3. Орта және шағын қалаларда технопарктер санының ұлғаюы

Орал, Степногорск, Курчатов, Приозерск және Байқоңыр сияқты қалаларды жедел дамыту және қолдағы бар ҒЗИ ЖОО-лар мен кәсіпорындар базасында технологиялық парктер құру жолымен, республиканың халық шаруашылығы салаларында инновациялық технологияларды енгізу және таралымын көбейту үшін елеулі әлеуеті бар.

Осымен байланысты, Қазақстан экономикасына ғылыми-техникалық әзірлемелерді енгізудің тиімді тетігі ретінде, аталған қалаларда «Прогресс» биотехнологиялар технопаркі, ғарыштық мониторинг технопаркі, ядролық технологияларпаркі, ЖШС «Технопарк «Алгоритм» сияқты бірқатар өңірлік технологиялық парктер құру туралы шешім қабылданған болатын.

4. Мамандандырылған технопарктер үлесін ұлғайту

Технопарктер үлкен дәрежеде мамандануға ұмтылады және «әмбебап» парктердің, яғни әртүрлі салалық және технологиялық бағыттағы компаниялары бар парктердің үлесі азаяды. Мамандандырылған технопарктер белгілі бір салаға немесе бірнеше салаларға бағытталады. Мысалы, астықты өңдеу және дәрілік препараттар өндіру, «Прогресс» биотехнологиялар технопаркінің негізгі мамандануы болып саналады; «Тоқымақ» ядролық технологиялар технопаркі («Қазақстан Республикасы Ұлттық ядролық орталығы» Республикалық мемлекеттік кәсіпорны) (ары қарай – ҚР ҰЯО РМК) ядролық технологиялар, физика, химия салаларындағы қолданбалы зерттеулерге маманданады; Ақпараттық технологиялар паркінің (АТП) (Алатау кенті) негізгі мамандануы – ақпараттық технологиылардың ішкі салалары үшін жабдықтар өндіру және т.б.

5. Технопарктер жанындағы бизнес-инкубаторлар санының ұлғаюы

Қазақстанда қазіргі уақытта 40-тан аса бизнес-инкубаторлар жұмыс жасайды. 2008 жылға дейінгі кезеңде, технологиялық парктер мен технопарктер жанындағы 8 оқу орталықтары құрамында Қазақстанның әртүрлі өңірлерінде кем дегенде 12 мамандандырылған технологиялық бизнес-инкубаторлар құру болжануда. Технопарктер жанынан бизнес-инкубаторлар құру, қазақстандық әзірлеушілер ұсынатын бүкіл инновациялық бастамаларды (жыл сайын 300-ден аса жобаларды құрайтын) бірте-бірте қамтуға әкеледі деген болжамдар жасалуда.

Қазақстанның бизнес-инкубаторлары, нарықта өзінің қызметін дамытушы фирмаларға, ұйымдарға, қауымдастықтарға қолдау көрсету үшін теңдей қаржыландыру негізінде жан-жақты көмек көрсетуді ұсынады.

Инкубаторлардың бүкіл қызметі, бизнес-жобаларды дамыту үшін шағын кәсіпкерлікке қажетті жедел қолдау көрсете алатын, ықпалдасқан (интеграцияланған) және тұрақты құрылымдарды дамытуға бағытталған. Бүгінгі күні Қазақстанда, ҚР статистика жөніндегі Агенттіктің мәліметтері бойынша, 145 мың шағын бизнес кәсіпорындары (заңды тұлғалар) мен 16 мыңнан асатын жеке кәсіпкерлер тіркелген, сондықтан да бизнес-инкубаторлар құру шағын бизнес объектілерінің қалыптасуында технопарктің және өңірдің экономикалық ортасының толыққанды элементтерінің негізі болады.

Тұтастай алғанда, Қазақстанның технопарктерін дамытудың көрсетілген үрдістері әлемдік инновациялық инфрақұылымдар жүйесін дамыту үрдістеріне ұқсас, бұл мемлекеттің инновациялық саясатын дамыту жолын таңдаудың дұрыс болғандығын растайды.

Осылайша, Қазақстанда, технологиялық парктер сияқты инновациялық құрылымдарды енгізу, жеткілікті түрде белсенді жүруде. Жұмыс істейтін технопарктер жүйесі инновациялар нарығын қалыптастырумен, сол сияқты инвестициялық жобаларды жүзеге асыру үшін жағдайлар жасау, авторлық құқықтарды қорғаумен айналысады. Технопарктердің алдағы уақыттағы қызметінің табысты болуы Қазақстанға қолдағы бар ғылыми-техникалық әлеуетті, қаржы және еңбек ресурстарын неғұрлым тиімді пайдалануға мүмкіндік береді. Бірмезгілде, бұл, әлеуметтік-экономикалық проблемаларды, атап айтқанда жұмыспен қамту және кедейшілікпен күрес проблемаларын шешуге, сондай-ақ тұтастай түрде мемлекеттің экономикалық өсуінің тұрақты қарқынына жетуге оң ықпал ететін болады.