4.Бақылау сұрақтары:

1. Моралъдық-саяси дайындыққа қойылатын талаптар.

2. Психологиялық дайындығына қойылатын арнайы талаптар.

3. Дене дайындығына қойылатын арнайы талаптар:

4. Оқушының әскери-патриоттық тәрбиесінде отбасының атқаратын рөлі.

5. Оқушылардың Отанды қорғауға дайындығының қалыптасуы.

6.Төменгі,орта,үлкен жасөспірім жастағы оқушыларды әскери-патриоттық тәрбиелеу.

7.І-ІҮ сынып оқушыларына патриоттық сезімнің қалыптасуы.

8.Оқушының әскери-патриоттық тәрбиесіне отбасының тигізетін рөлі

9.Кіші мектеп жасында патриоттық сипаттағы ойындық іс-әрекеттердің маңызы

5.Аудиториялық тапсырманы орындау тәртібі:

1. Сабақтың тақырыбы мен жоспарына сәйкес пікір-талас өткізу.

2. Студенттерді бағалау.

6. Студенттердің аудиторияда тапсыратын сөж тақырыбы:

1.Жастардың Отан қорғауға дайындығын тәрбиелеу.

2.Төменгі,орта,үлкен жасөспірім жастағы оқушыларды әскери-патриоттық тәрбиелеу.

3.Жосапарлы әскери-патриоттық шараларға басшылық ету.

7. Үй тапсырмасы:Жастардың Отан қорғауға дайындығын тәрбиелеу,төменгі,орта,үлкен жасөспірім жастағы оқушыларды әскери-патриоттық тәрбиелеу.Жоспарлы әскери-патриоттық шараларға басшылық етуді оқыту әдістемесі

8.Сабақ тақырыптарына сәйкес әдебиеттер және Web сайттар тізімі:

1 Г.В.Средина Москва, «Просвещение» 2001г. Основы военно-патриотического воспитания.

2.Организация внеклассной работы по начальной военной подготовке и военно-патриотическому воспитанию. (под. ред. Ф.Е.Штыкало). Москва, «Просвещение» 2000г.

3. Б.Ахметов,Т.Қарғабаев Әскери патриоттық тәрбие негіздері оқу құралы Түркістан 2010

http://mod.go.kz-Қорғаныс министрлігі. asker.kz-Қазақстан Әскері сайты

№4 СӨЖ сабақ

Тақырыбы:" Оқушыларға ерлік дәстүрлер негізінде патриоттық тәрбие беру"

1.Жоспары:

1.Оқу үдерісі бойынша оқушыларда Отан қорғау дайындығының қалыптасуына әсер ету қызметі.

Сабақтың мақсаты: Отанды қорғауға дайындық тұтас кешенді тұлғаның қасиеттері,көзқарастар, әсерленушілік, қандай күрделі жағдай болмасын жауды жеңуге деген берік шешім, дене жағынан шынығуы әскери дағды т.б.қалыптастыру.

Қысқаша мәтіні:Тактикалық оқ ату,саптық дайындықта,тарих,әдебиет,география және т.б пәндерінде оқушылар бойында Отан қорғауға дайын болу сезімін қалыптасуындағы оқытушының жұмыс жүйесі сабақтан тыс жұмыстардың мазмұны мен міндеттерін ашып көрсетеді.

1.Оқу үдерісі бойынша оқушыларда Отан қорғау дайындығының қалыптасуына әсер ету қызметі.

Жастарды еліміздің тәуелсіздігін қорғауға дайындау жүйесін құруда, оның тиімділігін арттыруда Отан қорғаушылардың дайындықтарының табиғатын ашып көрсететін, жеке тұлғаның күрделі қасиеті мен әскери-патриоттық тәрбиенің мақсатын білу ерекше маңызға ие.

