1. Негізгі және қосымша шағымдарды бөліңіз.

2. Синдромдарды анықтаңыз.

3. Негізгі синдромды дәлелдейтін ең қажетті зерттеу әдістерін атаңыз.

_________________________________________________________________

1
2
3

Есеп № 37

Науқас Л., 36 жаста, әйел, гастроэнтерология бөлiмiне келесi шағымдармен түстi: кiлегей, iрiң, қан араласқан сұйық нәжiстiң тәулiгiне 12 ретке дейін болуы, кейде нәжiс кiлегей араласқан, қан ұйындысы тәрiздi болады; iштiң төменгі бөлiгiнiң ауыр тартуы, дене температурасының 38⁰С-қа дейiн көтерiлуi, тәбеттiң төмендеуi, жүдеу.

Науқаста 4 апта бұрын себепсiзден-себепсiз нәжiсiне қан араласып, қоймалжың, кейде сұйық болып тәулiгiне 3-6 рет өткен. Үйiнде левомицетин, фталазол iшiп емделген. Емнен нәтиже болмаған, жағдайы нашарлаған: нәжiсi 16 рет (нәжiстiң түрi таңқурай сiлiкпесi тәрiздi және iрiң, кiлегей араласқан қан ұйындысы тәрiздi) болған, әлсiздiк күшейген.

1. Негізгі және қосымша шағымдарды бөліңіз.

2. Синдромдарды анықтаңыз.

3. Негізгі синдромды дәлелдейтін ең қажетті зерттеу әдістерін атаңыз.

1
2
3

Есеп № 38

Науқас К., 56 жаста, әйел дәрігерге келесі шағымдармен келді: ұзақтығы 1,5-2 сағатқа созылатын, спазмолитикалық дәрілер мен ферменттер ішкенде басылатын, тамақ ішкенде немесе тамақтан соң бірденінен дамитын іштің жоғарғы бөлігінің “белдеме тәрізді” ауырсынуы, ішінің шұрылдауы, кебуі, әсіресе майлы қуырылған тағамнан кейін үлкен дәретке жиі баруы, салмақ жоғалту, әлсіздік.

Анамнезі: 7 жылдан бері өзін науқас деп санайды. Созылмалы гастритпен ауырады. Соңғы 3 айда көп мөлшерлі, қорытылмаған ас қалдықтармен, сасық иісті нәжіспен ішінің өтуі мазалайды. Соңғы өршуі ет қосылған қуырылған бәліш жегеннен кейін басталған.

Объективті тексеру: жалпы жағдайы қанағаттанарлық, ашушаң, тері жамылғылары бозғылт, құрғақ. Дене салмағы 48 кг, бойы 162 см. Тілінде ақ жамылғы, іші кепкен. Іштің беткей пальпациясында эпигастрий аймағы мен сол жақ қабырға астында ауырсыну бар, іш бұлшық етінің кернеулігі жоғары. Мейо-Робсон, Дежарден, Шоффар, Губергриц нүктелерінде ауырсыну бар.

1. Негізгі және қосымша шағымдарды бөліңіз.

2. Синдромдарды анықтаңыз.

3. Негізгі синдромды дәлелдейтін ең қажетті зерттеу әдістерін атаңыз.

1
2
3

Есеп № 39

Науқас И., 35 жаста, ер кісі физикалық күштемеден кейін және тамақтан соң оң жақ қабырға астында тұрақты түрде ауырлық сезімнің болуына, лоқсу, тәбетінің төмендеуі, іш көлемінің ұлғаюына, терісінің қышуына, қызыл иегінің қанағыштығына, іш қатуға, жалпы әлсіздікке, жұмысқа қабілетінің нашарлауына, тез шаршағыштыққа шағымданады.

Анамнезінен: Науқасты 5-6 айдан бері салмағы азайғанын байқаған. Жоғарыда аталған шағымдар бір аптадан бері мазалайды.

Объективті қарағанда: жалпы жағдайы орташа ауырлықта. Терісі сарғыш бозғылт, тілі мен ерні ашық қызыл түсті, теріде петехиялық бөртпелер, алақандарында эритемалар. Іші ұлғайған, тері астылық веналары білеуленген. Іштің беткей пальпациясында оң жақ қабырға астында ауырсыну бар. Өкпесінде везикулалық тыныс, ТАЖ минутына 20 рет. Жүрек тондары анық, ырғақты. Пульс минутына 64 рет. АҚҚ 90/60 мм.сын.бағ. Қағу белгісі екі жағында теріс мәнді.