Ұсынылатын есеп құрылымы

1. Титулдық бет

2. Жұмыс жоспар-кестесі

3. Тәжірибе күнделігі

4. Тәжірибе бойынша есеп

5. Қолданылған әдебиеттер (деректер көзі)

6. Қосымшалар

Есепті рәсімдеуге қойылатын талаптар

Есеп А4 форматындағы ақ қағаздың бір жағына 1 интервалымен орындалуы керек. Шрифт: түрі – Times New Roman, сұлбасы – әдеттегі (обычный), кегль 14.

Есеп мәтінін өрістердің келесі өлшемдерін сақтап отырып теру керек: сол жағы – 30 мм, жоғарғы жағы – 20 мм, оң жағы – 10 мм және төменгі жағы –25 мм.

Кейбір анықталған терминдерге, формулаларға, теоремаларға назар аударту үшін компьютерлік мүмкіндіктер мен шрифттердің әртүрлі гарнитураларын қолдануға болады.

Есеп мазмұны және оны қорғау

Тәжірибенің аяқталуы кезінде оқушы тәжірибе жетекшісіне тәжірибе бағдарламасының орындалғаны туралы есебін ұсынуы қажет. Онда тәжірибешінің атқарған жұмысы көрсетіледі.

Есепте үлгілі күнтізбелік-тақырыптық жоспарға сәйкес барлық тақырыптары бойынша барлық тәжірибелік материалдар болуы қажет.

Есепке тәжірибешінің тәжірибе барысындағы атқарған жұмыс құжаттарының көшірмелері тігіледі. Көшірме болмаған жағдайда студент өз қолымен жазылған құжаттарын тігеді, бұл жағдайда тәжірибе жетекшісі құжатты дұрыс жазу іскерлігін қадағалауы қажет.

Есепке тігілетін құжаттар:

• кәсіпорын субъектісінің жетекшісімен бекітілген, тәжірибе жетекшісінің және тәжірибешінің қолы қойылған (ұйым мөрімен куәландырылған ұйым, фирма субъектісі жетекшісінің немесе ол болмаған жағдайда оның орынбасарының, тәжірибе жетекшісінің және тәжірибешінің қолы) тәжірибенің күнтізбелік жоспары;

• тәжірибенің әр күніне жетекшінің қолы қойылған күнделік-есеп;

• қосымшалар;

• қолмен және мөрмен куәландырылған (міндетті түрде) мінездеме.

Кәсіпорындағы тәжірибе жетекшісі есепті тексеріп бес баллдық жүйемен бағалайды.

Тәжірибені аяқталуы кезінде оқушы колледждегі тәжірибе жетекшісіне есебін тексертеді. Тәжірибенің жалпы бағасы есеп қорғалғаннан кейін қойылады. Есепті қорғау кезінде тәжірибе өту деңгейі, оқушылардың теориялық білімді және алған тәжірибелік дағдыны бекіту дәрежесі анықталады. Тәжірибе бағасы оқушының сынақ кітапшасына қойылады.

Өндірістік-технологиялық тәжірибенің тақырыптық бағдарламасы

№	Бөлім мен тақырыптың аталуы	Барлық сағат саны	Тәжірибе өту күндері
1 бөлім. Кәсіпорынмен, оның жұмыс істеу режимімен, қауіпсіздік техникасы ережесімен танысу.
1	Қауіпсіздік техникасы ережелерімен танысу	6	1
2	Кәсіпорын құрылымымен танысу	12	2
3	Кәсіпорында есептеуіш техникасы құралдарымен және құрамымен танысу	18	3
4	Кәсіпорынның желілік құрылымы	18	3
5	Кәсіпорынның бағдарламамен қамтамасыз етілуі	18	3
6	Ақпараттарды өңдеудің технологиялық үрдісі	18	3
2 бөлім. Ақпараттарды өңдеуге автоматтандырылған жүйелер, сайттар, интернет - қосымшалар құру.
7	Есептің қойылымы	24	4
8	Жобаны құру	180	30
9	Жобаны тестілеу және өңдеу	60	10
10	Орнатылу файлдарын дайындау	30	5
11	Бағдарламалаушы нұсқаулығы	12	2
12	Қолданушы нұсқаулығы	12	2
13	Есепті дайындау	24	4
	Барлығы	432	72