Отанды қорғауға дайындық құрылымында, моральдық-саяси, психологиялық, әскери-техникалық және дене жағынан дайындығы бөлініп көрінеді. Сонымен бірге Отанды қорғауға дайындық туралы түсініктер осы күрделі сапаның, оның бүтіндік табиғатын толық ашып бере алмайды. Соңғысы өз өміріне қауіп төнсе де Отан қорғауға дайындықты дамытуды, кейбір жекелеген мінездің жағымды белгілерін қалыптастырумен алмастыруға болмайды. Сондықган бүтіндей оқу-тәрбие процесін құру үшін Отанды қорғауға дайындықты қамтамасыз етуді қалыптастыратын түсініктерді толығымен білу қажет. Әскери-патриоттық тәрбиені ұйымдастырушыларға осыған байланысты жалпы педагогика, психология, сонымен қатар әскери педагогика, психология саласының білімдерін білудің үлкен маңызы бар, яғни Отанды қорғауға дайындық тұтас кешенді тұлғаның қасиеттері болып табылады, оған мынадай касиеттер кіреді: көзқарастар, әсерленушілік, қандай қиын жағдай болмасын жауды жеңуге деген берік шешім, дене жағынан шынығуы әскери дағды т.б.

Бұл қасиетердің барлығы өздігінен өмір сүрмейді, олар бір-бірімен іштей байланысты және өздерінің бірлігімен адамның ең бір басты қасиеті болып есептелетін Отанды қорғауға дайындықтың тұтас құрылымын анықтайды.

Осыған байланысты әскери іске дайындық көрсеткішін мынадай екі топқа: жалпы және арнайы деп бөлген жөн.

Жалпы талаптар - бұлар интегративті белгілер, олар жалпы алғанда Отанды қорғауға дайындықтың қалыптасқандығын анықтайды.

Оларға мыналар жатады:

- Отанды қорғауға деген тұрақты сенім, өздерінің өмірлік жоспарларында отанды қорғауға деген патриоттык және интернационалдық міндетін терең сезінуі;

- Еліміздің жүргізіп отырған ішкі және сыртқы саясатына және олардың Қазақстан Қарулы Күштері мен еліміздің қорғаныс қабілеттілігін нығайлау жолында істеген іс-шараларына деген сенім;

- Қазақстан Қарулы Күштер қатарында өз міндетін атқарғанда кездесетін моральдық және денеге түсетін ауыртпалықты қажырлылықпен көтеруге өз бетінше дайындалуы, еліміздің тәуелсіздігіне қол сұққан кез-келген агрессорға қарулы тойтарыс беру, Отанды қорғауға дайындықтағы саналы әлеуметтік жауапкершілік, әскери жарғылар мен басшылардың бұйрығын бұлжытпай орындауға қабілеттілік, оларды Отанның берген бұйрығы деп қабылдау, өзінің тәртібін өз бетінше өзі реттеу;

- әскери тәртіптің талаптары мен ережелерін қандай жағжайда болмасын орындауға дайындық, оның ішінде стресс, қауіпті жағдайларда т.б. төтенше жағдайларда батыл әрекеттер мен істер істеуге дайындығы;

- әскери-патриоттық тәрбие қызметіндегі практикалық және іштей саналы түрде ұғынған тәжірибесінің әртүрлі формаларының бар болуы;

Арнайы талаптар: Отан қорғауға дайындықтын кейбір жақтары мен компоненттеріне қатысты. Олар, сонымен қатар маңыздылығы жағынан біртекті емес және бірнеше топқа бөлінеді.

Моралъдық-саяси дайындыққа қойылатын талаптар:

- Оқушылар соғыстың тұтану қаупін тойтарушы факторы біздің Отанымыздың әскери құдіреті екендігіне, оның әрбір адамның еңбегімен жасалатынында және өзінің одан әрі дамуына терең білімнің, бейімділіктің және шығармашылық қабілеттің, жоғары еңбекқорлықтың және ұйымшылдықтың, тәртіптіліктің талап етілетінін сезінуі тиіс;

- Қазақстан халқының еңбектегі ерліктері мен жауынгерлік дәстүрлерін сезімталдықпен қабылдау;

- оқушылардың Отан алдыңдағы азаматтық және әскери міндетін орындауға өз бетімен дайындалуын реттейтін жинақтап қорытылған мақсаттарының болуы;

- әлеуметтік сезімнің болуы (патриоттық интернационалистік парыз, жауына деген өшпенділік, отанды қорғауға деген жеке жауапкершілік, жоғары қарғылық), "патриот", "Отан", "әскери міндеті", "жаужүрістік", "батырлық", "қаһармандық" сияқты базистік түсініктер мен категориялардың мазмұнын терең меңгеру.

