Өзін-өзі бақылау мен өзін-өзі тексеруді ұйымдастыру бойынша әдістемелік нұсқау

Өткен материалдарды пысықтау. Өткен дәріс материалдарын пысықтау өзіндік жұмыстың ең маңыздысы. Өткен материалдар терең талданса, басқа өзіндік жұмыстар жеңіл орындалады. Үнемі және жүйелі түрде өткен материалдарды пысықтап отыру, алдағы уақытта берілетін материалдарды жақсы түсінуге мүмкіндік береді.

Өткен материалдарды пысықтау үшін қажетті жайлар:

• дәріс конспектісінің болуы;

• курс бағдарламасының болуы;

• ұсынылған әдебиеттердің қолда болуы (оқулық, жинақтар).

Жұмыс әдістері:

• дәріс материалын жете түсіну;

• конспект жасауда әдебиеттерге сілтеме жасау және қажетті толықтырулар, қажет болса түзетулер енгізіп отыру;

• әр тақырыппен жұмыс материалды жете түсініп, еске сақталғанша жалғасу керек;

• тақырыппен жұмыс, әдебиеттер мен оқулықтарда берілетін тапсырмаларды орындау әдістерін меңгерген жағдайда ғана аяқталуы қажет;

• түсінбеген сұрақтар болса, келесі дәрісте оқытушымен бірге талқылау қажет.

Коллоквиумға дайындық. Курстың теориялық бөлімі қандай деңгейде меңгерілгенін бағалау үшін коллоквиум өткізіледі. Сондықтан коллоквиумда қойылатын сұрақтар жауабын қайталап, пысықтау керек.

Ағымдағы бақылау жұмысына дайындық. Бақылау жұмысын өткізудің мақсаты:

• білім алушының ағымдағы үлгерімін тексеру;

• топ білім алушыларының дайындығын анықтау;

• үлгерімі нашар білім алушылармен жұмыс әдістемесін ұйымдастыру;

Білім алушы бақылау жұмысына дайындалуда:

• бақылау жұмысының тақырыбын білуі;

• берілген тақырып бойынша теориялық материалды, есепті шығару формулалары мен әдістерін қайталауы;

• әдебиеттерді, практикалық сабақта шығарылған септер мен мысалдарды қайталап, ескетүсіруі қажет.

Егер білім алушы үнемі жүйелі түрде өткен материалдарды пысықтап отырса, бақылау жұмысына дайындық ешқандай қиындық туғызбайды.

Білім алушының өзіндік жұмысына берілетін уақыт шектеулі, сондықтан алдын -ала орындау жоспарын жасап, өзіндік жұмыс әдістерін үйреніп, тәжірбиелерді меңгеру қажет және жұмысқа қабілеттілікті сақтау үшін демалыс уақытын дұрыс өткізген жөн. Сондықтан білім алушының өзіндік жұмыс әдістерін үйренуіне кафедра мен әр оқытушының жауапкершілігі жоғары.

Ағымдық, аралық және қорытынды бақылауға арналған әдістемелік нұсқау

Ағымдық бақылаудың материалдары:

Ағымдық бақылау барысында білім алушы бағалауда семинар, өзіндік жұмыс тапсырмаларының сапалы орындалуына мән беріледі. Семинар сабақтарына дайындық баян дама даярлау, пікірталастар мен дөңгелек үстөелдерге қатысу, мәселелі сұрақтарды талдау, қосымша әдебиеттерді оқу және конспект жазу сияқты көрсеткіштемен бағаланады. Сонымен қатар, ағымдық бақылауда дәрістегі білім алушының белсенділігі, сұрақтарды сауатты құрастыруы, жүйелі талдау жасай білу қабілеті де ескеріледі.

Жалпы, ағымдық бақылау үш өлшемде бақыланады: білім алушының семинарға дайындығы, дәріске белсенді қатысуы, МӨЖ-ді уақытында сапалы орындауы.

Аралық бақылаудың материалдары:

Аралық бақылау барысында білім алушылардың ағымдық бақылауда жинаған баллдары есепке алынады, сонымен қатар, басты назар білім алушылардың аралық бақылау тапсырмасын орындауына, осыған байланысты білімдері мен оны тәжірибеде қолдану дағдыларына, логикалық ой құрастыру қабілетіне аса мән беріледі. Білім алушыларға жазбаша және ауызша түрде коллоквиум сұрақтары мен портфолио жинақтау тапсырмалары беріледі және білім алушы ол тапсырмаларды белсенді түрде орындап, бағалануы керек.

Қорытынды бақылаудың материалдары:

Ағымдық бақылауда магістрант қорытынды бақылаудың 100 сұрағы бойынша конспект жазып, тексеруге ұсынады. Қорытынды бақылауда осы сұрақтар бойынша магистрант ауызша емтихан тапсырады. Емтихан аудиторияда кестеге сәйкес өтеді.