30. Стандарт: Квинке ісінуі кезіндегі жедел көмек көрсету.

Мақсаты: тыныс алу және қан айналым жұмысының жедел бұзылуын жою : қанға дәрілік аллергеннің түсуін тоқтату; организмнің маңызды функцияларын қолдау .

Қажетті заттар: оттек балоны, маска,дәке салфеткасы, тонометр, фонендоскоп, залалсыздандырылған: бір реттік шприцтер, мақта шариктері, этиль спирті 70⁰, жгут, қолғаптар, дезерітіндідегі пинцет, лоток, дәрілік заттар: 0,1%-0,5 мл адреналин, 90-120 мг преднизолон, 0,9% натрий хлорид ерітіндісі, 2% - 2,0мл супрастин ерітіндісі немесе тавегил, 10% - 10 мл кальций хлорид ерітіндісі, 2,0 мл лазикс.

Іс-әрекет альгоритмі:

1. Аллергенмен байланысты үзу. Егер аллергиялық реакция жәндік шаққанда немесе дәрі енгізілген де болса, байланыс болған жерден жоғары жгут байлау. (егер аяқ-қолын жәндік шақса немесе дәрі енгізілсе). Егер дененің басқа жерін жәндік шақса, суық компресс қойылады;

2 . Аяқ жағын көтеру;

3. Ылғалды оттек беру;

4. 0,1 %-0,5 мл адреналин ертіндісін тері астына енгізу;

5. 90-120 мг преднизолонды , 0,9% - 10,0 мл натрия хлорид ерітіндісімен к/т енгізу;

6. 2,0 мл 2% - 2,0 мл супрастин немес тавегил ерітіндісін бұлшық етке енгізу;

7. 10% - 10 мл кальций хлорид ерітіндісін к/т бірден енгізу;

8. 2,0 мл лазикс, 0,9% - 10,0 мл натрий хлорид ерітіндісімен к/т енгізу ;

9. Аурухананың жан сақтау бөліміне тез арада жатқызу.