Психологиялық дайындығына қойылатын арнайы талаптар:

- Танымдық психологиялық процестердің жоғары дәрежеде дамуы қалай болса солай есте сақтау, ойлау жылдамдығы, жігерлік қасиеті (табандылық, батылдық, ерлік сезімнің тұрақтылығы, мақсаттылық, орындаушылық, қауіп-қатерге баруға саналы дайындығы және сүйетін Отаны үшін өзін құрбан қылуға дайындығы), сезімдік қасиеттер Отанға деген сүйіспеншілік, жауға деген өшпенділік т.б., әлеуметтік-психологиялық қасиеттері (ұжымшылдық, жолдастық, өзара жәрдем).

Әскери-техникалық дайындыққа қойылатын арнайы талаптар:

• Қарулы күрестегі адам мен әскери техниканың қатысатын, ғылыми-техникалық революцияның мәнін және оның әскери доктринасының жаратылыстанулық-ғылыми негізін, жаңа техниканың адамға қоятын талаптарын білу;

• алғашқы әскери дайындықтың азаматтық қорғаныстың ептіліктері мен дағдыларынан хабарының болуы (тактикалық, ату дайындығынан, саптық даярлықтан, әскери топографиядан);

• Қазақстан Қарулы Күштерінің құрылуы туралы бөлімнің (тарихы, әскерлердің жарғылары), техника мен қаруға деген қызығушылығы, олардың жоғары мүмкіндігіне деген берік сенім, нақты әскери мамандықты игеруге қажетті әскери-техникалық дағдылар мен ептіліктерінің бар болуы; аталған білімдер, дағдылар мен ептіліктерді әскери қызметтің басқа бір түрінде ауыстырып қолдану мүмкіндігі;

• нақты әскери қолданбады қызметтегі әрекет өрісінен тәжрибесінің болуы (автомобильді, тракторды, мотоциклді жүргізу, мылтық ата білу, парашютпен секіру т.б.), әскери техника мен қаруды, жауынгерлік тапсырманы шешу үшін барынша жұмылдыра білуі.

• Әскери-техникалық іс-әрекет жағдайларында жалпы техникалық ептіліктер мен дағдыларды ауыстырып қолдана білу қабілеті.

Дене дайындығына қойылатын арнайы талаптар:

- Жалпы дене дайындығы сапасын, күшін, жылдамдығын, ептілігін және шыдамдылығын Отан қорғаумен байланысты қызметтерді орындауға қажетті дамыту;

- арнайы дене жағынан даму саласының болуы: тербілеске, тау ауруларына тұрақтылық, ыстық климат жағдайында және су ішуге шектеу қойылған режимдегі іс-әрекеттерге тұрақтылық, типовентиляция (қозғалыс үйлесімдігін сақтауға әсер ететін салалар, шамадан артық жиіленген дем алыс кезіндегі психикалық процестердің өнімділігі) арнайы жабдықтармен әрекет етуге дайын болу т.б.;

-Оқушылардың Отанды қорғауға дайындығының қалыптасқанын көрсететін жоғарыда ұсынылған көрсеткіштер әскери-патриоттық тәрбие өрісінде және оларды іске асыру құралын іздестіруде ғылыми мақсат қоюдың негізі ретінде қызмет атқарады. Соның ішінде кейбір белгілерінің болуы немесе болмауы Отанды қорғауға дайындықгың қалыптасқандығын түпкілікті куәландыра алмайды.

Жоғарыда айтылғандар әскери-патриоттық тәрбиенің мақсатын бір сөзбен айтып жеткізуге болмайтындығы туралы қорытынды жасауға мүмкіндік береді. Бұл тәрбие жұмысы берілген бағытының көп жақтылығына және күрделілігіне байланысты. Әскери-патриоттық тәрбиенің мақсаты, өзіне тәрбие процесінің негізгі бағыттарын жинақтайтын сияқты болып көрінеді.

Тәрбиенің нақты мақсатын анықтау үшін, мұғалім өзінің қарастырып отырған мақсатын өзі оқу тәрбие жұмысын жүргізетін сыныптардағы оқушылардың жас өзгершілігі мен арақатынасын анықтау керек.

