Ішек құрттарының жұмыртқаларына нәжісті жинау

Қажетті құралдар:жолдама қағаз, дәрет ыдысы, резеңке қолғап, нәжісті жинауға арналған арнайы күрекшесі бар ыдыс

Іс - әрекеті:

• арнайы ыдысқа жолдаманы жабыстырады;

• қолды жуып, кептіріп, қолғап киеді;

• таза дәрет ыдысына таңертеңгі дәретке отырғызады;

• нәжісті көзбен қарап тексереді;

• күрекшемен нәжісті 3 жерден (5 – 30 гр.) алып, шыны ыдысқа салады;

• резеңке қолғапты сыртынан жуып, антисептикалық ерітіндімен

сүртіп алып шешеді

• қолды жуып, кептіреді

• 1 сағат ішінде зертханаға жеткізеді.

Энтеробиозға жағынды алу

1 - әдіс

Қажетті құралдар:2 – заттық шыны, 50 % глицерин ерітіндісі, тамызғыш;

күрек тәріздес ұшталған шырпы, жолдама қағазы, резеңке қолғап;

крафт қағазы, резеңке сақина, стеклограф.

Іс - әрекеті:

• қажет құралдарды дайындайды;

• стеклографпен заттық шыныны жолдама реті бойынша нөмірлейді;

• заттық шыныға тамызғышпен глицерин тамызады;

• қолды жуып, кептіріп, қолғап киеді;

• баланы сол жақ қырына жатқызып, оң жақ аяғын тізесіне бүгіп, көтереді;

• сол қолдың саусақтарымен баланың құйрығын ашып тұрады;

• шырпының ұшталған жағын заттық шыныдағы

глицеринге батырып алып, тік ішектің төменгі

жағы мен анус қыртыстарынан жағынды алады;

• заттық шыныдағы глицеринге шырпыны салады;

• заттық шынының үстіне екінші заттық шыныны қойып,

резеңке сақинамен біріктіреді, крафт-қағазбен орайды;

• қолды резеңке қолғаптың сыртынан жуып,

антисептикалық ерітіндімен сүртіп алып шешеді;

• қолды жуып, кептіреді;

• дереу жолдамамен бірге зертханаға жеткізеді.

Энтеробиозға жағынды алу

2 - әдіс

Қажетті құралдар:

мөлдір жабысқақ жолақ, ағаш қалақша, шпатель, заттық шынылар, стеклограф,

қайшы, резеңке қолғап, жолдама қағаз

Іс - әрекеті:

• қажет құралдарды дайындайды;

• стеклографпен заттық шыныны жолдама реті бойынша нөмірлейді

• заттық шыны қөлеміндей немесе одан сәл кіші жабысқақ жолақтан кесіп алады

• баланы сол жақ қырына жатқызып, оң жақ аяғын тізесіне бүгіп, көтереді;

• сол қолдың саусақтарымен баланың құйрығын ашып тұрады;

• анус маңына жабысқақ жолақты жабыстырып, сыртынан қалақшамен немесе

шпательмен басып, бірнеше рет жолақ бойымен жүргізіп өтеді

• жабысқақ жолақты заттық шыныға көшіреді

• заттық шыныны лотокка салады

• резеңке қолғапты сыртынан жуып, антисептикалық ерітіндімен

сүртіп алып шешеді

• қолды жуып, кептіреді

• жолдама қағазбен бірге лотоктағы заттық шыныны зертханаға жібереді

Ауыз арқылы регидратация жүргізу Мақсаты:

эксикозды жою және оның өрістеуіне жол бермеу;

Қажетті құралдар:

АРС (ауыз арқылы берілетін регидратациялық сұйықтық)

ұнтақтары (регидрон, глюкосолан, цитроглюкосолан), 1 л бөлме температурасындағы қайнаған су, өлшеу белгілері бар стакан, кесе мен қасық, жоғалтқан сұйықты белгілеу үшін қағаз, қалам;

Қажетті шарты:

• ауыз арқылы регидратация эксикоздың (құрғау) 1-2 дәрежесінде 2 кезеңде жүргізіледі:

1 кезең – алғашқы регидратация, баланың жоғалтқан

сұйығының орнын толтыру;

2 кезең – қолдаушы регидратация, мақсаты эксикоздың

қайта дамуын болдырмау;

• АРС еріткеннен кейін қайнатпайды, бір сөткеден артық сақтауға болмайды;

• Алғашқы регидратация жүргізу үшін қажет ерітінді мөлшерін есептеп алады;

• АРС ұнтағын 1 л қайнаған суға ерітеді;

• дайын ерітіндіден өлшеу белгілері бар стаканмен қажет сұйықты алады;

• анасына береді;

• эксикоз дәрежесіне байланысты шәй қасықпен 4 - 6 сағат ішкізеді;

• 4 немесе 6 сағаттан кейін баладағы эксикоз белгілерін тексереді;

3 түрлі жағдай болуы мүмкін:

а) эксикоз өрістеген – ерітіндіні көк тамырға жіберуге көшу;

б) эксикоз азайған – бірақ әлі сақталған – алғашқы кезеңді қайталау;

в) эксикоз жоқ – қолдаушы регидратацияға көшу;

• қолдаушы регидратация іш өту мен құсу басылғанша жүргізіледі.