Тэставыя заданні па тэме “Тэкст”

1. Тэкст – гэта:

а) некалькі спалучэнняў слоў;

б) некалькі сказаў, звязаных паміж сабой па сэнсе;

в) некалькі сказаў, якія размешчаны адзін за адным.

2. Якія ты ведаеш тыпы тэкстаў?

а) вясёлыя і сумныя;

б) апісанне, апавяданне, разважанне;

в) вялікія і малыя.

3. Тэма тэксту – гэта:

а) тое, аб чым гаворыцца ў тэксце;

б) тое, аб чым гаворыцца ў першым сказе тэкста;

в) гэта слова, якое часцей за ўсё паўтараецца ў тэксце.

4. На якія асноўныя часткі дзеліцца тэкст?

а) загаловак, тэма і асноўная думка тэксту;

б) загаловак і план;

в) пачатак, асноўная частка, заключная частка.

5. Загаловак тэксту ўказвае:

а) на тэму тэксту;

б) на колькасць сказаў у тэксце;

в) на аўтара тэксту.

6. На якое пытанне адказвае тэкст-апісанне?

а) як гэта было?

б) які прадмет?

в) чаму?

7. Ці складаюць тэкст гэтыя сказы?

Учора ўвесь дзень падаў снег. Хутка прыйдзе зіма. Цёпла будзе ім пад снежным покрывам. Мяккай коўдрай снег пакрыў палі і лясы. А пад ёй у зямлі схаваюцца маленькія зярняткі.

а) так, складаюць, таму што ўсе яны прысвечаны адной тэме – апавядаюць пра снег.

б) не, не складаюць, таму што не ўсе сказы звязаны па сэнсе.

8. Растаўляючы лічбы ў квадраціках, размяркуйце сказы па сэнсе, каб атрымаўся тэкст.

 Па шыбах звонка забарабанілі першыя кроплі дажджу.

 Трывожна зашумелі дрэвы.

 Праз некалькі гадзін у пакоі пацямнела.

 Бліскучая маланка паласнула неба.

 Сонца шчодра сыпала свае прамяні на падлогу.

9. Прачытайце тэкст. Знайдзіце пачатак, асноўную і заключную часткі. Перад кожнай часткай пастаўце вертыкальную лінію.

Маленькая Лена вельмі хацела вырасці. Яна спрабавала рабіць прычоску, як у цёці Каці, абувала маміны туфлі, прымярала пацеркі. Але ўсе толькі смяяліся з яе. Аднойчы Лена вырашыла падмесці падлогу. А потым памыла посуд і насуха выцерла яго. З таго часу ўсе пачалі лічыць яе дарослай. Зараз і сама Лена адчувае сябе дарослай. Без пацерак, без туфляў і без прычоскі. Відаць, не яны маленькіх вялікімі робяць.

10. Прачытайце. Падкрэсліце сказ, які перадае галоўную думку верша.

Чакае нас мноства дарог.

Нас вабяць і далі, і высі.

Але на бацькоўскі парог

Абавязкова вярніся!

БЕЛАРУСКАЯ МОВА

Тэма: Сказы з аднароднымі членамі

Мэты: фарміраваць уменнізнаходзіць у сказе аднародныя члены сказа (галоўныя і даданыя), развіваць сказы з дапамогай аднародных членаў сказа, суадносіць сказ са схемай.

1. Арганізацыйны момант

2. Хвілінка чыстапісання

____________________________________________

яблык памідор дуб

завіруха бераг завод

У лесе растуць кедры, дубы, ліпы, бярозы і дзікі вінаград.

3. Паведамленне тэмы і мэты ўроку

4. Назіранне за аднароднымі членамі сказа

Выкананне практ. 53

Выкананне практ. 54 - вусна

Выкананне практ. 55 - вусна

Выкананне практ. 56

Жыла на свеце мышка. Вылезла яна з норкі і гуляе па хаце. А за ёю пагнаўся кот. Мышка спалохалася яго, уцякла пад падлогу. Сядзіць мышка там, калоціцца са страху. А кот стаіўся побач, чакае мышку.

5. Падвядзенне вынікаў уроку

6. Дамашняе заданне: практ. 57

БЕЛАРУСКАЯ МОВА

Тэма: Сказы з аднароднымі членамі

Мэты: пазнаёміць з правілам адасаблення аднародных членаў сказа на пісьме; удасканальваць уменне вучняў інтанаваць сказы з аднароднымі членамі, фарміраваць навык правільна будаваць і ўжываць сказы такога тыпу пры складанні тэксту.