Тәжірибенің көрсеткеніндей қорғаныс-көпшілік және әскери-патриоттық тәрбие жұмысындағы жетістік бәрінен бұрын оның жоғары идеялық-саяси ойына және өткізілген іс-шаралардың қоғамдық пайдалы бағыттылығына байланысты. Сонымен қатар қорғаныс-көпшілік жұмысының барынша тиімді формалары мен әдістерін дұрыс таңдап алудың маңызы өте зор. Көпшілік-қорғаныс айлары мен апталары, азамат соғысы және Ұлы Отан соғысы ардагерлерімен, әскер мен флоттың сарбаздарымен кездесу, тақырыптық кештер, оқырмандар конференциясы, болашақ сарбаздардың кинофестивалдері мен кинолекторийлерін өткізу өмірде сыналған және практикалық қолданыста өзін ақтаған іс-шараларға жатады.

Мектеп және кәсіптік-техникалық училищелердің оқушылары жастардың Республикалық бағдарламасы бойынша Қазақстан халқының революциялық, еңбек және даңқ орындарына жорық жасайды. Олар әскери-спорттық "Алау" және "Ұлан" ойындарын ұйымдастырып өткізуге өз үлестерін қосады. Оқу орынның педагогикалық ұжымдарының белсене қатысуы арқасында жорық және әскери-спорттық ойындар тек қана көпшілік-қорғаныс және әскери-патриоттық тәрбиенің ықпалды формасы ғана емес, сонымен қатар әскери және әскери-техникалық білім және жастардың дене жағынан шынығу, бозбалаларды әскери міндетін өтеуге дайындық мектебі.

Мұғалімдер, жастар ұйымы, оқу орнының ДОСААФ комитеті оқушы-жастардың атыс тирлерін салуға және жабдықтауға, кедергілі жолды және басқа да қарапайым спорт құрылыстарына тартады, жасұландарға әскери-техникалық мамандықтарды меңгеруте жағдай жасайды. Қорғаныс-көпшілік жұмыстарының негізгі міндеттерінің біріне оқушылардың алғашқы әскери дайындық пәні сабағынан алған білімдері мен дағдыларын кеңейту және тереңдету жатады.

І.Алғашқы әскери дайындық және әскери-патриоттық тәрбие бойынша сабақтан тыс жұмыстардың мазмұны мен міндеттері.

Қоғамдық ұйымдар педагогикалық ұйымның және әскери жетекшінің ұйымдастыруымен алғашқы әскери дайындықтың арнайы оқу бағдарламасынан тыс өткізілген әртүрлі оқу-тәрбие жұмыстары мен іс-шараларын сабақтан тыс тәрбие жұмысы дейміз.

Сабақтан тыс тәрбиелік жұмыс барысында жастар әскери біліммен дағдыларды алғашқы әскери дайындық саяхат, жорық, окушылар конференциялары — бұқаралық жиындар түріне жатады. Кез келген бұқаралық іс-шаралардың оқу-тәрбиелік міндеттері мен мақсаттары айқын анық болу керек. Сабақтан тыс үйірмелер әскери, әскери-тарихи, әскери-техникалық, әскери-спорттық секцияларына қатысып жүрген 10-20 адамнан тұрады. Үйірмелер мен секциялардың жұмыс бағдарламасы жастардың Отан қорғаудағы міндеттері мен мақсаттарына, оларды қызықтыру ескеріліп жасалынады. Сабақтан тыс дара жұмыстар әр-бір окушының ерекшілігі мен қабілеттілігіне, қандай іске бейімділігі ескеріліп жүргізіледі. Алғашқы әскери дайындық және әскери-патриоттық тәрбие саласындағы сабақтан тыс жұмыстарының соншалық көп түрінің ішінде оқу-тәрбие және әскери жетекшінің ұйымдастыру жұмыстарына бағытталған түрлері өте көп таралуға ие болды. Олар:

• жоғары сынып окушыларының әскери, әскери-тарихи және әскери-техникалық үйірлерімен ұйымдастыру мен басқаруы; әскери іс негіздерінен факультатив өткізу;

• алғашқы әскери дайындық және әскери-патриоттық тәрбие тақырыбына окулық және хроникалық фильм көрсету;

