8.3.5 Тұқымдастық – Семейство: Итбалықтар – Тюленьи – Phocidae

Каспий итбалығы – Каспийский тюлень или нерпа - Phoca caspica Gmelin, 1788.

Мерзімдік қоныс аударады (8.3.5.1-сурет). Жыл бойы белсенді. Каспийде тараған. Сулы орта тұрғыны; демалысқа аралдарды, жағалауларды, мұздарды пайдаланады. Негізгі азықтары – кәсіптік емес балықтар, жамбас жүзгіштер, шаяндар, моллюскалар. Ұрғашылары 1, кейде 2 бала табады. Май көзі, тері шикізаты ретінде теңіздің кәсіптік нысанасы.

8.3.6 Тұқымдастық –Семейство: Мысықтар – Кошачьи – Felidae

Қабылан – Гепард - Acinonyx jubatus Schreber, 1776.

Қазақстанда 1 түршесі бар: A.j.raddei – каспий қабыланы – каспийский гепард (8.3.6.1-сурет). Күшіктерін емізген кезеңде тұрғылықты, ал қалған уақытта көшіп жүреді. Жыл бойы белсенді. Маңғыстауда және Үстіртте таралған. Әртүрлі типті шөлдерде мекендейді. Қарақұйрықтармен, киіктермен, қояндармен, құм тышқандармен, құстармен, қоректенеді. Ұясында 2-4 күшігі бар. Қазақстанның Қызыл Кітабына енгізілген.

Қамыс мысығы – Камышовый кот – Felis chaus Guldenslaedt, 1776.

Қазақстанда 1 түршесі бар - F.ch.chaus(8.3.6.2-сурет). Тұрғылықты аңдар. Жыл бойы белсенді. Еділдің атырауларында тараған. Тоғайда және қамыста мекендейді. Кеміргіштермен, қояндармен, құстармен қоректенеді. Жылына бір рет көбеюге қатысады, ұясында 3-4 күшік бар. Бағалы терілі аңшылық нысанасы.