Жастар және қоғамдық ұйымдар

Қажетті сөздер мен сөз тіркестерін есте сақтаңыз:

Бастама, талқылау, жастар ұйымы, жүзеге асыру, ұсыныстар, аймақ, саясат, сабырлы, көрегендік, әділдік, қамқорлық.

Мәтінді оқыңыз, мазмұндаңыз.

(Қазақстан жастар ұйымдарының Елбасының жастар саясаты саласын қолдауы бойынша мәлімдемесінен)

Президенттің бастамасын талқылап, біздің жастар ұйымдарының жүзеге асыруымен ұсыныстар әзірлеу бойынша еліміздің барлық аймағында 1000-нан аса кездесу өткізілді.

Ел Президентінің салиқалы саясатының арқасында Тәуелсіздігіміздің алғашқы жылдарынан бастап жастар саясаты еліміздің басты басымдылықтардың біріне айналды.

Бүгінгі таңда, еліміздегі азаматтық қоғамның дербес, белсенді және жауапкершілігі мол бөлшегінің бірі - жастар. Ел аумағында, мың екі жүзге жуық жастар ұйымы жұмыс жасап, мемлекет қолдауы арқылы жыл сайын 50 мыңнан астам жастарға бағытталған іс-шаралар ұйымдастырылады.

Қазіргі таңда әлемнің көптеген дамыған елдерінде экономикалық дағдарыс өрістеп, миллиондаған жастар өмірден өз орнын таппай, жұмыссыз қалуда. Сол себепті Қазақстанда Елбасының бастамасымен жалпы ұлттық: «Ауыл жастары», «Дипломмен ауылға!», «Жастар тәжірибесі» және «Жасыл ел» сынды жастардың жобалары жұмыс жасауда. Жыл сайын ЖОО мен колледждерді бітірген мыңдаған жас мамандар жалақысы жоғары, сенімді жұмыс орнымен қамтамасыз етіліп отыр.

Мемлекеттің сабырлы, көрегендікпен атқарып отырған оң қадамдарының нәтижесін мыңдаған жас қазақстандықтар сезінуде. Еліміздің жастары еліне қажет екенін үнемі сезініп, өзінің батыл ойы мен армандарын белсенді жүзеге асыруда. Біз еліміздің жастар ұйымдарының өкілдері ел Президентіне осы қамқорлығы үшін дән ризамыз!

Қазақстанның жастар қозғалысы Елбасының жастарға арналған жаңа әлеуметтік сатысын қалыптастыру бастамасын қызу қолдады. Жұмысқа қабылдау кезіндегі әділдік пен кез келген жас дарынды қазақстандық мүмкіндіктерінің тең болуын қамтамасыз етіп, өз білімдері мен тәжірибесін Отанымыздың игілігіне жұмсауға мүмкіндік береді.

Сұрақтарға жауап беріңіз:

1. Президенттің бастамасын талқылау үшін қай кездесу өткізілді?

2. Ел Президентінің салиқалы саясатының арқасында Тәуелсіздігіміздің алғашқы жылдарынан бастап жастар саясаты еліміздің несіне айналды?

3. Бүгінгі таңда, еліміздегі азаматтық қоғамның дербес, белсенді және жауапкершілігі мол бөлшегінің бірі кімдер?

4. Қазіргі таңда әлемнің көптеген дамыған елдерінде экономикалық дағдарыс өрістеп, миллиондаған жастар қандай өміру сүруде?

5. Қазақстанда Елбасының бастамасымен жалпы ұлттық қандай жобалары жұмыс жасауда?

6. Жыл сайын ЖОО мен колледждерді бітірген мыңдаған жас мамандар қалай қамтамасыз етіліп отыр?

Оқылым бойынша тест тапсырмаларын орындаңыз:

1. Президенттің бастамасын талқылау үшін қай жерлерді кездесу өткізілді?

а) еліміздің барлық аймағында

в) әлем аумағында

с) барлық мекендерде

д) облыс аумағында

2. Ел Президентінің салиқалы саясатының арқасында жастар саясаты еліміздің басты несіне айналды?

а) басымдылықтарының біріне

в) алдыңғы орындарға

с) болашақтың арманына

д) үлкен мүмкіндіктерінің біріне

3. Қазақстанның жастар қозғалысы жастарға арналған жаңа әлеуметтік сатысын қалыптастыру бастамасын қызу қолдады.