• әскери жетекшінің взвод және бөлімше командирлерімен сабақ өткізу; алғашқы әскери дайындық бойынша дара және топпен қосымша сабақ өткізу, жастарға мамандық тандау, сол сияқты жоғары әскери орындарына оқуға түсуге бағыт-бағдар беру;

• әскери және әскери-патриоттық тәрбие тақырыптарына кештер, оқушылар конференциясын, түрлі ойындар мен викториналар ұйымдастырып өткізу;

• әскери бөлімдерге әскер өмірімен, әскери техника, қарулармен танысу мақсатында окушыларға саяхат ұйымдастырып өткізу;

• бастапқы әскери дайындық бойынша олимпиада ұйымдастырып дайындау; оқушыларға соғыс, еңбек даңқы бар орындарға жорық ұйымдастыру.

Мен туған елімді сүйемін!

Дайындық кезеңі: Іс-шараны өткізбес бұрын төменгі сынып оқушылары үшін кітапханада хабарландыру ілінеді. Оқырмандар арасында туған ел, жер, Отан, туралы оқыған кітаптары бойынша сурет салу сайысы жарияланады. Шара өткізілетін күні осы сайыстың қорытындысы шығарылады.

Безендірілуі : Қазақстанның жалауы, елтаңбасы, қазақ халқының ұлттық оюымен өрнектелген Отан, туған ел жайлы мақал- мәтелдер, даналық сөздер жазылып ілінеді.

Осы тақырыпта кітап көрмесі ұйымдастырылады.

Үлкен плакатқа 6 дөңгелектен құралған үлкен шеңбер сызылады, әр дөңгелектің ішінде әр бекет (станция) аты жазылады: Тарих, Салт-дәстүр, Тау мен дала, Табиғат, Ән мен күй, Әдебиет

Қабырғаға ілінетін даналық сөздер: «Туған жерің-түп қазығың...», «Жаңа астана-жаңа мемлекет», «Сүй еліңді үйіңдей, сүй үйіңді еліңдей» (Қ.Аманжолов), «Екі Отан жоқ, жалғыз Отан-мекенің!» (М.Мақатаев) т.б.

Керекті құралдар: Үлкен сандық және 1ден 6 санына дейін нөмірленген кішкене сандықшалар, бекеттің аттары, командаларға арналған сұрақтар салынған конверт, тақтайша, көрермендерге арналған тапсырмалар, қалам, қағаз.

Ойынға 2 топ қатысады, әр топта 4-6 адамнан болуы керек.

Жүргізуші :

Туған жердің қандай жақсы күзі де,

Туған жердің қандай жақсы қысы да!

Туған жердің қандай жақсы көктемі!

Туған жердің қандай жақсы жазы да!

Жақсы екен туған жердің күні де,

Жақсы екен туған жердің түні де!

Жақсы екен туған жердің суы да,

Еш жаманын таба алмайсың осында!

Сәлеметсіңдерме, балалар! Қазақстан біздің сүйікті – Отанымыз. Көрсең көз тоймас асқар шыңды таулары, айдын шалқар көлдері, жайыла аққан өзендері, ормандары бар.

Осының бәрі Алтай менен Атырау, Ақжайық пен Алатаудың аясында құлаш жайып, жайнай түрленіп жасанып-жасарып жатыр.

«Отан отбасынан басталады» - деп халқымыз айтқандай, Отан кең мағыналы, қасиетті ұғым. Әрбір адамның отбасы, тұрған мекені, өскен ортасы, аймағы, мемлекеті – оның жарық дүниедегі жансаясы, өмір өрісі, оттай жандырған Отаны.

Отанымызды сүйіп, аялау үшін еліміз, туған жеріміз оның тарихын, өткені мен бүгіні жайлы жақсы білуіміз қажет.

Бүгін «Мен туған елімді сүйемін!» атты саяхат-ойынын өткіземіз.

Мына көрсетілген бекеттердің көмегімен біз елімізге сапар шегіп, Отанымыздың тарихы, өнері, салт-дәстүрі,табиғаты жайлы қосымша мағлұматтар аламыз. Ол үшін бізге 2 топ көмекке келеді.

(Бекеттердің аты жазылған дөңгелектердің оң және сол жағындағы екі команда мүшелерін таныстырады.)

