2 Тақырып. Миналар және миналық-жарылғыш қоршаулар, оларды жеңіп өтудің әдістері.

1 сабақ. Топтық. (2 сағат). Шетел армиясының миналары және миналанған алаңдары.

Қашықтықтан миналау жүйесі. Қазіргі кездегі шағын аймақтағы соғыстарда миналық қаруларды пайдалану практикасы. Миналар мен миналық алаңдарды ашу белгілері. Миналық- жарылғыш қоршауларды жеңіп өту әдістері.

Инженерлік миналардың жіктелуі. ҚР Қарулы Күштерінің жаяуәскерге қарсы, танкке қарсы және арнайы миналары, оларға тактикалық- техникалық сипаттама беру. Танкке қарсы миналық алаңды «саптық есеп» әдісімен орнату.

3 Тақырып. Фортификацияланған жабдықтар және тірек пунктін, бөлімше орналасқан позициялар мен аудандарды бүркемелеу.

1 сабақ. Топтық. (2 сағат). Жергілікті жердегі фортификацилық жабдықтардың міндеттері. Окоптар және мотоатқыштар взводы (ротасы) тірек пунктіндегі ғимараттардың түрлері, олардың мөлшері, нормативтік уақыт және жабдықтау тәртібі. Жұмыстың орындалу жүйесі.Мотоатқыштар взводы тірек пунктін фортификацилық жабдықтау үшін қажет күш пен құралдар есебі.

2 сабақ. Практикалық. (2 сағат). Автоматтан (пулеметтан, гранатометтен) жатып, тізерлей және тұрып ату үшін жеке окоптарды қазу және жасыру. Табельдік және қолда бар құралдармен техниканы, окоптар мен басқа да кіші-гірім ғимараттарды жасыру.

10 Бөлім. Байланыс құралдарын ұрыста қолдану

Оқытудың міндеттері:

Бұл пән взводтық басқару звеносының байланыс құралдарының құрылысы мен оны пайдалану ережелерін толық біліп, оны әр түрлі жұмыс режимдерінде техникалық жағын сауатты пайдалана алатын және ұрысты байланыспен қамтамасыз ете алатын офицерлер дайындау мақсатында оқытылады.

Пәнді оқып-үйрену нәтижесінде студенттер:

мотоатқыштар бөлімшелерінде байланысты ұйымдастыруды;

ТА-57 далалық телефондық аппаратының, П-193 коммутаторының, П-274 (П-275) далалық кабелінің мақсатын, тактикалық-техникалық мәліметтерін;

рота мен батальон командирінің жылжымалы радиостанциялық желілерінің тактикалық- техникалық мәліметтерін, құрамын, өрістету тәртібін, жұмысқа дайындау және қажетті жиілікке келтірілуін, радиоалмасу жүргізу ережелерін;

байланыс құралдарын пайдалану кезіндегі қауіпсіздік техникасының негізгі ережелерін және олардың техникалық қызмет көрсетуін жүргізуді;

Р-123, (Р-173) мобильдік радиостанцияның тактикалық-техникалық мәліметін, құрамын, өрістету тәртібін, жұмысқа дайындау және қажетті жиілікке келтірілуін;

бөлімше-взвод звеносы байланыс құралдарындағы қарапайым ақауларды жөндеу әдісін;

байланыс құралдарына ток жіберуді;

радиожелілерді қарсыластың әрекетінен қорғау әдістерін, радиобүркемелеу шараларын жүргізуді;

мотоатқыштар бөлімшелеріндегі байланыс құралдарының техникалық қызмет көрсетуін білуі тиіс.

Р-147, Р-148 жылжымалы радиостанциясын қажетті жиілікке келтіру және радиоалмасу жүргізу жұмыстарын;

сымдық байланыс құралдарын пайдалануды;

әскери техника байланысын пайдалану барысында қауіпсіздік шараларын қамтамасыз ету бойынша іс- шаралар жүргізуді;

Р-123, Р-173 мобильдік радиостанциясын қажетті жиілікке келтіру және радиоалмасу жүргізуді;

бөлімше звеносының-ротаның мобильдік радиостанциясы байланыс құралдарының қарапайым ақауларын жөндеуді;

Р-107, Р-159 жылжымалы радиостанциясын қажетті жиілікке келтіруді және радиобайланыс жүргізуді;

мотоатқыштар бөлімшелері байланыс құралдарының қызмет көрсетуін ұйымдастыру жұмыстарын істей білуі қажет.

