Қансырап тұрған тамырға қанды тоқтататын қысқыш салған кезде мейіркештің іс-әрекетінің алгоритмі.

Көрсеткіші: Артериялық қансырауды уақытша тоқтату.

Құжаттар:

• екі үшкір ілгектер;

• қанды тоқтататын қысқыштар;

• тану материалдар;

• резеңкелі қолғаптар;

• дез. ертінді бар ыдыс;

• бинт.

Іс-әрекетінің алгоритмі:

1. Резеңкелі қолғап кию.

2. Залалсыздандырылған лоток, екі үшкір ілгектер, қанды тоқтататын қысқыштар дайындау.

3. Жараның шетін ілгектермен ашу.

4. Қансырап тұрған тамырдың екі шетін табу.

5. Залалсыздандырылған қысқыштармен тамырдың шетін ұстап бекіту.

6. Жараға асептикалық байлам салу.

7. Зембілге салып, пациентті ауруханаға тасымалдау.

8. Резеңкелі қолғапты шешіп, дез. ертінді ыдысқа салу.

Қысып тұратын байлам салған кезде мейіркештің іс-әрекетінің алгоритмі.

Көрсеткіші: Жұмсақ тіндер жарақаттанған кездегі көктамырлы қансырауды тоқтату.

Құжаттар:

• 1% йодонат флаконы;

• залалсыздандырылған салфеткалар;

• бинт, мақта, жеке тану пакеті;

• лоток, қайшылар, пинцеттер (3);

• резеңкелі қолғаптар;

• дез. ертінді бар ыдыс.

Іс-әрекеттің алгоритмі:

1. Резеңкелі қолғап кию.

2. Жараны, тіндерді тексеру.

3. Жара аймағын 1% йодонатпен өңдеу (ортасынан шетіне дейін) екі рет.

4. Пинцетті айырбастау.

5. Жараның бетін 1% йодонатпен өңдеу (сорғыш әдісімен).

6. Пинцет арқылы жараға залалсыздандырылған салфеткалар салу, бет жағына бинт, немесе қатты шиыршықталған гигроскопиялық мақта.

7. Тану материалды бинт байламмен бекіту.

8. Пациентті ауруханаға тасымалдау қансырауды біржолата тоқтату үшін.

9. Резеңкелі қолғапты шешіп, дез. ертінді ыдысқа салу.

Есте сақтау керек:

Егерде жеке тану пакетін қолданса, жара бетіне бір жастықшаны оның үстіне екінші жастықшаны орналастырып, бинтпен бекіту.

Артериялық қансырауда барынша бүгу әдісті қолданып уақытша қанды тоқтату үшін мейіркештің іс-әрекетінің алгоритмі.

Көрсеткіші: Ширақ және жұмсақ заттар жоқ кезде, артериялық қансырауды тоқтату үшін буында барынша бүгу әдісті қолдану.

1. Бұғана астындағы артериядан қан кеткенде қанды тоқтатуға болады:

• бұғананы қабырғаға қысу – ол үшін иықты барынша арт жаққа апарып, байламмен немесе косынкамен шынтақ буында бекіту.

2. Иық артериядан қан кеткенде:

• шынтақ буында білек сүйектерін барынша бүгіп, иықты, білектерді ортаңғы бөлікте нақты бекітіп, байламмен немесе косынкамен бекіту.

3. Тақым астындағы артериядан қан кеткенде:

• аяқты тізе буында барынша бүгіп, осы жағдайда байламмен немесе косынкамен бекіту.

4. Сан артериядан қан кеткенде:

• сан сүйегін шап аймағында барынша бүгіп, байламмен немесе косынкамен бекіту.

Есте сақтау керек:

Аяқ-қолдардың барынша бүгу жеріне алдын-ала мақтадан, марліден немесе басқа материалдан жасалған пелот орналастыру қажет.