Үндістан

Отанымыз қыс болмайтын үнді елі,

Мәңгі жасыл құлпырған гүлдің елі.

Сіздер ішер шайыңыз біздердікі,

Біздің жер джунгли, пілдің елі.

Ән менен жыр, үнді ұлтының биі қандай,

Пейіштің жүргендейміз жұмағында.

Киномыз кәрі- жасты елтіп кетер,

Әлем аруы атанған Айшвария Рай.

Біздің ел махаббаттың адал елі,

Тәж- Маһал куәболып қалған белгі.

Гауһар тас, жаһұт, меруерт, маржан,

Байлықтың жер бетінде тұнған жері.

Халқымыз көп, ал Дели- астанамыз.

Өзге ұлттан бай біздің асханамыз.

Дініміз- индуизм, рупи- ақша.

Дамушы елміз, әлі- ақ жақсарамыз.

Тауда туып, тауда өскен, таудың халқы,

Елден ерек Кавказдың бөлек салты.

Бұлақ суы, жұтқаны кәусар ауа,

Көп жасаудан грузиннің шыққан даңқы.

Грузия

Бар халыққа үлгіміз,

Грузинбіз- гүржіміз.

Жүзім шарап, сусын іш

Келсе ұзақ сүргіңіз.

Қара теңіз жағасы,

Батумидай қаласы.

Демалуға келеді

Барлық адам баласы.

Субтропика, қысы жоқ,

Жеміс- жидек, цитрус көп.

Шай менен бар небір ас,

Кеп кетіңіз қонақ боп.

Курорт қандай тамаша

Суға түссек жарыса,

Кел ортаға билейік,

Қуанайық балаша.

Киносымен біздерді баурап алған,

Электроникасымен әр үйді жаулап алған.

Корея «Азияның айдаһары»

Камбок киген келеді балалары.

Корея:

Корея – «Азияның жолбарысы»,

Жаман емес алға аяқ алысы.

Экономикасы 24- ші орында,

Жоғары боп ішкі өнім, табысы.

Сеул қаласы Кореяның астанасы,

Дамыған өнеркәсіптің бар саласы.

Табиғаты –өзен, көл, таулы орман,

Күріш өсіп жайқалған кең даласы.

Автолары: «Хундай», «ДЭУ», «Пони – Эксел»,

Электроникасы: «LG», «ДЭУ», «Самсунгтер».

80% халқы тұрады қалада,

90% таза корейлер.

Қонақжай, мейірімді қазақ халқым.

Бауырға басқан 100 мыңдай корей халқын.

Көш басына сен де жет тілегіміз,

Жайылсын барша елге атақ- даңқың,

(Жарнама асқа)

Кәріспіз, дәмдеуішпен асын жеген,

Ал ұлттық тағамымыз «кокси» деген,

Көрсеткен тарихы мен ойын- сауық,

Қараймыз киноларын уақыт тауып.

Өзге ұлттан бөлек өнері,

Әсіресе, ән менен жыр, билері,

Армысыз, қазақ елі, дархан халық.

Барша ұлтты қарсы алған құшақ жайып.

Корей елі дәстүрлі салтыменен

Құрметпен келдік сіздің елге «Салем салып».(Салем салады)

Табиғаты алуан, байлығымен таңдантады,

Бір шетінде күн батса, бір шетінде таң атады.

Қазақ- орыс достығы тарихы бар.

Үш ғасырды мәңгіге жалғатады.

Ресей:

Мен орыспын қара қылды қақ жарам,

Сауықшылмын, сайраншылмын басқадан.

Орыс- қазақ дос боп келдік 300 жыл

Қазақтардай көршім бар деп мақтанам.

Қазағы көп оңтүстікте Орынбор

Петр салған қалам Санкт- Петербург

Москва- жан жүрегім астанам,

Иван Грозный салып кеткен бас қалам.

21 Республика федерация құрайды,

Орманды тайга, егістік алқап шұрайлы.

Орал тау бойы кенге тұнып тұр,

Жазықтары, теңіздері мұнайлы

Солтүстігі қысы- жазы мұз құрсау,

Оңтүстік- шығысында Алтай, Саян мұзды тау.

Алтын елеп өзенінен аласың

Байлық тұнған Ленадағы атырау.

Автомобиль, кеме, вагон, ұшақтар

Ең сапалы өнім болып тұрғаны.

Қазақстанда таныстыру

Қыраны көк төсінде қанат қағып,

Жас шыбықтай көктеген тасты жарып.

