Немістің стандарттар институты

1917 ж жалпы машинажасау үшін нормалар Комитеті құрылды. Осы жыл Германияда стандарттаудың ұлттық жүйесінің пайда болған жылы деп белгіленген. Комитет 1926 ж Германияның стандарттар комитеті және 1975 ж. Немістің стандарттар институты (DIN) болып өзерістерге ұшырады.

1990 ж. бастап стандарттау, метрология және өнімді бақылау Басқармасымен (бұрынғы ГДР-дің ұлттық ұйымы) қатынастарын тәртіпке келтіру үшін біраз қадамдар жасалды, соның нәтижесінде халықаралық және европалық стандарттарға сай келетін біріккен Германияның бірегей нормативтік құжаттар түзуге шешім қабылданған. Осы жылдан бастап DIN стандарттау бойынша Германияның ұлттық ұйымы болып саналады, елдің халықаралық (ИСО мен МЭК) және европалық стандарттау ұйымдарында бірден- бір өкілетті өкілі.

DIN мүшелері Президиумды сайлайды, оның құрамында президент және оның орынбасарлары, қаржы комитетінің төрағасы, DINдің директоры, сонымен қатар өнеркәсіптің, ет бизнесінің, сауда мен қызмет көрсету айналасынан, ҒЗИ, қоғамдық ұйымдардың және үкіметтік мекемелерінің өкілдері кіреді.

Германияда ұлттық стандарттаумен төмендегі салалар қамтылған: құрылыс, электротехника, химиялық өндірістер, дәл механика және оптика, фотография мен кинематография, құжаттар мен іс қағаздарды жүргізу, денсаулық сақтау, атом техникасы, ауыл шаруашылығы, бояу өндірісі, машина жасау мен кеме жасау, авиация, спорт пен демалыс, сағаттық, зергерлік және тіс емдеу ісі, су шаруашылығы мен және т.б. Тауарлар мен қызметтердің қауіпсіздігін, қоршаған ортаны қорғауды қамтамасыз ету облыстарында стандарттауға және негізгі стандарттарды түзуге үлкен көңіл аударылады.

Немістің ұлттық стандарттары ұсынышылық сипатқа ие, сондықтан олар құқықтық нормалар ретінде емес, «техникалық жалпытанылған ережелері» ретінде қабылданады. Егер ұлттық стандарт федералдық заң нормалары жұмыс істейтін облыстарға қатысы болса, онда ол міндетті сипатқа ие болады.

DINнің үкіметпен достастық келісім- шарт шеңберінде қабылдаған бірқатар ұлттық стандарттары, Техникалық құрылымдардың қауіпсіздігі туралы заң шыққан соң (1980ж), неміс өндірушілеріне де және өнеркәсіптік өнімдердің импортерлеріне де міндетті болып шыға келді.Қоршаған ортаны қорғау туралы заң шыққан соң (1980ж), судың, атмосфераның тазалығына, шудың деңгейіне қойылатын талаптардың стандарттары міндетті құқықтық нормаларға айналды. Тамақ өнімдері мен көпшілік қолданатын тауарлар туралы заңның негізінде халықтың денсаулығын сақтау жөніндегі стандарттар міндеттілік сипатқа ие болып отыр.

Сертификаттау мәселелерімен халықаралық және европалық ұйымдарда сертификаттау бойынша Германиялық кеңес (DINZERT) айналысады.

Стандарттауды ақпаратпен қамтуда техникалық ережелердің Ақпараттық орталығының (DITR) рөлі өте үлкен.

DIN мен Ресейдің мемлекеттік стандарты арасында қарым-қатынас дамып келеді. DIN, Ресейдің мемлекеттік стандарты Берлин- Бранденбург Техникалық бақылау одағы құрған- «Европадағы сертификаттау бойынша қоғамы (GZE)» біріккен кәсіпорын бірнеше жыл жұмыс істеп келеді. Кәсіпорынның міндеті- Ресей мен Украинаға барлық европалық өнімдерді экспорттауға қолдау көрсету. Бұл үшін үлкен жұмыстар істеліп жатыр, әсіресе тауарлар мен қызметтерді сертификаттау жұмыстары. GZE кәсіпорынның екінші міндеті ақпараттық функциялармен байланысты: қабылдайтын елдерде қолданылытын стандарттарды табу, олардың сертификаттау бойынша талаптарын және тауарларға қойылатын техникалық техникалық талаптарды анықтау.