Есеп № 12.

13 наурыз 2003 ж. жергілікті уақыт 8 сағат 30 мин. Шымкент қаласының Абай АІІБ-нің кезекшісіне 43 жастағы азамат М.Т.Васильевтен хабар келді: бүгін жергілікті сағат 8 шамасында ол ағасы 37 жастағы П.Т.Васильевтің оның Сайрам көшесі 30 үй 60 пәтердегі дәлізінен мәйітін тапқан. Ш.Т.Васильев хабарлады: 1 күн бұрын, яғни 12 наурызда ағасы П.Т.Васильев қонаққа келіп, екеуі 2 шөлмек арақ және 100 г шарап ішті. Осы түні сағат 23-тен кейін қоштасты.

Оқу мәліметтер.

Этил алкогольмен жедел улану. Мұрын қырында, маңдайында, оң жақ бет аймағында көптеген, орташа көлемді, жаңа жырықтар бар. Дәліз еденінде және мәйіт киімінде құсық массалардың іздері бар. Бөлмедегі столдың үстінде түбінде қызғылт түсті сүйықтығы бар шөлмек тұрды.

Өлген уақыты 01 сағат 20 мин 13 наурыз. Ауа температурасы 13 наурызға қараған түні +5+7⁰С.

Тапсырмалар.

1. Оқиға болған жердің және мәйітті тексеру хаттамасын толтыру. Онда:

а) улану кезінде оқиға болған жерді тексерудің ерекшеліктерін көрсету;

б) мәйітті сыртқы тексеру кезінде этил алкоголімен жедел уланудың белгілерін

көрсету;

в) айғақты заттар ретінде алынатын объекттерді сипаттау;

г) мәйіттік көріністерді ауа температурасы мен өлім уақытын есепке ала

отырып сипаттау;

д) мәйітте анықталатын зақымдануларды сипаттау:

2. Этил алкоголімен улану кезінде анықталуы тиіс сұрақтар тізімін жасау.

Есеп № 13.

11 қантар 2003 ж. Шымкент қаласының еңбекші АІІБ-не азамат Т.Б.Ахмедовадан хабар түсті: бүгін жергілікті уақыт бойынша сағат 12⁰⁰ шамасында психикалық ауруы бар 27 жастағы қызы З. үйде 100 мл сіркі қышқылын ішіп жедел жәрдем келгенше қайтыс болды.

Оқу мәліметтер.

Сірке қышқылымен улану. Мәйіт тұрғын бөлменің оң жағында орналасқан төсек заттары бар металл керуетте жатыр. Бөлмеде қажетті бөлме заттары бар. Жазба столдың үстінде сірке қышқылының қалдығы бар шөлмек және азаматша З-ның өлер алдындағы хаты жатыр. Мәйіт денесінде: иекте, ерінде қышқылдың күйдіргіш әсерінің іздері: Өзін жарақаттауға тән шынтақ бүгілістерінде, иықтың алақан бетінде көптеген тыртықтар (кесілген, жарақат іздері) бар. Өлім уақыты 11 қантар 12 сағат 10 мин. Бөлме температурасы +18+20⁰С.

Тапсырмалар.

1. Оқиға болған жердің және мәйітті тексеру хаттамасын толтыру. Онда:

а) мәйіт денесіндегі анықталатын зақымдануларды объективті сипаттау;

б) оқиға болған жерде айғақты заттар ретінде алынатын объектілерді сипаттау;

в) мәйіттік көріністерді ауа температурасымен өлім уақытын есепке ала отырып сипаттау.

2. Улану кезіндегі оқиға болған жерді тексеру ерекшеліктерін сипаттау.

3. Мәйіттің сот-медициналық сараптауда анықталуы тиіс сұрақтар тізімін жасау.

Есеп № 14.

2 қантар 1989 ж. 8 сағат 40 мин. Еңбекші АІІБ-не азаматша Б.С.Ивановадан хабар келді. Бүгін 8 сағат 30 мин. 56 жастағы С.В. Семенованың өлігін диванда, ол тұратын үйінде көршісі тапқан. Семенова жалғыз тұрған. Оның үйі 18 шаршы метрлі пәтерден және ас үйден тұрады. Бөлме іштен ілінген. Көршілердің айтуынша ол ішімдікке әуес болған, жиі ауырған, соңғы рет оны 1 қантарда сағат 21 шамасында көрген.

Оқу мәліметтер.

Кенет өлім. Алкогольды мастану. Мәйіт диванда жатыр, киімі қалпында. Мәйіт денесінің бет аймағында 3 күн бұрынғы 2 жырық бар. Маңдайында және тізе буындарының алдыңғы бетінде 7-10 күн бұрыңғы жырықтар бар. Столда «Узбекистан» шарабынан босаған шөлмек, шарапқа ұқсас сұйықтық қалдығы бар стакан, тәрелкеде тамақ қалдығы. Бөлмеде күресу іздері табылмады. Өлім уақыты сағат 23, 1 қантар 2003ж. Бөлме температурасы +16+18⁰С.

Тапсырмалар.

1. Оқиға болған жердің және мәйітті тексеру хаттамасын толтыру.

Онда:

а) мәйіт денесіндегі анықталатын зақымдануларды объективті сипаттау;

б) мәйіттік көріністерді ауа температурасымен өлім уақытын есепке ала отырып

сипаттау.

2. Мәйіттің сот-медициналық сараптауда анықталуы тиіс сұрақтар тізімін жасау.