Есеп №9.

23 қыркүйек 2003 ж. 13 сағат 40 мин. Шымкент қаласының Темір жол АІІБ-не 40 жастағы Б.Ш.Садыковтан хабар түсті: бүгін 13 сағат ол өзінің 52 жастағы У.С.Атабаевтың ауласына кіргенде оны бастырма астында асылулы қалпында көрген. Б.Ш.Салимов азамат хабарлады: У.С.Атабаев көршісі жиі алкоголь қолданатын, бұрын әйелімен жанжалдасатын, ал жақында олар ажырасқанын. Бұдан басқа азамат У.С.Атабаев 1980 ж. бастап шизофрениямен ауыратын.

Оқу мәліметтер.

Асылу. Бау жұмсақтау заттан жасалған. Мәйіт денесінде жалғыз, жақсы айқындалған странгуляциялық жүлгеден басқа шынтақ буындарының артқы бетінде және 1-2 күн бұрынғы терінің беткей сыдырылуы бар. Өлім уақыты 8 сағат, 23 қыркүйек. Ауа температурасы +19+23⁰С.

Тапсырмалар.

1. Оқиға болған жердің және мәйітті тексеру хаттамасын толтыру. Онда:

а) асулу кезіндегі оқиға болған жерді тексеру ерекшеліктері;

б) странгуляциялық жүлгені сипаттау;

в) асылуға тән, мәйітті сырттан қарағанда анықталатын механикалық асфиксия

белгілерін көрсету;

д) өлім уақытымен ауа температурасын есепке ала отырып мәйіттік көріністерді

сипаттау.

2. Мәйіттің сот-медициналық сараптауда анықталуы тиіс сұрақтар тізімін жасау.

Есеп №10.

10 наурыз 2003 ж. жергілікті уақыт 14 сағат 30 мин. ОҚО-ның Еңбекші АІІБ-не азамат С.Т.Жакиповтан хабар келді: Прогресс колхозының ІІ бригада аумағында жабайы шөптер арасынан өртенген үйде әйел мәйіті табылған:

Оқу мәліметтер.

Кісі өлтіру. Мойнын баумен қысып кейін өртеген. Мәйіт киімсіз, 30-35 жас шамасындағы әйел, тері жамылғылары күйіп кеткен. Странгуляциялық жүлге терең, біреулік, жақсы айқындалған. Оқиға болған жер ашық дала, қалың жабайы өсімдіктер бар жер. Синтетикадан жасалған жартылай жанған, үлкен емес ақ матаның бөлігі табылған, ол түрлі-түсті талшықтан жасалған бас орамал қалдықтары. Мәйіттің айналасындағы жерде жеңіл автокөлік дөңгелектерінің іздері анықталған, ал мәйіттен батысқа қарай 100 м қашықтықта автокөлік қабырғасына сағылудан жырылып кеткен іздері бар езіліп-майысқан шелек табылған.

Тапсырмалар.

1. Оқиға болған жердің және мәйітті тексеру хаттамасын толтыру. Онда:

а) мәйіт мойнындағы странгуляциялық жүлге мен баудың сипатамасы;

б) өрттен болатын тері және жұмсақ тіндердің жағдайын объективті сипаттау;

в) затты айғақ ретінде алынатын оқиға болған жердегі табылған затты

айғақтарды сипаттау.

2. Странгуляциялық асфиксия кезінде оқиға болған жермен мәйітті тексеру ерекшеліктерін көрсету.

3. Мәйіттің сот-медициналық сараптауда анықталуы тиіс сұрақтар тізімін жасау.

Есеп № 11.

13 шілде 2003 ж. жергілікті уақыт сағат 16⁰⁰ шамасында Шымкент қаласының Абай АІІБ-нің кезекшісіне азамат М.Я.Зайцев мына анықтамасымен келді: арыс өзенінің жағасында демалып жатқанда өзі және досы С.В.Васильев екеуі су ішінен белгісіз ер кісінің мәйітін тапқан. Мәйіттің денесін екеі судан шығарып сол өзеннің жағасына жатқызған. Мәйіт шіріп-бұзылу жағдайында болған. өзен жағасында мәйіт табылған жерден жақын маңда киімдер табылған: мақта матадан тігілген сұр кеудеше, кеуде қалтасында 53 жастағы Б.Т.Бахилов атына жазылған төлқұжаты, боз-сарғыш түсті, мақта маталы майка, қара жүннен жасалған шалбар, оның қалтасында «Полет» маркасының сағаты және 50 сом ақша. Аяқ киімі қоңыр және сұр-қоңыр нәскилер.

Оқу мәліметтер.

Суға кету. Мәйіт суда 5 тәулік болды. Мәйітте ылғал, мақта-матадан жасалған лыпа киілген. Тері мацерациясы айқындалады, шіріген веналық тор. Содан басқа доғал заттың әсерінен болған маңдайдың оң жақ будыры аймағында тері жарақаты және оң жақ тізе буынында 1-2 күн бұрынғы терінің беткей сыдырылуы. Су температурасы +21⁰С, ауа температурасы +36⁰С.

Тапсырмалар.

1. Оқиға болған жердің және мәйітті тексеру хаттамасын толтыру. Онда:

а) мәйіттік көріністің даму дәрежесін және мәйіттің суда болғанын білдіретін

белгілерді көрсету;

б) мәйітте табылған зақымдануларға объективті сипаттама беру;

в) суға кету кезіндегі тексерудің ерекшеліктерін көрсету.

2. Мәйіттің сот-медициналық сараптауда анықталуы тиіс сұрақтар тізімін жасау.