09.02.15. Еңбекке баулу.

Карибаева И.А. 4 «а» кл

Тақырыбы: «Лего» құрастырғыш бөлшектерден модельдер құрастыру.

Мақсаты:«Лего» құрастырғыш бөлшектерден модельдер құрастыру.

1. Оқушыларды легоқұрастырғыштармен жұмыс істеуге үйрету.

2. Ой-өрісін, қиялын дамыту.

3.Шыдамдылыққа, ептілікке баулу.

Сабақтың типі: аралас сабақ

Әдісі: сұрақ-жауап,түсіндіру, көрнекілік

Көрнекілігі: легоқұрастырғыш.

Барысы:

Ұйымдастыру кезеңі.Сабаққа дайындық.

Мақсат қою кезеңі.Сабақтың тақырыбымен, мақсатымен таныстыру.

Жаңа материалды түсіндіру кезеңі.

Мұғалімнің түсіндірмесі.

1. Тақырыппен таныстыру 2. Мағынаны тану. - Балалар тақтадағы суретке назар аударайық - Не көріп отырмыз? -.................... - Қандай машина? -......................... - Мінекей балалар біз суретте “Лего” жеңіл ойыншық машинасын көрдік. “Лего” дегеніміз жеңіл деген мағнаны білдіреді. - Ал енді, екінші суретке назар аударайық - Не көріп отырмыз? -...................................... - Бұл суретте жеңіл ойыншық машинаның бөлшектерін көріп отырмыз. - Егер біз сол бөліктерді суретке қарап отырып құрастырсақ не шығады? - Машина жасап құрастыруға болады.. - Міне балалар әр түрлі “лего”бөлшектерінен машина түрлерін, ұшақ, үй жиһаздарын, құрастыруға болады. - Ендеше қазір біз”лего”бөлшектерінен ойыншықтар құрастырып үйренейік Сергіту сәті: Сағаттың тіліндей иіліп оңға бір, Сағаттың тіліндей иіліп солға бір. Оң аяқ, сол аяқ, Отыру оңай - ақ

Легоқұрастырғыш бөлшектерінен неше түрлі ойыншықтар құрастырылады.

Оқулықтарыңдағы суретте көрсетілгендей, екі қабатты әсем үйден бастап, оның ішіндегі ұсақ-түйек үй жиһаздарын құрастыра аласыңдар.

Құрастыру кезінде бөлшектер ең алдымен бір-бірімен тығыз орналасуы керек.

Сергіту сәті

Оқулықпен жұмыс.

Оқулықта берілген мәліметті оқу, түсіндіру.

Жаңа материалды меңгергенін тексеру кезеңі.

Практикалық жұмыс.

Легоқұрастырғыш бөлшектерінен екі қабатты үй құрастыру.

Бекіту кезеңі.

Қорытындылау.

Бүгінгі сабақ ұнады ма?

Несімен ұнады?

Легоқұрастырғыш бөлшектерінен тағы қандай модельдер жасай аласың?

Бағалау.

Оқушылардың еңбегін салыстыра отырып, бағалау.

13.02.15. Еңбекке баулу.

Карибаева И.А. 4 «а» кл

Тақырыбы: Ұлттық киімдер туралы мәлімет беру.

Бас киімдер. ( тымақ,сәукеле,тақия,қалпақ)

Мақсаты:ұлттық киімдер туралы мәлімет беру.

Бас киімдер. ( тымақ,сәукеле,тақия,қалпақ)

1.Қазақ халқының ұлттық киімдерімен таныстыру. Ерлерге арналған бас киім үлгісінің бір түрі – тымақ тігуді үйрету.

2. Есте сақтау қабілеттерін арттыру.

3.Салт-дәстүрді құрметтеуге тәрбиелеу.

Сабақтың типі: аралас сабақ

Әдісі: сұрақ-жауап, түсіндіру, көрнекілік

Көрнекілігі: ұлттық киімдер.

Қажетті материалдар мен құралдар: қатты қағаз, бір түсті мата, жасанды тері, қайшы, ине, жіп, сызғыш, қарындаш, бор.

Барысы:

Ұйымдастыру кезеңі. Сабаққа дайындық.

Мақсат қою кезеңі. Сабақтың тақырыбымен, мақсатымен таныстыру.

Жаңа материалды түсіндіру кезеңі.

Мұғалімнің түсіндірмесі.

Халқымыздың ұлттық киім түрлері өте көп. Олар өзінің көз тартарлық әсемдігімен, ою-өрнегімен,сәнділігімен осы күнге дейін жоғары бағаланып, қадір-қасиетін жоймай келеді. Ер адамдар мен әйелдердің бас киімдері сәнділігімен ерекшеленеді. Ерлерге арналған бас киім үлгісінің бір түрі – тымақ. Тымақты суық күндерде киетіндіктен, оны құндыз, суыр, түлкі, қасқыр және қозы, құлын, лақ елтірісінен тігеді. Тымақтың басқа ерлер бас киімінен ерекшелігі – ол төбе, маңдай, екі құлағы және артқы етегінен тұрады.Тымақтың төбесі үшкіл, төрт немесе алты бұраш болып келеді. Тымақтың іші терімен, сырты дүрия, пүліш, барқытпен тысталады.

Сергіту сәті

Жаңа материалды меңгергенін тексеру кезеңі.

Оқулықпен жұмыс.Іштей, тізбектей оқыту.

Практикалық жұмыс.

Тымақ тігуді үйрету.

Жұмыстың орындалу реті:

1.Тымақтың негізгі бөлігінің төбесіне биіктігі 15см, ені 9см өлшемде қатырма қағаздан қалып үлгі дайындап алып, оны матаның бетіне түйреп, айналасын бормен сызып, төрт мата бөлігін қиып аламыз.

2. Тымақтың маңдайын жасау үшін биіктігі 4см, ені 9см болатын қалып үлгіні пайдаланып, матадан бір бөлік қиып аламыз.

3. Тымақтың құлағы мен артқы етегін пішу үшін ұзындығы 27см, биіктігі 8см, етегі доғалдау келген қалып үлгіні мата бетіне қоямыз да, бормен жан-жағын сызып, қиямыз.

4.Дайын болған тымақ төбесінің бөліктерін теріс бетінен бір-біріне біріктіріп, көктеп тігеміз.

5.Тымақтың етегі мен маңдайын төбесіне жалғап тігеміз. Жасанды теріден маңдайын әшекейлеп, көркемдеуге болады. Ал бауын таспадан дайындап, екі жақ құлағына тігеміз.

Бекіту кезеңі. Қорытындылау.

Қазақ халқының ұлттық киімдері несімен ерекшеленеді?

Тымақ қандай бөліктерден тұрады?

Тымақ тігу үшін қандай аң немесе мал терісі пайдаланылады?

Тымақтың сырты қандай матамен тысталады?

Бағалау.Оқушылардың еңбегін салыстыра отырып, бағалау.