Тыңнан жол сап Қазақстан көш басына

Күннен күнге қарыштап барады дамып.

Қазақстан:

Армысыздар, қалың жұртым, қазағым.

Алға ұмтылып жалындадың, маздадың.

Ауызбірлік болсын елде тыныштық,

Құдай өзі бере жатар қалғанын.

Тәй- тәй басып, шықтың атақ- даңқыңмен,

Жалғасысың, өшпейсің дәстүр салтыңмен.

Қазақстан жаса- жаса мәңгілік

130- дай ұлт пен ұлыс халқыңмен.

Қазақстан, қазақ елі Отаным,

Сенде туып, сенде өскен ұланмын.

Шаңырағыңда желбіресін көк байрағың,

Көк аспанда қалықтасын қыраның.

Батыс Қазақстан:

Қазақстан Батысымен шетелге де ұнайды

Хром, никель, фосфор, газды, мұнайлы.

Облыстар: Ақтөбе, Маңғыстау мен Атырау,

Орал Батыс Қазақстанды құрайды.

Тұщы су өндіретін АЭС- і бар Ақтауда

Мұнай өндіретін зауыты бар Атырауда

Ақтөбеден шыққан рентген аппаратын

Жапониядай елдер көп сатып алатын.

Солтүстік Қазақстан:

Солтүстік Қазақстан астықты өлке,

Сенің арқаң нан жесек бөлке- бөлке.

Екібастұз сенің көмірің жаққанымыз,

Павлодар сенің тракторың сатқанымыз.

Жетіқара, Степняктан алтын қазып,

Сакалов- Сарыбайдан темір алып.

Қостанай, Ақмола, Павлодар, Петропавл

Елордасы Астанадай қала салып.

Ілияс Жансүгіровқа арнау

Тастан аққан бұлақтай сылдыр үнің,

Дауысыңды аңсаймыз сенің бүгін.

Поэзияның заңғары Ілияс аға,

Қиындықпен өтіпті әрбір күнің.

Сезбей өскен ананың алақанын,

Тұмсықтыға шоқытпай балапанын.

Қамқорымен әкенің өскен оқып,

Үмітпенен қарсы алған дала таңын.

Өзіңді іздеп «Бозінгенің» боздайды,

«Күйшің» тартқан «Күйің» жүрек қозғайды.

Сүрінген «Құлагерім» өзің аға

Қалдырған мұраң- жырың тозбайды.

Қазақтың бетіндегі қаймағысың,

Асыра сілтеушілік құрбанысың.

Оқ атты сыртыңыздан, кінәңіз сол-

Ұлтыңның көш басында тұрған үшін.

«Тұсау кесу–ата дәстүр» тәрбие сағатына арнау.

Оқушы:Өмірге келген былтыр көктем жете,

Түп тамыры Оралдан, руы- Айдар кете.

Гүлназираның тұсауын кессек бүгін

Тәй- тәй басып шауып кетсін тездете.

Мұғалім: Тәртіпті де үлгілі, тал шыбықтай,

Білімі мен қоймайды мыңды жықпай.

Әп- әдемі, дауысы сылдырындай бұлақтың

Ұқсасын деп Данараға таңғы шықтай.

Балапандарым

Әні мен сөзін жазған: Ж.Есжанова

Таңсәріден, таңсәріден,

Тұра сала ұйқыдан.

Жүгіреді аталап,

Жүгіреді әжелеп, балапандарым.

Бір бөлмеден екіншіге

Жүгіреді алысып.

Үлкен кішімен ойнап,

Кіші үлкенмен ойнап, балапандарым.

Сендерден тараған нұр

Бөлесін үйді шуаққа.

Шығыңдар сонау қыратқа, балапандарым.

Қарсы ап Ұлыс күнін- Наурызды елмен,

Гүлназираның атасы да Наурыз деген.

Ағасы Аманбек, әкесі Аманғали

Жақсы есімдер, анасы да Ақтілек екен.

Армандаумен, армандаумен

Ата-анаң келеді.

Ер жетсе деп сендерді,

Бой жетсе деп сендерді, балапандарым.

Қолдан келсе, қолдан келсе

Апаларың сыйлайды.

Өмірдегі бақытты,

Өмірдегі шаттықты, балапандарым.

Мұғалім: Таси берсін береке мен бағыңыз,

Қуанышқа толы әр күнің болсын.

Шашуынан бұл тойдың сіз де алыңыз,

«Сен де осыған жет» деп, ырым болсын.