Сабақтың тақырыбы: Растрлық графика. Растрлық графиканы өңдеу бойынша программа интерфейсі. Мақсаты:

1. Компьютерлік графиканың қолданылу салалары туралы білімдерін қалыптастыру, программа интерфейсімен таныстыру. 2. Жеке жұмыс жасауға, жауапкершілікті сезіне білуге, нәтижеге жетуге ұмтылуға, өзінше ізденімпаздыққа тәрбиелеу. 3. Оқушылардың есте сақтау және зейіндік қабілеттерін дамыту, пәнге деген қызығушылығын арттыру. Әдістері: Практикум, баяндау арқылы түсіндіру. Көрнекіліктер: Компьютер, оқулық,, практикум, тақта. Міндеттері:

1. Логикалық ойлау қабілетін дамыта отырып, білім білік дағдыларын қалыптастыру. 2. Оқушының өз бетімен жұмыс істеуі, шығармашылық қабілетін дамыту. Сабақтың барысы І. Ұйымдастыру кезеңі А) Оқушыларды сабаққа дайындау, түгендеу Ә) Ұқыпты, ынталы болуға үйрету ІІ. Үй тапсырмасын тексеру ІІІ. Жаңа сабақ РАСТРЛЫҚ БЕЙНЕЛЕР (НЕМЕСЕ БИТ КАРТА - BITMAP) ДЕГЕНІМІЗ – ТҮРЛІ ТҮСТІ НҮКТЕЛЕРДІҢ(ПИКСЕЛЬДЕРДІҢ) ЖИЫНТЫҒЫ. Растрлық бейнелердің айтарлықтай кемшілігі бар, айталық, ол шығару құрылғысының, мысалы, дисплейдің шешуші қабілетін өзгерткенде, бұрмаланып кетеді. Үлкен өлшемді растрлық бейнелер (фотосуреттер, т. б.) құжаттар мен презентацияларда фон ретінде, сонымен бірге иллюстрация түрінде пайдаланады. Оларды дайындауда бастапқы материал болып сканерден алынған немесе кітапханадан компакт - дискімен келген бейнелер қызмет етеді. Фотосуреттерде де растрлық кескін сияқты сақталады. Егер машиналарыңа сканер қосылған болса, онда кез келген фотосуретті сканерлеп алып, оларды дискіде растрлық кескін түрінде мақтауға болады. Сканер суретті «суретке түсіреді»де, оны «цифрланған»нүктелер жиыны түрінде көрсетеді. Осыдан кейін растрлық кескінге түрлендірілген фотосуретті Word құжатына кірістіреміз. Ақ - қара фотосуреттер, әдетте түрлі түсті суреттерге қарағанда, сапасын жақсы сақтап сканерленеді. Растрлық кескіндеудің артықшылықтары да, кемшіліктері де бар. Артықшылығы: растрлық кескінді түзетуге, әдемілей түсуіне, яғни оның кез келген бөлігін өзгертуге болады; нүктелерді, қажет болмаған жағдайда ішінара алып тастауға немесе басқа кез келген түске өзгертуге болады. Кемшілігі: растрлық кескін өлшемінің масштабын әдісімен(бір немесе бірнеше бағытта созу немесе сығу) өзгерткенде, кескіннің сапасын жоғалтатыны. Мысалы, кескінді үлкейткенде, оның көрінісі дөрекіленіп кетсе, ал кішірейткенде - кескін сапасы өте нашарлап кетеді (нүктелерді жоғалтқандықтан) Растрлық кескіндердің тағы бір кемшілігі - файлдар өлшемдерінің өте үлкендігінде (түстері неғұрлым көп және сапасы жоғары болған сайын, соғұрлым үлкен болады.) Компьютерлік графика растрлық және векторлық болып қана қоймай фракталдық болып та бөлінеді Фракталдық графика векторлық графика сияқты математикалық есептеулерге негізделген. Компьютерлік графиканың қолданылу салалары. Қазіргі кезде компьютерлік графикасыз жұмыс істеу өте қиын. Ол тек мультфильм, компьютерлік ойын, көркем иллюстрация жасайтын мамандардың ғана емес, көптеген адамдардың іскерлік, ғылыми және инженерлік қызметінің ажырамас бөлігі. Әрбір сала үшін графикалық редакторлар деп аталатын программалық қамтамасыз етулері жасалады. Графикалық редакторлардың түрлері мен оларды қолдану туралы жоғарыда айтылды. Компьютерлік графиканың кейбір бағыттарын қарастырайық. Ғылыми графика - бұл ең бірінші пайда болған бағыт. Оның міндеті - объектілерді көрнекі бейнелеу. Ғылыми және инженерлік қызметте ғылыми графика. Ғылыми зерттеулер мен сынаулар жүргізгенде, есептеу нәтижесін графиктік өңдеу үшін есептеу, эксперимент жүргізгенде және олардың нәтижесін көрнекі көрсету үшін қолданылады. Медициналық қызметте ғылыми графика кардиограмма, рентгенограмма және т. с. с түрінде қолданылады. Білім беруде - мультимедиалық программалық құралдарда. Іскерлік графика - компьютерлік графиканың бұл саласы әртүрлі мекемелер жұмысында жиі қолданылатын иллюстрация жасауға арналған. Жоспар көрсеткішін есеп беру құжаттарын, статистикалық мәліметтерді - міне, осы объектілер үшін іскерлік графиканың көмегімен иллюстрациялық материалдар (көбінесе бұл график, диаграмма ) жасалады. Көркемдік және жарнамалық графика. Графикалық кескін жасау және редакциялау үшін, мысалы, баспа өнімдерін, жарнама безендіру, фотосуреттерді бояу және өңдеу, мультфильмдер, бейнесабақтар, компьютерлік ойындар жасау үшін қолданылады. Архитектурада сызба дайындау процесін автоматтандыруға және ғимараттарды қабаты бойынша жобалауға мүмкіндік береді. Компьютерлік графика түрлерінің бірі Мультимедиа болып табылады, ол дыбысты, музыканы, мәтінді, бейне мен анимацияны(қозғалатын объектілер) қарастырып үйлестіреді. Соңғы кездерде мультимедиа жүйесі кең таралып келеді. ІҮ. Сабақты бекіту: Бекіту тапсырмалары. ҮІ. Бағалау: Оқушыларды біліміне сай бағалау. Ү. Үйге тапсырма: Түстер. Салу құралдары

