Энергия. Энергияның сақталу заңы.

I НҰСҚА

1. 20 кг шананы теп – тегіс беткей бойымен 300 Н күш жұмсап, 2,5 м биіктікке көтереді. Шана 3 м/с² үдеумен қозғалады. көтергенде қандай жұмыс атқарылады? Шананың потенциалдық энергиясының өзгерісі неге тең? Шананың төбеге шығар кездегі кинетикалық энергиясы неге тең?

2. Ұзындығы l=5м, қимасы S=100 см² болат білеуді көткргіш кран h=12 м биіктікке горизонталь көтереді. Егер білеу бірқалыпты көтерілген болса, онда кран осы уақыт аралығында қандай жұмыс атқарады? Болаттың тығыздығы ρ=7800 кг/м³.

3. s=10м жолда массасы 1 т дененің жылдамдығын υ₁=2 м/с – тен υ₂ =6 м/с – ке арттыру үшін қандай жұмыс істеу керек? Бүкіл жол бойында Ғ_үйк=2 Н үйкеліс күші әрекет етеді.

4. Массасы 3 кг дене биіктігі 0,5 м, ұзындығы 1 м көлбеу жазықтықтан υ_о=0 бастапқы жылдамдықпен сырғанай бастады да, етегіне келгенде жылдамдығы 2,45 м/с болды. Үйкеліс коэффициентін және үйкеліс кезіндегі бөлінген жылуды анықтаңдар.

5. Ядроны горизонтқа 30^о бұрышпен лақтыру үшін 216 Дж жұмыс атқарылады. Қанша уақыт өткен соң және қандай қашықтықта ядро жерге құлайды? Ядроның массасы 2 кг.

6. « Өлі тұзақпен» жасалған мектеп тәжірибесінде массасы m бытыра Н=3r ( r – тұзақ радиусы) биіктіктен жіберілген. Тұзақтың төменгі және жоғарғы нүктелерін бытыра қандай күшпен қасады?

Энергия. Энергияның сақталу заңы.

II НҰСҚА

1. Доп 4 м биіктікке абсолют серпімді көтерілуі үшін оны 2 м биіктіктен төмен қарай қандай бастапқы жылдамдықпен лақтыру керек?

2. Мұз бетімен 3 м/с жылдамдықпен лақтырылған тас тоқтағанға дейін 20,4 м жол жүрді. Тас пен мұздың арасындағы үйкеліс коэффициенті қандай?

3. Массасы 160 г хоккей шайбасы 20 м/с жылдамдықпен қақпаға еніп, оның торын 6,4 см – ге кереді. Шайба торға қандай максимал күшпен әрекет етті? ( Тордың серпімділік күшінің ығысуға тәуелділігі Гук заңына бағынады деп есептеңдер).

4. Массасы 1 т машинаға қозғалыс кезінде оның ауырлық күшінің оннан бір бөлігіндей ( Ғ_үйк= 0,1 Mg) үйкеліс күші әрекет етеді. Жүрілген 0,5 км жолда машина жылдамдығын υ_о= 10 км/сағ – тан υ₁=40 км/сағ – қа арттыру үшін қозғалтқыш қанша бензин шығындайды? Қозғалтқыштың ПӘК – і η=0,2; бензиннің меншікті жану жылуы q = 46МДж/кг.

5. Массасы1 кг тас 9,8 м/с бастапқы жылдамдықпен тік жоғары лақтырылған. 0≤ t ≤ 2с уақыт аралығы үшін потенциалдық, кинетикалық және толық энергиялардың уақытқа тәуелділік графигін салыңдар.

6. Массасы m нәрсені вертикаль жазықтықта жіппен айналдырады. Жіптің төменгі нүктедегі керілу күші оның жоғарғы нүктедегі керілу күшінен неше есе артық?

Энергия. Энергияның сақталу заңы.

III НҰСҚА

1. Массасы 60 кг шана биіктігі 10 м төбеден еңіске қарай 500 м – ге сырғанайды. Егер төбе етегінде шананың жылдамдығы 8 м/с болса, онда сырғанау кезіндегі орташа кедергі күші қандай? Шананың бастапқы жылдамдығы нөлге тең.

2. Қозғалып келе жатқан массасы 2 кг дене мына жағдайларда қандай жұмыс атқарады? 1) дене жылдамдығын 2 м/с – тен 5 м/с – ке дейін өсіреді; 2) 8 м/с бастапқы жылдамдықпен қозғалып келе жатып тоқтады.

3. Егер топырақтың тығыздығы ρ болса, онда тереңдігі h квадрат пішінді шұңқыр қазу үшін қандай жұмыс істеу керек? Квадраттың қабырғасы а.

4. Горизонталь бетте қозғалып келе жатқан массасы 10 кг денеге 30^о бұрышпен 100 Н күш әрекет етеді. Денеге әрекет ететін барлық күштерді және осы күштердің дене 10 м аралыққа орын ауыстырғанда істейтін жұмыстарының қосындысын анықтаңдар. Дене мен бет арасындағы үйкеліс коэффициенті μ=0,1.

5. Өлшемі де, массасы да бірдей абсолют серпімді екі шар бір – біріне жанаса ілулі тұр. Олардың массалар центрі іліну нүктесінен l қашықтықта төмен орналасқан. Оның біреуін вертикаль күйінен α бұрышқа ауытқытып қоя береді. Соқтығысудан кейінгі шарлардың жылдамдықтары қандай?

6. « Өлі тұзақпен» жасалған мектеп тәжірибесінде массасы m бытыра Н=3r ( r – тұзақ радиусы) биіктіктен жіберілген. Тұзақтың төменгі және жоғарғы нүктелерін бытыра қандай күшпен қасады?