1 Жалпы бөлім

1. Сумен қамтамасыз етудің қазіргі жағдайлары және

қабылданған шешімдер

Қазіргі кезде шаруашылық орталығы орталықтандырылған сумен қамтамасыз етілмеген. Шаруашылық ауыз су қажеттілігі үшін шахталы құдықтар, сондай-ақ артезиан скважиналары қолданылады. Сумен қамтамасыз етудің көрсетілген су көздері ауыз судың жалпы қажеттілігін қамтамасыз етпейді және санитарлы қатынаста жабдықталмаған.

Бұл дипломдық жобада орталықтандырылған сумен қамтамасыз ету құрылысы су алғыш құрылыстармен қыстақтық су құбыры желісімен бірге толық комплексті қарастырылған.

Жобада 2 ЭЦВ 8-40-60 сораптармен жабдықталған су алғыш қарастырылған және су алғыштың құрылысы ауданында орналасқан комплексті су құбыры ғимаратының құрылыс құрамы төмендегідей.

1. Скважинамен бірлестірілген І көтергіш сорап станциясы.

2. Әрқайсысының сиымдылығы 300 м³ екі таза су резервуары.

3. ІІ көтергіш сорап станциясы.

4. Хларатор бөлмесі.

5. Биіктігі Н=18 м, сиымдылығы 50м³ су көтергіш мұнара.

1.2 Құрылыс ауданының инженерлік-геологиялық және гидрогеологиялық жағдайлары

Жобаланушы құрылыс ауданы аллювиальды жазықтықтың бетіне орналасқан. Ауданның беті тегіс. Геологиялық құрылысы бойынша аудандар майда түйіршікті құмдардан тұратын аллювиалдық генезисті қазіргі төрттік дәуір шөгінділерден тұрады. Жоғарғы қабаттан 0,4-0,7 м тереңдікке дейін тығыз, сарғыш сұр түсті саздақтар.

Алынған 2 монолит үлгі бойынша лабораториялық жағдайда саздақтардың физика-механикалық қасиеті зерттелген, ол төменде келтірілген.

1. Ағындылық шекарасы – 0,25.

2. Домалану шекарасы – 0,15.

3. Пластикалық саны – 0,10.

4. Үлесті салмағы – 1,71.

5. Көлемдік салмағы – 1,65.

6. Скелеттің көлемдік салмағы – 1,44.

7. Кеуектілік – 47.

8. Кеуектілік коэффициенті – 0,88.

9. Табиғи ылғалдылығы – 14,89.

10. Ылғалдылық дәрежесі – 0,5.

11. Деформация модулі – 35-100.

12. Тұрмыстық қысым кезіндегі суландыру отырғыш:

1 кг 2 кг 3 кг

0,028 0,128 0,133

13. Байланысуы – 0,2-0,35.

14. Ішкі үйкеліс бұрышы – 28.

15. Сүзілу коэффициенті – 0,3.

16. Аймақтық су тіреуіш тереңдігі – 120 м.

Сурет 1.1 – ОҚО Қарамұрт елді-мекенінің аэротүсірілімі

Құмдақтардың, саздақтардың, саздар мен құмдардың физика-механикалық қасиеті аудандарда комплексті инженерлік-геологиялық таспаға түсіру өндірісі кезінде зерттеледі.

Грунт сулары барлық бұрғыланған скважиналарда 43-48 м тереңдікте кездесті. Сулар хлоридті-сульфатты, натрийлі-магнийлі минерализациясы – 2,6-2,9 г/л. Грунт сулары бетонға қатысты қалыпты тығыздықта, сульфатты жебірлігі бар.

Фундамент табаны болып төрттік дәуірдегі құмдар болып табылады. Топырақтың ұсынылатын мөлшерлі сипаттамасы 1.1, 1.2-кестелерде келтірілген.

Аудандағы топырақтар қатты тұзданған. Тұздану түрі хлоридті-сульфатты.

Сүзілу коэффициенті: құмдақ үшін – 0,50, саздақ үшін – 0,40, саз үшін – 0,1, құм үшін – 3,4. Топырақтар шөкпелі емес, әлсіз қысымды.

1.1-кесте.Топырақтардың ұсынылатын физико-математикалық қасиеттерінің мөлшерлі көрсеткіштері

№	Топырақ аттары	Үлесті салмағы, г/см2	Көлемдік салмағы, г/см3	Кеуектілік, %	Кеуектілік коэф-ті	Табиғи ылғалдылық	Байланыс күші, кг/см2	Ішкі үйкеліс күші, град	Жалпы деформация модулі, кг/см2
	1	2	3	4	5	6	7	8	9	10
1	Саз	2,73	1,35	46	0,86	0,77	0,35	21	40	120
2	Саздақ	2,72	1,76	40	0,68	0,70	0,20	14	35	100

1.2-кесте. Топырақтың ұсынылатын физико-математикалық қасиеттерінің мөлшерлі көрсеткіштері

№	Көрсеткіш аттары	Өлшем бірлігі	Топырақ аттары
			Саз	Ауыр саздақ	Орташа саздақ
	Ағымдылық шекарасы	%	0,4	0,39	0,25
	Домалану шекарасы	%	0,22	0,22	0,15
	Пластикалық саны	%	0,18	0,17	0,10
	Үлесті салмағы	г/см3	2,73	2,12	2,71
	Көлемдік салмағы	г/см3	1,85	1,76	1,65
	Скелеттің көлемдік салмағы	г/см3	1,48	1,44	1,61
	Кеуектілік	%	46	47	40
	Кеуектілік коэффициенті		0,86	0,88	0,68
	Табиғи ылғалдылық	%	24	15	14
	Ылғалдылық дәрежесі	%	0,77	0,7	0,5
	Тұрмыстық қысым кезіндегі суландыру отырғыштығы
	Жалпы деформация модулі, кг/см2	кг/см2	40-120	35-100	-
	Байланысу		0,35	0,60	0,20
	Ішкі үйкеліс бұрышы, град	град	21	14	-
	Сүзілу коэффициенті	м/тәул	0,12	0,4	-
	Рационалды су тіреуіш тереңдігі	м	120	-	-