Шешіну орындары. Кеңселер мен бюролар.
Шешіну орындары далаға және жұмысқа киетін арнайы киімдерді сақтауға арналған. Киімдерді ашық немесе жабық шкафтарда сақтайды. Термиялық цехтарда жабық шкафтарда сақталады. Шешіну бөлмелер бөлек ер адамдарға жән еәйел адамдарға жобаланады. Шкафтардан саны барлық сменаларда жұмыс істейтін жұмысшылардың сандарының қосындысынан анықталады. Шкафтардың өлшемі: бірлік 30 х 35 см және екілік 50 х 35 см. Бір шкафқа нормалық ауданы 0,52 және 0,94 м2. Шкафтардың биіктігі 1,7 м кем болмау керек. Жабық шкафтарда желдету торлар болу қажет. Шкафтар қабырғаның көлденесінен жақсы жарық түсу үшін орналасады. Ілгіштің биіктігі 1,35 м. Ашық шкафтардың өлшемі: ені 20 см, тереңдігі 25 см және биіктігі 1,5 м кем болмау керек. Кеңселер, зертханаларда және т.б. дала киімдерін ілгішке орналастырады.
Кеңселер мен бюролар. Кеңселік бөлмелер келесі норма бойынша есептеледі: бір жұмысшыға 3,25 м2. Конструкторлық бюролардың бір сызу столына 5 м2 , бір жұмысшыға шешінетін бөлмеге 0,25 м2.
Тұрмыс бөлмелерді жобалаған кезде олардың шығыны цехтың құрылысынан 25% алынады. Сондықтан тұрмыс бөлмелерді рационалды орналастыру қажет. Жобалаған кезде келесі ұсыныстар болу мүмкін: 1. Гардероб, жуыну және дәретхана бөлмелерді бірінші қабатта орналастыру қаже. 2. Шешіну орындары, жуыну және дәретханаларды жобалаған кезде адамдардың ағымдары сәйкес келу қажет. 3. Санитарлық түйіндерді әр қабатта орналастыру бірі бірінін үстінде. 4. Әкімшілік-кеңселік бөлмелерді, зертханаларды екінші қабатта орналастыру. 5. Қойма бөлмелерге қосымша сыртқы кіру есігі болу керек.
Сорып шығарумен желдету.
Желдету қондырғыларының өндiрiстегі негiзгi жұмысы - машиналарды,
механизмдерді және өндiрiстiк бөлмелердi шаңнан тазарту. Астықты қабылдау, орын ауыстыру, тазарту және өңдеу процестері кезінде шаң пайда болады. Астықты өңдеу кезінде көп мөлшерде жылу мен ылғал бөлінеді, бұл шаңмен бірге зеңнiң және микроорганизмдардың пайда болуына әкеліп соғады. Желдету желiлерiнiң дұрыс жұмыс істемеуі немесе оның болмауынан өнiм желімденіп қалады. Станоктардағы біліктердің бұдыр беттері мен елеуiштердiң тесіктері бітеліп, соның салдарынан өнiмнiң ұнтақталуы нашарлайды, сүзетiн бетi азаяды. Бұл технологиялық процестің дұрыс жүруіне кедергі келтіріп, кәсiпорынның өнiмдiлiгiн азайтады және өнiм сапасын нашарлатады.
Желдетудiң жұмысы келесiдей:
1. Сақталатын астықтың үйiндiсiндегi белгілі бір температураны ұстап тұру.
2. Астықты қоспалар мен шаңнан тазарту.
3. Машиналардың беттерi мен жұмыс органдарын, сонымен ұнтақталатын өнiмдердi суыту.
4. Машиналар, механизмдер, елеуіштердiң iшкi беттерiне ылғалды
конденсациялауды болдырмау.
5. Жұмысшылар мен өндiрiстiк процесс үшiн ауаның оңтайлы параметрлерін
құру.
6. Өрттер және жарылыстарды болдырмау үшiн машиналардың сыртқы беттерiн шаңнан тазарту.
Өнеркәсіптік өндірісті еңбек гигиенасына қатысты дамытудың қазіргі
заманғы кезеңінде өндірістік желдеткіштер елеулі рөл атқарады. Оның
маңыздылығы өндірістік бөлмелер ауасына қоршаған орта факторлары мен еңбек процесінің адам организміне әсер етуін азайтатын немесе болдырмайтын өлшемдерді тән ететін неғұрлым тиімді іс-шаралардың бірі болып табылатындығымен айқындалады. Шамалары елеулі дәрежеде желдеткіштің тиімділігі және ұтымдылығымен айқындалатын факторлар: зиянды химиялық заттар, өндірістік шаң, ауаның температурасы, ылғалдылығы мен қозғалысының жылдамдығы. Сондай-ақ кәсіпорындардың еңбекті қорғауға бөлетін қаражатының
негізгі бөлігі желдеткіш жабдықтарды сатып алу мен пайдалануға жұмсалатынын атап айтқан жөн. Сонымен бірге, еңбекті қорғау саласындағы практика көрсеткендей, жекелеген жағдайларда желдеткіш жабдықтар дұрыс орнатылмағандықтан немесе дұрыс пайдаланылмағандықтан, оларды сатып алу мен пайдалануға жұмсалатын қаражат өзін өзі ақтамайды.
Кәсіпорын аумағында таза ауаны сақтау - жабдықтарды цехтарды желдету
үшін қолдану және жұмыс орындарында қолайлы жағдай жасау үшін пайдаланудың негізгі шарты.
Шығарылатын ауаны қоспалардан тазарту дәрежесінің коэффициентін
айқындау (зиянды заттар концентрациясы мен тазартқанға дейінгі,
тазартқаннан кейінгі зиянды заттар концентрациясының процентпен көрсетілген арақатынасы) ауаны тазарту қондырғыларының жұмыс істеуінің негізгі техникалық сипаттамалары болып табылады.