2. Реагентпен күйікке ұшырағанда алғашқы көмек

Химиялық күйік-денеге жинақталған қышқылдардың (тұз,күкірт,азот,карбол)және сілтілердің Күйдіргіш калий мен күйдіргіш натрий,мүсәтір спирті, сөндірілмеген әк),фосфордың және ауыр металдардың кейбір тұздарының (хлорлы мырыш)әсерінен пайда болады.Зақымдалудың ауырлығы мен тереңдігі химиялық заттың түрі мен жинақталуына,әсер ету созымдылығына,қай жер екендігіне байланысты.Химиялық заттардың әсеріне кілегейлі қабықша,тері жамылғышы мен мойын төтеп бере алмайды.Ал,табан мен алақан мейлінше төзімдірек. 

Химиялық күйік алу кезінде ұлпалардың зақымдану тереңдігі көп жағдайда химиялық заттың әсер ету ұзақтығына байланысты болады. Химиялық заттардың концентрациясын және оның әсер ету уақытын мүмкіндігінше тез арада азайту керек. Бұл үшін зақымданған жерді дереу краннан, резеңке құбыр арқылы ағатын ағынды немесе шелектегі салқын көп мөлшердегі сумен 15-20 минут көлемінде жуады. 

Егер қышқыл немесе сілті киім арқылы теріге түссе, оны алдымен сумен киімнің сыртынан жуып, содан кейін абайлап оны кесіп, зардап шеккеннен ылғал киімді шешіп, бұдан соң теріні жуады.

Адамның терісіне күкірт қышқылы немесе қатты зат күйінде сілті тисе, оны құрғақ мақтамен немесе матаның бөлігімен алып тастау керек. Содан кейін зақымдалған жерді жақсылап сумен жуады.

Химиялық күйік алу кезінде химиялық заттарды толығымен сумен жууға болмайды. Сондықтан жуғаннан кейін зақымданған жер оған басатын таңғыш ретінде пайдаланатын тиісті залалсыздандыратын ерітіндімен тазаланады.

27 Билет

1. Өрт сигнализациясы, детекторлардың түрлері мен жұмыс істеу принциптері

Құрылысы аяқталып пйдалануға берілген ғимараттар өрт қауіпсіздігі нормаларына сәйкес болуы тиіс. Өрт қауіпсіздігі нормаларына ғимараттың отқа төзімділігі, олардың ара қашықтықтары, сыртқы және ішкі өртке қарсы су жүйелері, өрт ошағын алдын ала анықтайтын өрт сигнализациясы мен өртті өз бетінше сөндіретін автоматты өрт сөндіру қондырғысы, ғимараттың қосымша адамдарды көшіру есіктері және т.с.с. жатады.   Нысан иелері өрт сигнализациясын орнатуға, көп жағдайда немқұрайды қарайды

2. Температуралық күйікке ұшырағанда алғашқы көмек

Термиялық күйік-денеге жалын,қайнаған су,жанып тұрған және ыстық сұйықтық пен газ,қызған және балқыған металдар,напалымдардың тікелей әсерінен пайда болды. Зақымданудың ауырлығы әсер еткен температураның жоғарлығына,әсер етудің ұзақтығына зақымданудың көлемі мен жайылуына байланысты.Қатты күйіктер әсіресе жалын мен қысымда тұрған будың әсерінен пайда болады.Аяқ-қол көз,дененің басқа мүшелеріне қарағанда күйікке жиі ұшырайды. Термиялық        Күйік зақымдану деңгейіне қарай 4 дәрежеге бөлінеді:

1-ші дәрежелі күйік - терінің тек қызаруы байқалады. Мұндай күйік күнге ұзақ күйінгенде және +45 +50°С градус ыстық судың әсерінен болады. 2. 2-ші дәрежелі күйік - тері қызарады және оның сыдырылған қабығының асты сұрғылт мөлдір сұйыққа толып ісиді. 3. 3-ші дәрежелі күйік - терінің жансыздануы, ұлпаның қарайғаны байқалады. 4. 4-ші дәрежелі күйік - тек қана терінің өлуімен емес, сонымен бірге тереңде жатқан бұлшық еттердің, сіңірлер мен сүйектің өлуімен, кейде терең көмірленуімен сипатталады. 1 және 2 дәрежелі күйіктер үстірт күйікке, ал 3 және 4 дәрежелі күйіктер терең күйікке жатады. Күйіктің ауырлығы оның тереңдігіне және күйген беттің ауданына байланысты. Күйіктен есеңгіреу, қан қысымының түсуімен, естен тануға дейін жететін ауыр халмен сипатталады. Сондықтан қатты күйген аурулар міндетті түрде ауруханаға жеткізілуі тиіс. Алғашқы жәрдем көрсету күйіктің дәрежесіне байланысты болады. 1-ші дәрежелі күйікке суық су (компресс) басса жеткілікті. 2 және 3 дәрежелі күйікке Вишневский майымен, синтомицин, вазелин және т.с.с. дәрілермен байлам салған жөн. 4-ші дәрежелі күйікке, ең дұрысы, стерильденген байлам салып, зардап шегушіні медициналық мекемеге жеткізу керек. Көз немесе ауыздың сілекей қабаты күйгенде, көзді немесе ауызды салқын сумен немесе марганец қышқыл калийдің әлсіз ерітіндісімен шайқаған дұрыс.