Қажетті құралдар мен материалдар:

педагог үшін: құмырадағы гүл, дайын жұмыстың үлгісі, түрлі түсті қағаздар, қарындаш, қайшы, желім, қолорамал.

балалар үшін: жұмыс дәптері, түрлі түсті қағаздар, қайшы, желім, қарындаш, қолорамал.

Іс-әрекет түрлері	Тәрбиешінің іс-әрекеті	Оқушылардың іс-әрекеті
Ынталандыру	Шаттық шеңбері Жарқырап күн де ашылады, Айналаға нұр шашылады, Қайырлы күн! Біз көңілді баламыз! Қайырлы күн! Біз сүйкімді баламыз!	Балалар бірге айтады
Ұйымдастыру	Балалармен Қазақстанда өсетін гүлдер туралы әңгімелесу. Гүлдер туралы өлең, тақпақтар айтқызу. Гүлдің әдемілік үшін өсірілетіні, далада, бөлмеде өсірілетін гүлдер туралы әңгімелеу. Бөлме гүлдерін қалай күту керек, оны кімдерге сыйлайтыны жайында балалардың әңгімесін тыңдау. Педагог құмырадағы гүлді көрсетіп, балалардан оған сипаттама берулерін сұрайды. Педагог көлемді гүлдерді жасау тәсілімен таныстырады. Қжым болып жұмыс істеудегі әр топтың міндетімен таныстырады. Соңында әр топтың жасаған гүлдерін, жапырақтарын біріктіріп, композиция құрастыратындықтарын ескертеді. Сергіту сәті: Бір саусағым тіпті де, Ұстай алмас жіпті де. Екі саусақ бірікті, Ине қолға ілікті. Үш саусағым орайды, Жүгіртеді қаламды. Өнерлі екен он саусақ, Қала салсақ, жол салсақ. Педагог жұмыстың жасалу жолдарын ретімен көрсете отырып, жапсыру жұмысының орындалуын түсіндіреді. түрлі түсті қағаздан тіктөртбұрыштар қиып, дайындап алу; жапырақтар мен гүл күлтелеріне арналған дайындамаларды қабаттап бүктеу; қарындашпен жапырақтар мен гүл күлтелерінің суреттерін салу; бөлшектерді белгі бойымен қию; гүлдің ортасын қиып алып, тілектер жасау. Тілектерді ұқыппен шашақтау; гүл күлтелері мен жапырақтарының ұшын қарындаштың көмегімен сәл иіп көтеру; негізгі қағаз бетіне бөлшектерді үйлестіріп орналастыру; барлық бөлшектерді ретімен жапсыру. Балалар дәптердегі жұмыстың орындалу ретін басшылыққа ала отырып, жапсыру жұмысын орындайды. Педагог тапсырмалардың дұрыс орындалуын қадағалап, бақылайды.	Балалардың жауабын тыңдау Балалар қимыл іс-әрекетпен орындайды Жұмыстың орындалу ретімен танысады. Балалардың өз бетінше жұмыстары
Қорытындылау	Балалардың аппликациялық жұмысының орындалу сапасы тексеріледі. Дайын болған жұмысты бөлме қабырғасына іліп қоюға немесе сыйлауға болады.

Бөлімі: Шығармашылық

Білім беру саласы: Жапсыру

Сабақтың тақырыбы: Достық пойызы

Сабақтың мақсаты: ұжымдық, қорытынды жұмыс – панно құрастыру; жыл бойы меңгерген іскерлік дағдыларын бекіту; балаларды сызық бойымен түзу қиюға, үлгілермен жұмыс жасай білуге үйрету; шығармашылық қабілеттерін дамыту.