Енді екі топ кезекпен бекеттердің рет саны көрсетілген сандықшаларды алып, тапсырмаларды орындайсыңдар.

Бекеттің нөмірін бір топ алады. Сол нөмір бойынша бекеттің сұрақтарын жүргізуші қояды. Көп ұпай жинаған команда жеңеді. Сұрақтар қойылып болғаннан кейін команда мүшелері тапсырмаларды орындайды. Тапсырмалардың мәтінін әрбір топ конвертпен алады. Осы тапсырма көрермандер үшін көрнекті жерге тақтайшаға жазылып қойылады. Екі топ шамамен 3 бекеттің сұрағына жауап береді. Топтар жауап бере алмаған жағдайда, көрермендер көмекке келеді.

Бірінші «Тарих» бекеті

1. Қазақтың әйгілі үш биі? (Төле би, Әйтеке би, Қазыбек би)

2. Қазақ халқының атақты үш батыры (Бөгенбай, Қабанбай, Наурызбай.)

3. Қазақстанның елордасы? (Астана)

4. Алтын адам табылған жер? (Есік қорғаны)

5. Қазақстанның ең алғашқы астанасы ? (Орынбор)

(Көрермендер үшін бұл сұрақтар тақтайшаға жазылып қойылады )

Тапсырма

Қазақ батырлары туралы көркем әдеби шығармаларды атау. Олардан үзінді, өлең айтып беру. («Райымбек батыр» (Райымбек батыр туралы, «Дарабоз» (Қабанбай батыр туралы) т.б., (Эпикалық жырлар: «Алпамыс батыр», «Қобыланды батыр», «Қамбар батыр» т. б.

Жүргізуші: Екі топ тапсырмаға дайындала берсін. Мен сендерге ертеде өз жерін қорғап қалған хан туралы аңыз айтып берейін.Ерте, ерте ертеде біздің елді бір ақ көңіл, ақылды хан басқарыпты. Көрші қытай елімен тату тұрыпты. Сол себепті ол кедергі көрмей, еліне сыйлы болыпты. Күндердің күнінде көрші елден атой салып елші келіпті. «Уа, алдияр, мынау елдің хабары. Мұны естіп денем мұздап барады. Көршіңіз «Егер тату болам десе менімен, ең жүйрігін берсін!» - деп талап қойып отыр дейді. Өз елінің тыныштығын, тірлігін, екі елдің бірлігін қалаған хан, көп жүйріктің ішінен ойланбастан дүлдүлін таңдап береді. Бірақ, ханның бұл шешіміне билер ренжиді. «Жоқ, жоқ ештеңеге ренжімеңдер. Ел бірлігі жолында, бір жүйрікті қидым. Байлықтан опа таппаймыз. Еліміз тыныш болса, бір жүйріктің орнына, жүз жүйрік келеді»- деген екен ақылды хан. Арада біраз уақыт өткен соң көрші елден елші тағы келеді. «Уа, алдияр көршіңіз менімен тату болам десе, сүйген жарын берсін»- дейді. Бұл хабарға хан өте қиналады. Өзінің туған әйелін қимай хан көп ойланады. Өз елінің тыныштығын ойлаған хан ақыры адал жарын көрші ханға сыйлапты... Ханның бұл шешіміне ел ішіндегі билер тағы наразы болады. Бірақ хан «айтқан сөздеріңе әрине, таласым жоқ. Егер тыныш болса елмен елдің арасы, адал, сұлу жар табылар шамасы» деген екен. Уақыт зымырап өтіп жатады. Бір күні көрші елден суық хабар тағы келіп жетеді. «Уа, алдияр, көрші хан, егер тыныштығын қаласа, қасиетті туып-өскен жерінің бір бөлігін кесіп берсін» дейді. Мұндай сұмдықты естімеген хан ашуға мінеді. Бұл қорлыққа шыдаған хан ойланбастан шешім айтады. «Халқым менің! Қасиетті туған жердің топырағын, алтын кенін қорғау үшін көрші елге соғыс ашамын. Жиналыңдар бәрің де!» деп жарлық береді. Бұл жарлықты естіген билер «Ұлы әміршім, көрші хан жүйрігің мен жарыңды сұрағанда, ойланбастан беріп едің. Асылыңды үн-түнсіз бергенде, шағын жеріңді қорғағаның қалай» дейді. «Менің жүйрігім мен жарымды көршіге үн-түнсіз бергенім, олар менің өз меншіктерім. Ал қасиетті жер- сонау ерте заманнан ата-бабаларымыздың кіндік қамы тамған, олардың найзаның ұшымен, білектің күшімен қорғаған халықтың жері. Туған жеріміз менің меншігім емес, ол келешек ұрпақтікі, елімдікі. Қасиетті даламның бір бөлігін басқа елге бергенше, жерімді қорғап өлгенім артық» деген екен. Қасиетті ханның осы салмақты сөзі сол сәтте ел үшін аралап кетіпті. Міне содан бері біздің жеріміз атадан балаға мұра болып бізге жеткен екен. Міне, аңыз осылай аяқталады. Балалар, елін, жерін сүйген біздің ата-бабаларымыз жерімізді ұрпағы үшін елін-жерін осылай қорғаған. Сенде, көк теңбілді байрағымызды жоғары ұста! Еліңді, жеріңді әрқашан сыйла, қорға демекпін.

