04.12.14. Еңбекке баулу.

Тақырыбы:жұмсақ ойыншықтар жасау. Мысықтың бейнесін тігу.Бөлшектерін пішу, біріктіріп тігу.

Мақсаты : жұмсақ ойыншықтар жасау. Мысықтың бейнесін тігу.Бөлшектерін пішу, біріктіріп тігуге үйрету.

1.Оқушыларға мысықтың ойыншығын жасауды үйрету.

2.Оқушылардың ой-өрісін, қол икемін дамыту.

3. Ұқыптылыққа, әдемілікке тәрбиелеу.

Сабақтың типі: аралас сабақ

Әдісі: түсіндіру, әңгімелеу

Көрнекілігі: мысық панносы.

Оқушыларға қажетті құрал-жабдықтар: қатырма қағаз, мата, мақта (синтепон), ине, жіп, қайшы, оймақ.

Барысы

Ұйымдастыру кезеңі Оқушы зейінін сабаққа аудару

Мақсат қою Сабақтың тақырыбын, мақсатын хабарлау.

Білімдерін тексеру.

1.Тігістің қандай түрлері бар?

2. Тігіс тізбегі қандай қашықтықта болу керек?

Жаңа сабақ

мұғалімнің түсіндірмесі

Бүгін сендермен мысық ойыншығын жасаймыз.

Ол үшін 1. Суретке қарап отырып, мысықтың кеудесі мен оның ұсақ бөлшектерінің қалып үлгісін дайындаймыз.

2. Бір түсті қалың мата бетіне мысықтың кеудесінің қалып үлгісін түйреп, бормен жан-жағын сызып, сызық бойынша қиямыз. Ал құйрығы, басы мен қалған ұсақ бөлшектерінің пішінін басқа түсті матадан қиып аламыз.

3. Сонда кеудесіне екі бөлшек, аузына екі бөлшектен төртеу, құйрығына екі бөлшек, әшекейлеріне бірнеше бөлшек, аяғына екі бөлшек, көз айналасындағы жұлдызшаға екі бөлшек мата керек.

4. Алдымен матаның теріс бетінен кеудесінің екі бөлшегін бір-біріне беттестіріп көктеп тігеміз. Ішіне мақта не синтепон толтыру үшін бір жағын тікпей қалдырамыз. Одан кейін тігілмеген жағынан оң бетіне айналдырамыз. Ішін мақта, синтепонмен толтырып, тігілмей қалған бөлігін тігеміз. Енді қосымша бөлшектерін тігеміз. Олар: басы, құйрығы, көз айналасындағы жұлдызша, аузы, аяғы мен әшекейлері. Қосымша бөлшектерін күшік ойыншығын тіккендегідей әдіспен орындаймыз.

Практикалық жұмыс.

Қауіпсіздік ережесін сақтау.

Бекіту кезеңі

Қорытындылау.

Бүгінгі сабақта не үйрендік?

Ойыншық жасау барысында қандай тігістерді қолдандыңдар ?

Бағалау. Оқушылардың жұмыстарын салыстыра отырып бағалау.

05.12.14. Еңбекке баулу.

Тақырыбы: сабаннан жасалған панно.Санитарлық-гигиеналық ережелерді сақтау.

Мақсаты:сабаннан жасалған панно. Санитарлық-гигиеналық ережелерді сақтауға үйрету.

1.Оқушыларға табиғи материалдар туралы түсінік беру, олардан жасалатын бұйымдар, оларды кептіру жолдарын ұғындыру, сабаннан панно жасауды үйрету.

2. Ойлау қабілеттерін дамыту.

3.Әдемілікке, жинақылыққа тәрбиелеу.

Сабақтың типі: аралас сабақ

Әдісі: сұрақ-жауап, түсіндіру, көрнекілік

Көрнекілігі: әр түрлі кепкен өсімдіктерден жасалған паннолар.

Қажетті материалдар мен құралдар: кептірілген сабан.

Барысы:

Ұйымдастыру кезеңі.Сабаққа дайындық.

Мақсат қою кезеңі.Сабақтың тақырыбымен, мақсатымен таныстыру.

Жаңа материалды түсіндіру кезеңі.

мұғалімнің түсіндірмесі.

Табиғи материалдарға талдың қабығы, бұтақтар, тал түбірі, құм, жапырақ, гүл күлтелері, кепкен жемістер, сабан, т.б. жатады. Мұндай материал түрлерінен панно, коллаж, икебана, ойыншықтар, қораптар, сурет жақтаушаларын, себеттер жасайды.Қандай да бір бұйым жасамас бұрын оған материалдарды дайындап алу қажет.Ол үшін қолданатын материалды тазалап, кептіріп алады. Кептіру жолдары әр түрлі. Мысалы «икебана» жасау үшін өсімдіктерді сол қалпында түбін жіппен байлап, іліп қояды.Сабаннан бұйым құрастыру үшін оның ұзындығын бірдей етіп кесіп алып, панно жасауға болады.

Сондай-ақ әр түрлі дән, жаңғақ, бүрлермен жануарларды, құстарды, көбелектерді,т.б.бейнелеп, ерекше композиция құрастыра аламыз. Бүгін сендермен сабаннан панно жасап үйренеміз.

Сергіту сәті

Жаңа материалды меңгергенін тексеру кезеңі.

Оқулықпен жұмыс.

Іштей,тізбектей оқыту. Сұрақ-жауап

Практикалық жұмыс.

Жұмыстың орындалу реті:

«Табиғат көрінісі» панносын қағаз бетіне саламыз.Сурет үстіне калька қағазын қойып, суретті айналдыра сызып көшірмесін калька бетіне түсіреміз. Дайын болған сабанның ішкі бетіне ПВА желімін жағып, калька бетіндегі сурет бейнесіне қатарлап жапсырамыз.Суретті сабанмен толық желімдеп шығамыз. Суретті сабанмен толық жапсырмалап болған соң, желімді кептіреміз. Кепкеннен кейін сурет бейнесін калька қағазының екінші бетінде көрініп тұрған сызықтары бойынша қиып аламыз. Қиып алынған бейнені панно негізіне калька қағазы жағына желім жағып, екінші рет желімдеу технологиясын орындаймыз. Нәтижесінде «Табиғат көрінісі» панносы дайын болады.

Бекіту кезеңі.

Қорытындылау.

Панно сендерге ұнады ма?

Неліктен сабанды табиғи материал түріне жатқызамыз?

Бағалау.Оқушылардың еңбегін салыстыра отырып, бағалау.