Есеп № 6.

2003 жылы 20 қараша күні сағата 12²⁰-да Шымкент қаласы Абай АІІБ бөлімшесіне бүгін таңертен 4 қабатты үйдің шатырынан телевизор антенасын құрастырып жатып 38 жасыр көршісі Ш.П.Павловтың құлап, сол жерде қайтыс болғанын азамат Т.П.Бакиев хабарлады.

Оқу мәліметтер.

Биіктен құлау. Оң жақ самай-еңбек тұсының ойылып ашық сынуы. Оң бұғанасының төменгі бөлігінің ашық сынуы. Оң жақ санының сыртқы беті қанталап қалған. Сағат 8³⁰-да өлген. Ауа температурасы +12⁰С.

Тапсырмалар.

1. Оқиға болған жердің және мәйітті тексеру хаттамасын толтыру. Онда:

а) Өлген уақыты мен ауа температурасының есепке ала отырып ерте мәйіттік белгілердің айқындық дәрежесі;

б) Мәйіт денесіндегі зақымдануларға сипаттама (мінездеме);

в) Биіктен құлау кезіндегі оқиға болған жердегі және мәйітті тексеру ерекшелігі.

2. Мәйіттің сот-медициналық сараптауда анықталуы тиіс сұрақтар тізімін жасау.

Есеп № 7.

2003 жылы 10 ақпанда жергілікті уақыт бойынша 11³⁵-те Еңбекші ауданының БАМ мөлтекауданының тұрғынынан хабар түсті. Ол Қайтпас ауылы мен БАМ арасында Дендро-саябаққа жақын ауылдық жолдың жағасынан 165 м қашықтықта таңғы сағат 5-те 53 жастағы Шекиловтың мәйіті табылғанын хабарлады.

Анықталғаны: 2003 жылдың 9 ақпанында Шекилов Корий деревнядағы танысы Шариповтың үйінде қонақта болған. Ол жерде 700 г арақ ішкен. Сағат 22-де ол үйден кеткен, бірақ өз үйіне оралмаған.

Оқу мәліметтер.

Дененің суықтан мұздап қалуы. Алкогольдық мастықтың ауыр дәрежесі. Беті мен тізесінде көптеген жаңа жырықтар бар. Мұрын тесігі айналасында мұз қатқан, ал кірпігіне қырау тұрған. Киімінде құсық іздері бар. 9-10 ақпан түні ауа температурасы -18-19⁰С. өлген уақыты сағат 13⁰⁰.

Тапсырмалар.

1. Оқиға болған жердің және мәйітті тексеру хаттамасын толтыру. Онда:

а) ауа температурасын мен алдын-ала анықталған мәліметтерді есепке ала

отырып мәйіттік белгілерді сипаттау;

б) мәйітте табылған зақымдануларға объективті сипаттама беру;

в) төмен температураның әсерінен болған өлімде тексерудің ерекшелігін

көрсету.

2. Оқиға болған жердің схемалық сызбасын құру.

3. Мәйіттің сот-медициналық сараптауда анықталуы тиіс сұрақтар тізімін жасау.

Есеп № 8.

3 желтоқсан 2003 жылы 17 сағат 30 мин. Абай районының прокуратура-сына №3 кірпіштік зауыт басқармасының цех бастығы И.Т.Самсоновтан хабар түсті: зауыт аумағында монтаждық жұмыстар кезінде зауыт жұмысшысы 27 жастағы Ш.У.Исхаков электр тоғымен ұрылып 4 метрлік бетон бағаннан құлаған және осыдан өлімге әкелетін жарақат алған деген.

Оқу мәліметтер.

Техникалық электр тоғымен зақымданып, 4 метрлік бағаннан құлау. Электр өткізгіштігімен жанасқан жер – сол білектің алақан беті. Алақан беттегі 1-ші және 2-ші саусақ арасындағы электр таңба. Бұдан басқа оң жақ жауырдың асты аймағында жаңа қан аққан жер, шүйденің соғылған жарақаты және белдің оң бөлігіндегі жаңа тері беткейінің сыдырылу орны. Оң жақ иық сүйегінің жабық сынығы.

Тоқ кернеулігі 350 Вт, күші – 20 А. 10 сағат 20 минутта өлді. Ауа температурасы +3+5⁰С.

Тапсырмалар.

1. Оқиға болған жердің және мәйітті тексеру хаттамасын толтыру. Онда:

а) өлген уақыты мен ауа температурасының есепке ала отырып ерте мәйіттік

белгілердің айқындық дәрежесі;

б) мәйіт денесінен табылған электр таңбаларды және т.б. зақымдануларды

сипаттау;

в) электр жарақаты кезінде оқиға болған жерді тексерудің ерекшеліктері.

2. Мәйіттің сот-медициналық сараптауда анықталуы тиіс сұрақтар тізімін жасау.