Екінші «Тау мен дала» бекеті

1.Зайсан көлі Қазақстанның қай облысында орналасқан?

(Шығыс Қазақстан облысы)

2. Қазақтар қандай дала өсімдігін отанның символы деп есептейді? (Жусан)

3.Біздің еліміздің жерінде кездеспейтін аңдар мен жануарларды атаңдар (Піл, арыстан, мүйізтұмсық, қолтырауын, керік т.б.)

4.Жетісудың жеті өзенін атаңдар (Іле, Қаратал, Биен, Ақсу, Лепсі,

Басқан, Сарқант)

5. Қазақстанның ең биік нүктесі ата? (Хантәңірі шыңы)

(Көрермендер үшін бұл сұрақтар тақтайшаға жазылып қойылады)

Тапсырма: Қазақстанның көркем табиғатына, әсем жерлеріне байланысты ән немесе өлең орындап беру.

Үшінші « Әдебиет» бекеті

1. Қазақ халқының ұлы ақындарын ата (Абай Құнанбаев, Жамбыл, М.Жұмабаев, М.Мақатаев т.б.)

2. Қазақ халқының ертегілерін атаңдар (Ер- Төстік, Алтын сақа, Асанқайғы, Тазша бала, Керқұла атты Кендебай, Жыл басы т.б.)

3. Отан, туған жерге байланысты мақал-мәтелдерді жалғастырып айтыңдар:

Отансыз ...адам – ормансыз бұлбұл

Отан ...оттан да ыстық

Ел іші –.... алтын бесік

Отан – ....елдің анасы, ел –ердің анасы

Туған жерге...туың тік

Туған жердей ...жер болмас, туған елдей ел болмас.

4. Жұмбақтарды шешу:

Аузы төбесінде,

Тұтқасы денесінде

(Құман)

Иінінде құлағы,

Ішінде бұлағы,

Көмейіне от салсаң,

Ызыңдап тұрады.

(Самауыр)

Мал төлдеп,

Әр ауыл

Пісіреді ақ бауыр

(Уыз)

Басы құдық,

Сабы сырық.

(Ожау)

Ыдыс –аяқ бөлмесі,

Тазалықтың көрмесі.

(Әбдіра)

(Көрермендер үшін бұл сұрақтар тақтайшаға жазылып қойылады )

Тапсырма

Сендердің алдарыңда қазақ ертегілерінің аттары және сол ертегілерде кездесетін заттардың аттары берілген. Осы заттар қай ертегіде кездеседі?

• қазы (Алдар көсе мен Шығайбай)

• домбыра (Ақсақ құлан)

• сақа (алтын сақа)

Төртінші «Ән-күй» бекеті

1. Қазақтың атақты композиторларын атаңдар? (Н.Тілендиев,

Ш.Қалдаяқов, Ә.Бейсеуов...)

2. Қазақ халқының атақты күйшілері (Құрманғазы, Тәттімбет,

Ықылас, Дина).

2. Қандай қазақ халық әндерін білесіңдер? (Елім-ай, Әй-әй, бөпем,

Бір бала, Бесік жыры....)

2. Қазіргі кезде халық әндерін қай әртістер орындайды?

(Б.Төлегенова, ....)

5. Қазақ халқының халық әніне, күйлеріне байланысты қандай аңыздарды білесіңдер?

Тапсырма

Сендердің алдарыңда қазақ халық әндерінің сөздері берілген. Сөздерден ән шумақтарын құраңдар.

• Қаратаудың басынан көш келеді,

Көшкен сайын бір тайлақ бос келеді,

Елім-ай, Елім-ай

• Әй-әй, бөпем,

Кейін қалған елімді

Көрер ме екем!

• Угай-ай,

Ән салшы-ай ,

бір бала-ай.

Қос етек, бұраң бел,

Қуалай соғар қоңыр жел.

Бесінші «Салт –дәстүр» бекеті

1.Қазақ елінде ертеден келе жатқан қандай мейрамдар бар? (Ораза

айт, Рамазан айт, Наурыз )

2. Қазақ халқының қандай ұлттық тағамдарын білесіңдер (бесбармақ, қазы-қарта, жал-жая, қымыз....)

3. Қазақ қыздары ертеде қандай аяқ-киім киген? (саптама, кебіс, киіз етік)

4. Қазақ халқының ұлттық киімдерін атаңдар (Айыр қалпақ, сәукеле, шапан, тымақ, ішік, кимешек, камзол, мәсі, бөрік т.б.)

5. Қазақ халқының ұлттық сувенирі саналатын зат? (түйе, киіз үй....)

(Көрермендер үшін бұл сұрақтар тақтайшаға жазылып қойылады )

Тапсырма:

Сендердің алдарыңда Қазақстанда аталып өтетін қадірлі де сыйлы мейрамдардың аты мен оларға байланысты мағыналы сөздер (бөлек карточкада) берілген. Әрбір мейрамның жанына өзіне қатысты мағыналы сөздерді қойыңдар.

• Ораза тұту (Рамазан айы)

• Намаз оқу( Ислам дінінің бес тірегінің бірі)

• Ораза айт(жеті шелпек пісіріп, дастархан жайылу)

Алтыншы «География» бекеті

Қазақстанның көршілерін атаңдар? (Ресей, Қытай, Қырғызстан...)

1. Қазақстандағы өзендердің аттарын атаңдар (Ертіс, Есіл, Іле.....)

3. Қазақ елінің ХХ ғасырдағы ең бірінші астанасы? (Орынбор (1920-1925)

4.Қазақстанда неше облыс бар? (14)

5. Қазақстанад қандай теңі-көлдер бар? (Каспий, Зайсан, ....)

Тапсырма

Әріптердің орнын ауыстыру арқылы Қазақстан қалаларының атын табыңдар

1. МАТЫАЛ (Алматы)

2. АНАТСА (Астана)

3.ЫДНАҒАРАҚ (Қарағанды)

4.ЕКТНМЫШ (Шымкент)

5.НЕСӨМЕК (Өскемен)

Қазақстанның тауларына байланысты қандай аңыздарды білесіңдер?

(Көрермендер үшін бұл сұрақтар тақтайшаға жазылып қойылады )

Жүргізуші:

Тілдесіп көкпен тауларың,

Жайқалды жасыл орманың.

Алатау, Қаратауларым,

Елдікті бізге мұра етіп,

Ерліктің күйін толғадың.

Салтанат пенен сән құрған,

Елім бар бүгін жаңғырған.

Бақытым-атамекенім,

Тұлпарлар тұяқ шалдырып,

Сұңқарлар қанат талдырған.

Қазақты әлем таныды

Сәлемін жолдап сан қырдан.

Берекелі елмін, құтты елмін,

Атты азат таңым-күткен күн.

Қазақстаным мекені-

Ынтымақ пенен достықтың,

Кеңдік пен кемелдіктердің.

Даламды бабам мұра еткен,

Жайқалтар соны түлек мен.

Қалалар жайып қанатын,

Ауылымды арай, нұр өпкен.

Қазақстанымды қасиетті

Сүйемін алау жүрекпен!

(Б.Үсенбаев. «Республикам менің»)

Ал енді осымен біздің саяхат – ойынымыз аяқталады. (жеңген команданың мүшелерін ортаға шығарып марапаттайды).