Сигезенче бүлек. Сигезенче март Тема. Музыка җитәкчесендә кунакта

Бурычлар:

1) балаларның әниләр бәйрәме, әниләре турындагы белемнәрен киңәйтү, музыка җитәкчесенең бербөтен образын тудыру; музыка коралларының төп билгеләрен ачыклау;

2) балаларның игътибарын, кабул итүләрен, хәтерен, диалоглы сөйләм формасын, шигырьләрне сәнгатьле сөйләү осталыгын үстерү;

3) балаларда әниләргә, музыка җитәкчесенә карата ихтирам, хөрмәт тәрбияләү.

Җиһазлар: Йомшаккай – уенчык песи, картинкаларда музыка кораллары сурәтләнгән: гармун, пианино, скрипка, гитара, барабан. Р.Миңнуллинның “Әни кирәк” җыры.

Эшчәнлек барышы.

Тәрбияче. Кадерле балалар, бүген безгә кунакка Йомшаккай килде. Исәнләшик әле аның белән. Балалар, Йомшаккай сездән болай дип сорый: Сез музыка, җырлар яратасызмы? Нинди музыканы тыңларга яратасыз? Җырларны, музыканы сез кайда тыңлыйсыз? Музыка коралларында кем уйный? Кем сезнең белән бергә уйный һәм җырлый? (Балаларның җаваплары). Карагыз әле. Йомшаккай безгә картинкалар алып килгән. Нәрсәләр сурәтләнгән анда?

Тәрбияче балаларга музыка кораллары сурәтләнгән картинкалар күрсәтә: барабан, гармун, гитара, пианино, скрипка. Музыка кораллары турында әңгәмә үткәрә.

Тәрбияче. Бу музыка уен коралы ничек атала. (Барабан). (Активлаштыру). Барабан нинди өлешләрдән тора? (Барабанның өсте, асты бар, тавыш чыгару өчен таякчыклары бар). (Балаларны активлаштыру). Барабанны нинди материалдан ясаганнар? (Пластмассадан). (Балаларны активлаштыру). Балалар, барабан уйнаганда, кешеләр нишли? (Маршка басып йөриләр). ).(Активлаштыру). (Башка Бу музыка уен кораллары белән дә шундый әңгәмә үткәрелә). Булдырдыгыз, балалар. Сез дөрес итеп җавап бирдегез. Музыка уен кораллары музыка залында күп. Әйдәгез залга музыка җитәкчесе янына кунакка барабыз. Йомшаккай да безнең белән барсын.

Балалар һәм тәрбияче музыка залына керәләр, аларны музыка җитәкчесе каршы ала. Залны күрсәтә, кечкенә экскурсия үткәрә. Балалар музыка коралларын, дидактик материалларны, пианиноны, урындыкларны һ.б. карыйлар.

Тәрбияче. Балалар, безнең музыка җитәкчесе Зәйтүнә апа өйдә дә музыка коралында уйный. Аның өйдә гаиләсе бар. (Музыка җитәкчесе гаиләсе, улы турында сөйли. Улына ул өйдә җырлар җырлый, аның белән уйный). Зәйтүнә апа өйдә тагын ниләр эшли икән, уйлап карагыз әле. (Балаларның җаваплары). Менә нинди безнең Зәйтүнә апабыз! Ул музыка җитәкчесе генә түгел, ул улының әнисе дә, иренең хатыны да. Ул тәмле итеп ашлар пешерә, ямьле гөлләр үстерә, кер юа, үтүкли, көн саен яраткан эшенә килә, балаларга яңа җырлар, биюләр өйрәтә. Сорыйк әле Зәйтүнә ападан, теләгән һәр кеше музыкант була аламы? Әйе, музыкант булу өчен кешенең музыкаль сәләте булырга тиеш: яхшы тавышы һәм музыканы ишетү сәләте. Балалар, Зәйтүнә апага ягымлы сүзләр әйтегез әле. (Матур, ягымлы, акыллы, тырыш, кайгыртучан).

Балалар, бәйрәм уңаеннан без әниләр, әбиләр турында шигырьләр өйрәндек. Әйдәгез аларны Зәйтүнә апага сөйлик.

1 бала. Йолдызларга тиң үзләре, гүзәлләрнең гүзәле.

Миңа һәрчак сөеп карый әниемнең күзләре.

Энҗе-мәрҗәннәр диярсең- янып тора үзләре.

Миңа һәрчак бәхет тели әниемнең күзләре.

2нче бала.

Ак яулыклы, көләч йөзле, Тәмле бәлеш пешерүче

Шат күңелле, әйбәт тә. Дәү әни безнең өйдә. Кем ул, диеп сорыйсызмы? Аңардан ашарга сорый Дәү әнием, әлбәттә. Шаян песиебез дә.

Ярдәме гел тиеп тора Якын кешеләргә дә. Барына да дәү әни ул, Барлык кешеләргә дә.

3нче бала:

Иртән торсам, кояш чыгып,

Нурларын сипкән иде.

Әбиемнең чәе кайнап,

Коймагы пешкән иде.

4нче бала.

Минем әби бик әйбәт, Әбием һәркөн безгә

Гел көлеп кенә тора. Тәмле ашлар пешерә,

Балакаем, дип әйтеп, Сөйкемле сүзләре белән

Сөеп, иркәләп тора. Безнең күңелне күрә.

Без әбине яратабыз,

Ул да безне ярата.

Безнең әбидән дә әйбәт

Кем бар икән дөньяда?

5 бала.

Әни сүзе – иң бөек сүз.

Юк аңа һичбер алмаш.

Иң-иң әйбәт кешеләр дә

Әни кебек була алмас!

Булдырдыгыз, балалар. Менә ни хәтле матур шигырьләр беләсез сез. Йомшаккайга да сез бик ошадыгыз. Хәзер Зәйтүнә апа пианинода музыка уйнар, без “Әни кирәк” җырын җырларбыз. (Җырлап бетергәч педагог музыка җитәкчесен кунакка чакырганы, кызыклы хикәясе, күңелле музыкасы өчен рәхмәт әйтә). Балалар, саубуллашып, төркемгә кайталар.