7. Падвядзенне вынікаў

• Якія задачы ставіліся ў пачатку ўрока?

• Ці змаглі мы іх выканаць?

• Каму ўрок здаўся цяжкім?

• Каму было лёгка, што дапамагала?

• Што вы для сябе адкрылі?

8. Дамашняе заданне: практ. 25

БЕЛАРУСКАЯ МОВА

Тэма: Родны склон прыметнікаў

Мэты: фарміраваць уменне працаваць з табліцамі скланення прыметнікаў, рабіць вывад аб асаблівасцях скланення прыметнікаў на аснове аналізу табліц; вучыць правільна дапасоўваць прыметнікі да назоўнікаў у родзе, ліку і склоне, звяраць напісанне канчаткаў прыметнікаў з табліцай; выхоўваць любоў да беларускай мовы, цікавасць да прадмета.

1. Арганізацыйны момант

2. Моўная размінка

Настаўнік чытае ўрывак з верша, які запісаны на дошцы. Вучні вызначаюць, як аўтар называе родны край.

Неба чыст.. і глыбок..

I бярозав.. ціх.. гай.

Беларусь мая сінявок..,

Беларусь мая, родн.. край!

Школьнікі з дапамогай настаўніка складаюць алгарытм напісання склонавых канчаткаў.

1) знайсці слова, ад якога залежыць прыметнік;

2) паставіць пытанне ад гэтага слова да прыметніка;

3) напісаць у прыметніку той жа канчатак, што і ў пытанні;

4) вызначыць лік, род і склон прыметніка па ліку, ро­дзе і склоне назоўніка, з якім ён звязаны.

Вучні ўстаўляюць прапушчаныя ў вершы канчаткі прыметнікаў, вызначаюць іх род і лік.

3. Хвілінка чыстапісання

Дзеці прапісваюць злучэнні літар ма, ум, ме, ім.

Гульня "Склад заблудзіў": далучыць да складоў свае склады і запісаць словы, якія ўтварыліся.

4. Праверка дамашняга задання

Работа па табліцы

Адзіночны лік	Мужчынскі род які?	-ы, -і новы, сіні
	Жаночы род якая?	-ая, -яя новая, сіняя
	Ніякі род якое?	-ае, -яе, ое новае, сіняе, лясное

Работа ў парах

Вучні ў парах працуюць па картках: дапісваюць кан­чаткі прыметнікаў, у дужках пазначаюць іх лік і род. Праводзяць узаемаправерку.

Варыянт 1. Вусн.. адказ (_). Вусн.. мова (_). Вусн.. пытанне (_).

Варыянт 2. Высок.. будынак (_). Высок.. вежа (_). Высок.. дрэва (_).

Пад дыктоўку вучні запісваюць сказ Увесь дзень церушыў іскрысты снег, падкрэсліваюць галоўныя члены, вызначаюць лік, род і склон прыметніка, праводзяць узаемаправерку.

5. Вывучэнне новага матэрыялу

3 апорай на табліцу на с. 13—14 падручніка вучні вы­значаюць, на якія пытанні адказваюць прыметнікі ў род­ным склоне.

Работа па падручніку

Практ. 26. Запісаўшы словазлучэнні ў родным скло­не, вучні вызначаюць род прыметнікаў, ставяць націск і абазначаюць канчаткі прыметнікаў.

Робяць вывад: прыметнікі мужчынскага і ніякага роду ў родным склоне маюць канчаткі -ага, -ога, -яга; жано­чага роду — канчаткі -ой, -ай, -яй.

Настаўнік звяртае ўвагу на правапіс о, а у канчатках: пад націскам пішам канчатак -ой, а не пад націскам — канчаткі -ай, -яй.

Дзеці запаўняюць табліцу.

Адзіночны лік	Назоўны склон			Родны склон
	Мужчынскі род які?	-ы, - і новы сіні	Мужчынскі род якога?		-ага, -яга новага сіняга ляснога
	Жаночы род якая?	-ая, -яя новая сіняя	Жаночы род якай?		-ай, -яй новай сіняй лясной
	Ніякі род якое?	-ае, -яе, - ое новае сіняе лясное	Ніякі род якога?		-яга, -ага, - ога новага сіняга ляснога

Фізкультхвілінка для вачэй

Работа па падручніку

Практ. 27 выконваецца па раней складзеным алгарытме. (Карткі з алгарытмам ляжаць на кожнай парце.)

Вучні чытаюць правіла на с. 17.