а) Елбасының

в) әкімнің

с) бастықтың

д) директордың

4. Қазіргі таңда әлемнің көптеген дамыған елдерінде жастардың өмірден өз орнын таппай, жұмыссыз қалудың қандай себебі бар?

а) экономикалық дағдарыстың

в) ауылшаруашылық дағдарысы

с) тұрмыстық дағдарысы

д) отбасылық күйзелістері

5. Бүгінгі таңда, еліміздегі азаматтық қоғамның бірі кімдер?

а) жастар

в) үлкендер

с) студенттер

д) оқушылар

Жазылым:

Тапсырма. Қажетті сөздерді қойыңыз.

1. Қазақстанның жастар қозғалысы Елбасының ..... арналған жаңа әлеуметтік сатысын қалыптастыру бастамасын ..... .

2. Жұмысқа қабылдау кезіндегі ...... пен кез келген жас дарынды қазақстандық мүмкіндіктерінің тең болуын ....., өз білімдері мен тәжірибесін ...... игілігіне жұмсауға мүмкіндік ..... .

Тапсырма. Берілген фразеологизмердің сыңарын табыңыз:

1. Асығы алшысынан түсті.............. тыныштық заман орнау.

2. Базары тарқады............................. тыным таппау.

3. Далаға кетті .................................. жалқаулану.

4. Жарғақ құлағы жастыққа тимеу.. тез.

5. Көзді ашып-жұмғанша ................ қолы тимеу.

6. Қой үстіне бозторғай жұмыртқалау ........... көп уақыт өтпеді.

7. Мойыны жар бермеу .................. ұйықтамау.

8. Мұрнынан шаншылып жүр......... өкіну.

9. Опық жеу ...................................... қараңғы.

10. Ізі суымады................................... дәурені өтті.

11. Кірпік қақпау................................ босқа кетті.

12. Көзге түртсе көргісіз.................... жолы болды.

Тыңдалым:

Тыңдаңыз:

Тыңдалым бойынша тест сұрақтарына жауап беріңіз:

1. Елімізде қандай қабырғалы жүйе енгізіліп жатыр?

а) кадрларды даярлаудың

в) студенттерді даярлаудың

с) тәрбиешілерді даярлаудың

д) саясаткерлерді даярлаудың

2. Кадрларды даярлау жүйе жастарға қандай қосымша мүмкіндіктер ашады?

а) кәсіби біліктіліктерін арттыруға

в) арнайы деңгейлерін жоғарылатуға

с) бәсекелестілікті арттыруға

д) сенімділікті арттыруға

3. 2020 жылға дейінгі Мемлекеттік жастар саясатының тұжырымдамасы қандай мүмкіндіктер береді?

а) заңнаманың жаңаруына

в) ереженің орындалуына

с) тәрбиенің жақсаруына

д) білімнің артуына

4. Бүгінде жастарымызға барлық есіктің ашық екендігіне қандай себептердің нәтижесінде сеніммен айта аламыз?

а) Елбасының жастар мәселесін үнемі назарда ұстауынан

в) Ата-ананың үнемі назарда ұстауының

с) Аудан әкімінің жастар мәселесін үнемі назарда ұстауының

д) Депутаттардың жастар мәселесін үнемі назарда ұстауының

5. Біз үшін қандай жағдайлар жасалған?

а) білім алуға және жұмыс жасауға

в) кітап оқуға, сабақ оқуға

с) жаттығуға, жүгіруге

д) күш алуға, жоба жасауға

Анықтама:

Бастамасы-начало

Талқылау- обсуждать

Жастар ұйымы- молодежная организация

Жүзеге асыру- осуществлять

Ұсыныстар-предложения

Аймақ-регион

Саясат-политика

Сабырлы- сдержанный;

Көрегендік-мудрость

Әділдік-справедливость

Қамқорлық- забота

Тезаурус:

Игілік – қайырымды іс, жақсылық.

Дағдарыс – тығырыққа тірелушілік, қиыншылық.

Көкжиекте – аспан мен жердің көз жететіндей түйіскен жері, горизонт.

Көрегендік – қырағылық, болжағыштық, даналық.

32-сабақ: