты қалыптастыруға,  ұлтжандылықты дамытуға баса көңіл бөлу керек. Қала мен ауыл мектептері арасындағы білім беру сапасының алшақтығын азайту қажет. Үш тілді оқуға кезең-кезеңмен көшу мәселесі бойынша ұсыныстар әзірленсін.

Менің бастамам бойынша биыл «Баршаға арналған тегін кәсіптік-техникалық білім беру» жобасы іске асырыла бастады. Тегін оқытумен ең әуелі жұмыссыз және өзін өзі тиімсіз жұмыспен қамтыған жастар, сондай-ақ кәсіптік білімі жоқ ересек адамдар қамтылуы тиіс. Кәсіптік білім беру жүйесінде, мен айтқандай, экономикадағы жаңа өндірістер үшін мамандар дайындауға ден қою керек. Ол үшін кәсіптік стандарттар еңбек нарығының талаптарына және ең үздік әлемдік оқу-өндірістік тәжірибелерге сәйкес жаңартылуы қажет.

Сонымен қатар, жоғары білім беру жүйесі сапасына ерекше назар аударылады. Жоғары оқу орындарының кадрлық құрамына, материалдық-техникалық жабдықталу деңгейіне, білім беру бағдарламаларына қатысты бақылау мен талап күшейтілуі қажет».

Бүгінгі таңда кадрларды басқару жүйесінің адам ресурстарын басқару жүйесіне трансформациялануы қазіргі корпоративті өмірдің өзгеруінің, көп деңгейлі ұйымдық құрылымдардың аз деңгейлі және жоғары деңгейде өнім өндіруші шағын ұйымдарға өту салдарынан болып отыр. Өйткені, нарық заманында жоғары мамандандырылған маман, арнайы оқу – білімдері мен жетістіктері бар тұлға ұйымның өндіріс құралы немесе бір буыны емес, кәсіпорынның бәсекелестік «кілті» болып табылады. Ұйымның қалыпты дамып, бәсекеге қабілетті болуы үшін, ол барлық ресурстарды соның ішінде адам ресурстарын максималды және рационалды қолдану керек.

Қазір елімізде адам ресурстарын дамыту басты приоритетті міндет болып отыр, мемлекет пен бизнестің қолдауын талап ететін сала екендігін атап өткен жөн. Білікті мамандар қорын толықтыру, әсіресе кәсіби-техникалық мамандықтар өкілдерін дайындау, отандық мамандардың шетелдік әріптестермен интеграциясын, тәжірбие алмасуын қамтамасыз ету, жаңа технологиялар мен инновацияларға ашық болу тағы басқа көптеген мәселелер болашақта өз шешімін табуы керек.

Пайдаланылған әдебиеттер:

1. Мемлекет басшысы Н.Назарбаевтың Қазақстан халқына жолдауы. «Қазақстанның үшінші жаңғыруы: жаһандық бәсекеге қабілеттілік» 2017 жылғы 31 қаңтар

2. Грэхем х.Т., Беннетт р. Управление человеческими ресурсами, перевод с английского под ред.Базарова т.Ю., Еремина б.Л. М.: юнити, 2003.

3. Утарбаева г. Особенности управления человеческими ресурсами в современных условиях. – //Транзитная экономика. – 2006. – №4. – 66б.

4. Суйеубаева с.Н. Тұрақты даму жағдайында адам ресурстарын басқару ерекшеліктері - Вестник касу, 2009.

5. http://kazorta.org/adam-resurstaryn-bas-aru/

6. G-Glodal. Жадигерова Г., Бекжанова А. Ұйымда персоналды басқарудың жүйесі.