Сонымен бірге мына жұмыстарға:

Р-147, Р-148 жылжымалы радиостанциялардағы жұмыстар бойынша нормативтердің орындалуы және жердің үстімен қолмен жүргізілетін 1,5 км-лік жеңіл далалық кабельдерді төсеу бойынша нормативтердің орындалуына;

Р-123, Р-173 мобильдік радиостанциялардағы жұмыстар бойынша нормативтердің орындалуына;

Р-107, Р-159 жылжымалы радиостанциялардағы жұмыстарды орындауда нормативтердің орындалуна дағдылануы тиіс.

Әдістемелік нұсқаулар:

Байланыс құралдарының құрылысы бойынша сабақтар оқу сыныптарында, жұмыс істеп тұрған байланыс аппаратын пайдалану арқылы тренажерлерде, полигондарда оқу-жаттығу карталарының көмегімен жүргізіледі. Пән бойынша студенттерді оқытудың негізгі түрлері- сыныптық- топтық, практикалық сабақтар және байланыс құралдарымен жаттығу сабақтары болып табылады.

Байланыс құралдарын барынша көп пайдалану мақсатында байланыс құралдарының құрылысын үйрену, пайдалану және оның техникалық қызмет көрсетуі бойынша кешенді сабақтар қолда бар барлық құралдарды пайдалану арқылы жүргізіледі. Бұл сабақтарда әрбір оқу-жаттығу орны үшін жасалған оқу-жаттығу карталары пайдаланылады.

Техниканы оқып-үйрену барысында оның жұмыс істеуге жарамдылығына, әр түрлі режимде жұмыс істей алуына, радиоарналардағы нормаларының өлшенуіне, байланыс құралдарының техникалық қызмет көрсетуін тексеру және қауіпсіздік шараларының сақталуына, байланыс құралдарындағы нормативтердің орындалуына көп мән беріледі.

Байланыс техникасының құрылысын үйрену-ереже бойынша, соңғы шыққан аппаратта мына жүйемен жүргізіледі:

оқытушы оқу материалын түсіндіреді және студенттерді үйренуі тиіс модельмен таныстырады;

студенттер әрекеттердің бағдарлаушы негіздерінің сызбанұсқасын пайдаланады және байланыс аппаратын пайдалану тәсілдерін үйрену кезінде оқу-жаттығу карталары бойынша байланыс техникасын қосып, жиілікке келтіреді және жұмысқа жарамдылығын тексеру бойынша өз бетінше жұмыстар жасайды (оқытушының бақылауымен);

студенттер белгіленген жеке нормаларды орындайды;

Тақырыпты оқу барысында студенттер жұмыс істеп тұрған аппаратуралардың үлгілерін, тренажерлерді, макеттер мен сызбанұсқаларды және оқытудың техникалық құралдарын кең пайдаланулары тиіс. Студенттермен болған әрбір сабақ жоғары деңгейде ұйымдастырылуы керек.

Оқып-үйрену барысында студенттерді байланыс құралдарына ұқыпты қарауға үйрету қажет.

Бағдарлама бөлімдері	Бөлімдер мен тақырыптардың реттік саны	Сағат саны
		БАРЛЫҒЫ	ЖОО					Оқу жаттығу кезінде
			Барлығы ЖОО	Дәрістер	Семинар	Топтық	Практикалық	Оқу жаттығу кезінде барлығы	Дәрістер	Практикалық
10.	10 - Бөлім. Байланыс құралдарын ұрыста қолдану	14	14	4		6	4
	№ 1. Әскерлерді басқаруда байланыс құралдарының рөлі мен орны	2	2	2
	№ 2. Сымдық байланыс құралдары	4	4	2			2
	№ 3. Мотоатқыштар бөлімшелердіндегі кішіқуатты радиостанциялар	4	4			4
	№ 4. Байланыс құралдарын пайдалану ережелері	2	2			2
	№ 5. Радиобайланыс жүргізу ережелері	2	2				2

*-белгісімен берілген тақырыбтар 1 семестрде оқытылады