Арганізацыйны момант
Хвілінка чыстапісання
Вучні прапісваюць спалучэнні літар Мм Яя мя ям.
Слоўнікавая работа
Вучні чытаюць вершаваныя радкі Я. Коласа, запамінаюць выдзеленае слова і ставяць націск. Мяккі снег лятае пухам,
і канца яму няма.
I нясе сярдзітым духам,
дзікім сіверам зіма.
Настаўнік тлумачыць лексічнае значэнне слова мяккі.
1) які ўгінаецца пры націсканні, няцвёрды, эластычны;
2) плаўны, павольны;
3) лагодны, ціхі, спагадлівы.
Дзеці падбіраюць аднакаранёвыя словы, перакладаюць на рускую мову.
Арфаграфічная хвілінка
Настаўнік чытае ўрывак з верша М. Багдановіча, запісаны на дошцы.
Здароў, марозны, звонкі веч..р!
Здароў, скрыпучы, мя..і сне..!
Мя..ель не вее, с..іхнуў ве..ер,
I волен лё..кіх санак бе.. .
Пытанні і заданні
• Устаўце прапушчаныя літары, растлумачце іх правапіс.
• Знайдзіце прыметнікі, вызначце іх род, лік.
• Як не памыліцца ў напісанні канчаткаў прыметнікаў?
• Спішыце верш.
Алгарытм напісання склонавых канчаткаў прыметніка
1) Знайсці слова, ад якога залежыць прыметнік.
2) Паставіць ад гэтага слова да прыметніка пытанне.
3) Напісаць у прыметніку той жа канчатак, што і ў пытанні.
Вывучэнне новага матэрыялу
Работа па падручніку
Практ. 47 выконваецца з апорай на табліцу на с. 13—14.
Фізкультхвілінка
Замацаванне ведаў
Работа ў групах
Кожная група працуе па картцы.
Знайдзіце ў сказе прыметнікі і вызначце іх род і склон. Абазначце канчаткі прыметнікаў.
1-я група. Я жыву ў прыгожым і вялікім горадзе Мінску.
2-я група. На лугавой духмянай сіняй кветцы сядзела пчолка.
3-я група. У асеннім чыстым небе кружылі ластаўкі. Вучні запаўняюць табліцу канчаткаў прыметнікаў адзіночнага ліку ў месным склоне.
Месны склон прыметнікаў
|
||
Мужчынскі род
|
Жаночы род
|
Ніякі род
|
у якім?
|
на якой?
|
у якім?
|
-ым, -ім
|
-ой, -ай, -яй
|
-ым, -ім
|
Вучні суадносяць свае меркаванні з правілам (с. 26 падручніка).
Практ. 48. Трое вучняў па чарзе на дошцы запісваюць па адным спалучэнні слоў з пытаннем у месным склоне і вызначаюць у прыметніках канчаткі. Астатнія вучні працуюць у сшытках.
Практ. 49 выконваецца самастойна, праводзіцца ўзаемаправерка.
Рэфлексія
Вучні ацэньваюць сваю работу на ўроку, карыстаючыся сказамі:
Я працаваў.,.
Я навучыўся...
Я даведаўся...
Умяне не атрымалася...
Дамашняе заданне: практ. 50.
____________________________
Праверачная работа па тэме “Прыметнік”
Варыянт 1
1. Выберы правільны адказ. Адзнач яго знакам “+”.
Прыметнік
абазначае прымету
прадмета
і адказвае на пытанні які?
якая? якое? якія?
Прыметнік абазначае прадмет і адказвае на пытанні хто? што?
2. Падкрэслі прыметнікі хвалістай лініяй.
Кніжная паліца, цікавая кніга, тоўсты падручнік, ляжыць на стале, школьны двор.
3. Злучы лініямі прыметнікі з назоўнікамі, да якіх яны адносяцца. У дужках укажы іх лік.
бяскрайняе прамень ( )
яркі рэкі ( )
чырвоная поле ( )
шырокія ружа ( )
4. Падкрэсліце назоўнікі адной лініяй, а прыметнікі, якія да іх адносяцца, – хвалістай. Абазнач канчаткі прыметнікаў.
З высокага неба льецца чароўная песня жаваранка.
5. У дужкі ўпішы пытанні, на якія адказваюць прыметнікі. Дапішы назоўнік, якому ўласцівы названыя прыметы.
Узор: (Які?) стары хваёвы лес.
( ?) смачнае малінавае ___________
( ?) зялёная сакавітая ___________
( ?) сонечныя цёплыя ___________
_________________________