14 Бөлім. Саптық дайындық

Оқытудың міндеттері:

Болашақ офицерлерде өте жақсы саптық жинақылық пен үлгілі сыртқы пішін қалыптастыру, саптық тәсілдерді дұрыс орындауға үйрету, бағыныштыларға дұрыс пәрмен беру және сабақтарды жоғары деңгейде жүргізу. Әскери дәстүрлерге, сапқа, саптық әндерге құрметпен қарауға, Қазақстан Республикасы Қарулы Күштеріне өзінің қажеттілігін сезініп, мақтанышпен қарауға тәрбиелеу.

Пәнді оқу нәтижесі бойынша

1-оқу жылында студенттер

Қазақстан Республикасы Қарулы Күштердегі Саптық жарғыларының жалпы ережелерін;

саптық тәртіпке оқыту және саптық дайындық бойынша жалпы сабақты ұйымдастыру негіздерін;

негізгі әскери рәсімдерді, олардың мақсатын, оны қолдану орны мен тәртібін;

бөлімшені, взводты жаяу тәртіппен сапқа тұрғызуды, оны қайта тұрғызу тәртібін, сапта және одан тыс әскери сәлемдесудің орындалуын;

машинаға отыру кезінде және қозғалған кезде взвод құрамындағы қимылдар тәртібін білуі тиіс.

жаяу тәртіппен және машинада бөлім құрамындағы қимылдар кезінде қарусыз негізгі саптық тәсілдердің қалай орындалатынын;

топтың, взводтың саптық құрамында жалпы саптардағы және негізгі әскери рәсімдерді орындау кезіндегі қимылдардың орындалуын;

атыс, тактикалық және саптық дайындықтар бойынша сабақтарда қажетті саптық тәсілдердің орындалуын білуі қажет.

Мына қимылдарға дағдылануы керек:

взвод құрамында әр түрлі сапқа тұру қимылдарына;

саптық ережелердің негізгі элементтерінің орындалуын, әскери шені жоғары тұлғалармен қарым-қатынас жасай білуді, өзін таныстырып, оларға баяндауды.

2-ші оқу жылында

жеке саптық тәсілдерді оқып-үйрену, олардың орындалу тәртібі бойынша Саптық жарғылардың негізгі ережелерінің құрылымы мен мазмұнын;

взвод құрамында саптық дайындық бойынша сабақ жүргізу әдістемесіне қойылатын негізгі талаптарды;

Саптық жарғы ережелерінің мазмұнын, жаяу тәртіппен және машиналарда бөлімше құрамында қарумен жеке саптық тәсілдерді оқыту және олардың орындалу әдістемесі бойынша басқарушы құжаттарды білуі қажет.

жеке саптық тәсілдерді үйлестіре орындауды;

саптық жарғы талаптарына сәйкес киім нысаны үлгісін қатаң сақтауды;

негізгі саптық тәсілдер мен қимылдарды түсіндіріп, көрсетуді;

саптық тәсілдерді үйлестіре дұрыс орындауды және саптан тыс және бөлімше құрамындағы қимылдардың жасалуын;

бөлімшемен бірге саптық дайындық бойынша сабақтардың әдістемелік жағынан дұрыс орындалуын, жарғыға сәйкес дұрыс команда беру жұмыстарын білуі қажет.

Сонымен бірге

взвод құрамында ұжымдық әрекеттердің үйлестіре орындалуына;

саптық дайындық бойынша сабақтарда қимылдарды сенімді орындауға;

сыртқы пішінін ұқыпты ұстауға;

саптық дайындық бойынша сабақ жүргізу кезінде бағыныштыларды сенімді түрде басқарып, команда беруге;

жаяу тәртіппен және машиналарда бөлімшенің сапқа тұруын басқарып, жеке өзі саптық тәсілдердегі қимылдардың сенімді жасалуына;

күн тәртібі бойынша белгіленген шаралардың жүргізілуіне (ұйқыдан тұру, дене қимылы, таңнетеңгілік тексеру т.б.) дағдылануы тиіс.

Әдістемелік нұсқаулар:

Жеке дайындалу сабақтары жыл бойы жүйелі түрде жүргізіліп отырады. Әрбір сабақ мынадай әдістемелік жүйелілікпен жүреді: бұрын үйретілген тәсілдердің орындалуын тексеріп, қайталау жаттығуын жасау; жаңа саптық тәсілдерді дайындық жаттығулары көмегімен көрсету (егер ол қиын болса); тәсілдерді жай темппен жарғылық талаптар деңгейіне жеткенге дейін орындау; студенттерді бір жақтылық немесе екіжақтылық әдістер көмегімен жаттықтыру; тәсілдерді үздік орындаушылар жарысын ұйымдастыру және сабаққа талдау жүргізу.

Оқытудың біржақтылық әдісі тәсілдерді командир басшылығымен барлық студенттерге бір уақытта үйрету болып табылады.

Тәсілдерді оқып-үйрену және орындау үшін бөлімше саптық алаңның периметрі бойынша 4 қадам қашықтыққа таратылады.

Ал екіжақтылық әдісте тәсілдер командирдің жалпы басшылығымен жұп болып орындалады.

Саптық үйлестіру бойынша сабақтар Саптық жарғылардың сәйкес баптарын түсіндірумен басталады, саптағы қимылдардың тәртібі көрсетіледі, содан кейін жаттығулар жасалады.

Жеке құрамның саптық дайындығының деңгейі саптық тексерулер мен бақылау сабақтарында Қазақстан Республикасы Қарулы Күштері әскери қызметшілерінің, әскери бөлімдері мен бөлімшелерінің және әскери оқу орындарының саптық дайындықты тексеру және бағалау талаптарына сәйкес тексеріледі.

Саптық тәсілдерді, командирлік және әдістемелік дағдыларды жетілдіру барлық сабақтарда, сапқа тұруларда және күнделікті өмірде іске асырылады.

Барлық командирлер студенттердің әскери киім нысандарын дұрыс киюін, ол киімдердің барлық уақытта таза болуын қадағалап, талап етуі тиіс.

Бағдарлама бөлімдері	Бөлімдер мен тақырыптардың реттік саны	Сағат саны
		БАРЛЫҒЫ	ЖОО					Оқу жаттығу кезінде
			Барлығы ЖОО	Дәрістер	Семинар	Топтық	Практикалық	Оқу жаттығу кезінде барлығы	Дәрістер	Практикалық
14.	14-Бөлім. Саптық дайындық	14	14				14
	№ 1. Жалпы жағдайы. Саптық тәсілдер және қарусыз қозғалыс *	6	6				6
	№ 2. Саптық тәсілдер және қарумен қозғалыс	6	6				6
	Бақылау сабағы	2	2				2

*-белгісімен берілген тақырыбтар 1 семестрде оқытылады