Бишенче бүлек. Яңа ел бәйрәме Тема. Кар кызы, кар бөртеге бездә кунакта.

Бурычлар:

1) яңа ел уңаеннан балаларның тирә-юнь турындагы күзаллауларын киңәйтү, курчак киемнәренең билгеләре белән таныштыруны дәвам итү, төзү детальләрен аеру һәм атауны (куб, пластина, кирпичик, борыс) ныгыту, аларны төзүдә кулланырга өйрәтү;

2) балаларның игътибарын, хәтерен, диалогик сөйләмен, төзү материаллары белән эшләү осталыгын үстерү;

3) балаларда Яңа ел бәйрәме уңаеннан яхшы кәеф, шатлык хисләре булдыруга шартлар тудыру, курчакларга карата кайгыртучанлык хисләре тәрбияләү.

Җиһазлар: ике курчак (берсе Кар кызы, икенчесе Кар бөртеге булып киенгән), һәр балага җитәрлек төзү материалы.

Эшчәнлек барышы.

Тәрбияче. Балалар, тиздән нинди бәйрәм якынлаша? (Яңа ел бәйрәме. Чыршы бәйрәме). (Балаларны активлаштыру). Дөрес, балалар, Яңа ел бәйрәмен һәр кеше көтеп ала. Һәр җирдә Яңа ел чыршылары бизәлә. Һәр кеше: олымы ул, кечкенәме - Яңа елны каршыларга әзерләнә. Курчаклар да бу бәйрәмне көтеп алалар, бу бәйрәмне яраталар, балаларга кунакка киләләр, бергәләп уйныйлар, күңел ачалар. (Ишек шакыйлар. Курчак керә). Бүген безгә кунакка курчак килде. Исәнләшик курчак белән. (Исәнмесез!). Балалар, карагыз, бу гади курчак түгел, бу курчак - Кар кызы, Кыш бабайның оныгы. (Балаларны активлаштыру). Кар кызының киемен карыйк әле. Бу нәрсә? (Тәрбияче курчакның күлмәгенә күрсәтә). (Күлмәк). (Балаларны активлаштыру). Күлмәк нинди төстә? (Балаларның җаваплары). Күлмәк нәрсә белән бизәлгән? (Якасы, җиңнәрне, итәге мамык белән бизәлгән, курчак күлмәк өстеннән бусылар элгән. Бусылар бик матур, алар җем-җем итәләр). (Балаларны активлаштыру). Курчакның күлмәге сезгә ошыймы? (Балаларны активлаштыру). Әйе, Кар кызының күлмәге бик матур, үзенә килешеп тора. Кар кызы башына нәрсә кигән? (Башлык). Башлык нинди төстә? (Балаларның җаваплары). Әйе, башлык һәм күлмәк бер төстә. Башлык та Кар кызына бик килешә. Балалар, Кар кызы аягына нәрсәләр кигән? (Итекләр). (Балаларны активлаштыру). Кар кызының итекләре нинди? (Матур, җиңел, мишуралар белән бизәлгән). (Балаларны активлаштыру). Мин сезгә сораулар бирәм, сез җавап бирегез. Бу кем? (Кар кызы, Кыш бабайның оныгы). Кар кызы өстенә...(күлмәк) кигән. Кар кызының күлмәге...(матур, бизәлгән, зәңгәрсу төстә). Бу Кар кызының... (башлыгы). Ул...(матур, бизәлгән, килешә, зәңгәрсу төстә). Кар кызы аягына... (итекләр) кигән. Алар...(матур, җиңел, мишуралар белән бизәлгән). Балалар, Кар кызы үзе белән Кар бөртеген дә алып килгән. Менә ул. (Икенче курчакны күрсәтә). Исәнләшик Кар бөртеге белән. (Исәнмесез!). Кар бөртегенең дә киемен карыйк әле. Кар кызы һәм Кар бөртеге бер төрле киенгәннәрме әллә башкачамы? (Балаларның җаваплары).

Бу нәрсә? (Тәрбияче Кар бөртеге курчакның күлмәгенә күрсәтә). (Күлмәк). (Активлаштыру). Күлмәк нинди төстә? (Балаларның җаваплары). Күлмәк нәрсә белән бизәлгән? (Мишуралар белән бизәлгән). (Балаларны активлаштыру). Кар бөртегенең күлмәге сезгә ошыймы? (Балаларны активлаштыру). Әйе, Кар бөртегенең күлмәге бик матур, үзенә килешеп тора. Кар бөртеге башына нәрсә кигән? (Бер нәрсә дә кимәгән. Ул башын мишура белән бизәгән). (Балаларның җаваплары). Балалар, Кар бөртеге аягына нәрсәләр кигән? (Ак носкилар, ак туфлиләр). (Активлаштыру). Кар бөртегенең туфлиләре нинди? (Матур, җиңел). (Балаларны активлаштыру). Хәзер без барыбыз да кар бөртекләре булырбыз. (Тәрбияче аудиоязманы куя). Кар бөртекләре һавада әйләнәләр - әйләнәләр дә җиргә төшәләр. (Берничә тапкыр кабатлана).

Балалар, әйдәгез Кар кызы белән Кар бөртегенә өй төзибез. Урыннарыгызга утырыгыз.

Өстәлләрдә төзү материаллары: кубиклар, пластиналар, кирпичиклар, борыслар (брусоклар). (Балалар курчаклар өчен йорт төзиләр. Төзү материалының атамасын, төсен, формасын, зурлыгын, билгеләнешен атыйлар.