6. Әдебиеттер:
Бекітілген терминдер сөздігі (15 мынға жуық термин): словарь–
Алматы: Дайк-Пресс, 2009. - 328 б.
Исакова С. С.
Қазақ тілін үйренейік [Медицина саласы қызметкерлеріне аранлған оқу құралы]. Жалғастырушы деңгей / С. С.Исакова - Алматы: Алаш, 2010. - 248 б.
Ермекова, Күпән.
Танымгер 1: Изучаем казахский легко! Учебное пособие / К. Ермекова. - Алматы: Мектеп, 2009. - 191 б.
Қазақ тілін оқыту методикасы / С Рахметова. - Алматы: Ана тілі, 2011. - 184 б. сур.
Қазақ тілінің стилистикасы: учебник / М. Балақаев, Е. Жанпейісов, М. Томанов. - Алматы, 2010. - 255 б.
Құрманбаева, Шынар.
Қазақ тілі: денсаулық сақтау саласына арналған оқу-әдістемелік кешені / Ш. Курманбаева, С. Болатов - Алматы: Қазығұрт, 2010. - 136 б.
Оразымбетова Ғ.Д., Сәлім Е.Қ. Қазақ тілі 2013.- 166 б.
Сәлім, Е. Қ.
Жоғары кәсіби қазақ тілі: учебное пособие. Медициналық және
фармацевтикалық факультет студенттеріне арналған / Е. Қ. Сәлім, Ғ. Д. Оразымбетова, Г.Т.Тастанбекова -Караганд: ЖК Ақ Нұр, 2013. - 150 б.
Суатай С.Қ. Ісқағаздарымен жұмыс. Оқу құралы.-Қарағанды: ЖК
«Ақнұр баспасы», 2013-98 с.
Шәкенов Ж.
Қазақ тіліндегі күрделі сөздер мен күрделі тұлғалар / Ж. Шакенов. -
Алматы: Ана тілі, 2010. - 120 б.
7. Бақылау:
1. Тақырып №32, атауы: Ғарыш әлемі. Ғарыш айлағы және ғарышкерлер.
2. Сабақтың мақсаты: Тіл және сөйлеу туралы білімдерін тереңдету, байланыстырып сөйлеу дағдысын қалыптастыру. Сөздік қорын молайту, қызығушылығын арттыру.
3. Оқытудың міндеттері:
Студент білу керек:
- сөздік қорларын білу
жаңа сөздерді,мәтін мазмұнын
Студент істей білуі керек:
- өз ойларын жеткізу
- тақырып бойынша сұрақ қойып, сұрақтарға жауап беру, әңгімелеу.
4. Тақырыптың негізгі сұрақтары:
1. Ғарыш әлемі. Ғарыш айлағы және ғарышкерлер.
5. Сабақ беру және оқыту әдістері: ақпараттық әдіс, кейс әдісі, жаттығу әдісі, ізденіс әдісі, ойын әдісі
Сөздік
жетім – сирота
үйірме – кружок
атақ – звание
тәрбиелену – воспитываться
арманшыл – мечтатель
сынақ – испытание
қауіпті – опасный
дәлелдеу – доказать
үлес – заслуга
кенесші – советчик
Тоқтар
Оңғарбайұлы Әубәкіров (1946)
Жас
шағынан қалайда ұшқыш болуды мақсат
етіп қойған арманшыл жандардың бірі
Тоқтар Әубәкіров 1946 жылы 27 шілдеде
Қарағанды облысының Бірінші Май ауылында
туған. Ата-анасынан жастай жетім қалған
ол апасының қолында тәрбиеленеді. Тоқтар
үшін өзі балалық шағын өткізген аяулы
мекенін көк жүзін көру арман болды.
Балаң жігіт, ең алдымен, бос уақытында
аэроклуб үйірмесіне қатысып, парашюттен
секіруге әуестенді. Осылай асыл арман
аясында жүріп ол орта мектепті бітірген
соң, Армавирдегі ұшқыштар училищесіне
оқуға түсті. Инженер-ұшқыш атағымен
училищені бітірген Тоқтар Қиыр Шығыста
жұмыс істеп жүріп, 1-класты әскери ұшқыш
атағын иеленді. Өз ісін жетік меңгерген
маман ретінде ол аса жауапты да қиын
жұмыстар атқарды: түрлі маркадағы
бірнеше әскери ұшақты сынақтан өткізді.
Албырт жастың әлі де алдына қойған
мақсаттары көп еді, ақыры ол өз арманына
жетті. 1986 жылы «Тбилиси» авиакрейсеріне
«МИГ-29К» дыбыстан жылдам ұшатын ұшағын
қондырып алып, сол кемемен әлемде тұңғыш
рет трамплиннен ұшып шықты. Осы батырлығы
үшін Т.Әубәкіровтің есімі Гинестің
рекордтар кітабына жазылды. Тоқтар
50-ден астам жаңа ұшақтарды сынақтан
өткізді. Осындай өміріне аса қауіпті
сынақтарды жүзеге асырғаны үшін ер
жүрек жігітке Кеңес Одағының Батыры
атағы берілді. Қазақ жігіті Отан алдында
жасаған ерлік әрекеттерін әлем жұртшылығы
алдында дәлелдеуін осылай бастады.
Ресейдегі әскери қызметтен босаған
соң, Тоқтар Әубәкіров тәуелсіз
мемлекетіміздің ғарыш саласындағы
істеріне басшылық жасады, Елбасының
ғарыш істері жөніндегі кеңесшісі болды.
Тоқтар Әубәкіров – техника ғылымдарының
докторы (1998), профессор (1997), Кеңес Одағының
еңбек сіңірген ұшқыш-сынақшысы, авиация
генерал-майоры (1995). Қазір Тоқтар Әубәкіров
– Қазақстан Парламенті Мәжілісінің
депутаты, халық қалаулысы. Елімізде
туындап отыратын күнделікті мәселелерге
белсене араласып, олардың оңтайлы
шешілуіне үлесін қосуда.
Мәтін тапсырмалары
1- тапсырма. Мәтінді оқып аударыңыз.
2- тапсырма. Мәтінге сұрақтар құрастырыңыз.
3 –тапсырма.Мәтіннің мазмұнын айтып беріңіз.
1- жаттығу. Сөз тіркестерін аударыңыз.
Арманшыл жандардың бірі, көк жүзін көру арман болды, парашюттен секіруге әуестенді, ұшақтарды сынақтан өткізді.
2- жаттығу.Сөз тіркестерімен сөйлем құраңыздар.
Оңтайлы шешілу, белсене араласып, халық қалаулысы, ұшқыш-сынақшы, техника ғылымдарының докторы.
3- жаттығу. «Байқоныр ғарыш айлағы» тақырыбына шағын мәтін құрастырыңыз.