Қажетті құралдар мен материалдар:

педагог үшін: әртүрлі жаңажылдық ашықхат үлгілері, түрлі түсті қағаздар, қатырмақағаз, қайшы, желім, қолорамал.

балалар үшін: қатырмақағаз, түрлі түсті қағаздар, қайшы, желім, қолорамал.

Іс-әрекет түрлері	Тәрбиешінің іс-әрекеті	Оқушылардың іс-әрекеті
Ынталандыру	Шаттық шеңбері Жарқырап күн де ашылады, Айналаға нұр шашылады, Қайырлы күн! Біз көңілді баламыз! Қайырлы күн! Біз сүйкімді баламыз!	Балалар бірге айтады
Ұйымдастыру	Педагог балалардан алдымызда қандай мереке келе жатқанын сұрап, оған балалардың қандай дайындық жасап жатқанын сұрайды. Жаңа жыл мерекесінің басқа мерекелерден айырмашылығын сұрап, балалардың өздерінің Жаңа жылда қандай сыйлық алғылары келетінін білу. Мерекелерде адамдар бір біріне құрмет көрсетіп сыйлықтар сыйлайды. Сыйлықтың ең жақсысы өз қолыңнан бұйым жасап, жақыныңа мерекеде сыйға тартып, қуанту. Педагог балаларға достарына, туыстарына мерекеде сыйға тартатын ашықхат дайындауды сұынады. Ашықхаттың сыртқы бетіне қағаз түсі таңдалады. Балаларға үлгі ретінде ашықхаттың жасалу жолын көрсетіп, жапсыру жұмысын тиянақты, мағыналы орындау керектігін түсіндіреді. Безендіру кезінде фольга, гель құйылған қаламдарды пайдалануға болатынын айтады. Сергіту сәті: Бір саусағым тіпті де, Ұстай алмас жіпті де. Екі саусақ бірікті, Ине қолға ілікті. Үш саусағым орайды, Жүгіртеді қаламды. Өнерлі екен он саусақ, Қала салсақ, жол салсақ. Балалар жұмыс дәптеріндегі жұмысты орындау тәсілдеріне сүйене отырып, тапсырманы орындайды. Түрлі түсті қағаздан ашықхаттың негізі үшін тіктөртбұрыш қиып аламыз. Түрлі түсті қағаздан тіктөртбұрыш пішінді дайындамалар қиып аламыз. Шырша ойыншықтарын жасау үшін қажетті дайындамаларды бүктейміз. Оларға жай қарындашпен суретін сызып аламыз. Бөлшектерді сызық бойымен қиып аламыз. Негізгі бетке жапсыру бөлшектерін реттеп орналастырып аламыз. Жапсырудың барлық бөлшектерін негізгі бетке ретімен жапсыру. Педагог тапсырмалардың дұрыс орындалуын қадағалап, бақылайды.	Балалардың жауабын тыңдау Балалар қимыл іс-әрекетпен орындайды Жұмыстың орындалу ретімен танысады. Балалардың өз бетінше жұмыстары
Қорытындылау	Дайын болған ашықхаттардан көрме ұйымдастырып, балалармен бірге жұмыстарды талдау. Балалардан ашықхатты кім үшін дайындағанын, оны кімге сыйлайтынын сұрап, әңгімеге тарту.

Бөлімі: Шығармашылық

Білім беру саласы: Сурет

Сабақтың тақырыбы: Аққала жасайық

Сабақтың мақсаты: Адамдардың қозғалыс кезіндегі бейнелерін бере білуге және кейіпкерлердің өзара байланысын айнытпай салуға қол жеткізу; ұжымдық композиция құрастыруға үйрету; суреттің мазмұнын, өздеріне тән ерекшеліктерін әсерлік сезіммен қабылдай алуға тәрбиелеу; шығармашылық қабілеттерін дамыту.