Тақырыбы: Растрлық графика.

Сабақтың мақсаты: Компьютерлік графикаға толық мәлімет беріп, оның түрлеріне мысалдар келтіре отырып, түсінік беру. Сабақтың типі жаңа сабақты игерту. Сабақтың түрі аралас сабақ. Сабақтың әдісі түсіндірмелі - репродуктивтік, сұрақ - жауап, компьютерлік технологияның элементтері, тест тапсырмасы. Сабақтың көрнекілігі: карточкалар, презентациялар, тест, ТСО (компьютер, мультиэпипроектор). Сабақтың барысы І. Ұйымдастыру кезеңі Оқушылармен сәлемдесіп, сабаққа дайындығын тексеру, жоқ оқушыларды белгілеу. ІІ. Үй тапсырмасын тексеру. Сұрақ - жауап арқылы: 1. Компьютерлік вирус дегеніміз не? 2. Компьютерлік вирустардың негізгі түрлерін атаңыздар. 3. Вирусқа қарсы программаларды атаңыз. 4. Файлды сығу, яғни буып - түю үшін қандай программалар қарастырылған? Аттарын атап, сипаттама беріңіздер. ІІІ. Үй тапсырмасын қорытындылау. Тест тапсырмасы арқылы. 1. Компьютерлік вирус дегеніміз не? А. Өздігінен көбеюге қабілетті арнайы программа; В. Резервтік кодалары бар файл; С. Файлдарды форматтауға арналған бағдарлама. 2. Мекендеу ортасына қарай вирустар: А. Жүйелік, таңбашалық, даталық болып бөлінеді; В. Файлдық, жүктейтін, макровирустар болып бөлінеді; С. Сервистік, домендік, желілік болып бөлінеді. 3. Вирусқа қарсы программалар: А. Сервистар, полифагтар, ревизорлар; В. Детекторлар, Логиндар, Ревизорлар; С. Детекторлар, Ревизорлар, Полифагтар. 4. Ревизор программа ADif - ті ұсынған кім? А. Д. Мостов; В. Е. Касперский; C. И. Данилов. 5. Файлды архивке жазу процесі қалай аталады? А. Контактілеу; В. Сервистеу; С. Архивтеу. IV. Жаңа тақырыпты түсіндіру, баяндау. Компьютер көмегімен құрылған кескіндер компьютерлік графика деп аталады. Компьютерлік графика түс ерекшелігіне қарай: ақ - қара, түрлі түсті; қолдану бағытына қарай: инженерлік графика, ғылыми графика, Web - графика; Көркемдік графика құрылу әдістеріне қарай: Екі өлшемді графика: - растрлық; - векторлық;- фракталдық. Үш өлшемді графика болып бөлінеді. Растрлық графика дәл мозайка сияқты. Тек шыны немесе пластмасса кесектерінің орнына пиксель алынады. Пиксель – монитор экранындағы кескіннің минимал элементі, әлбетте ол квадрат пішінді. Растрлық кескінді үлкейткенде әрбір нүктенің өлшемі үлкейіп, сатылы эффект пайда болады, оны оптикалық құралсыз көзбен де көруге болады. Растрлық бейнені кодтау 0 және 1 сандарымен орындалады. Векторлық кескін – бұл: - нүктелер; - сызықтар; - шеңберлер; - төртбұрыштар және басқа геометриялық примитивтерді пайдаланып, компьютерлік графикада кескінді өрнектеу. Пиксель, растрлық кескіннің базалық (негізгі) элементі болып табылса, ал векторлық кескінде – сызық болып табылады. Векторлық кескіндеудің негізгі құндылығы сапаны жоғалтпай шексіз үлкейтуге болатынында! Фракталды кескіндер - қазіргі таңда қарқындап дамып келе жатқан кескіндердің бірі болып табылады. Фрактал, фракталды геометрия және фракталды графика түсінігі, 70 - шы жылдардың аяғынан бастап, бүгінге дейінгі математика ғылымы мен компьютерлік суретшілердің кең қолданысына ие. Фрактал сөзі латынның «fractus» «фрагменттерден тұратын» деген мағынаны береді. Мағынаны «фракталды кескін» деп айтуды математика саласының әйгілі ғалымы Бенуа Мандель - Брот 1975 жылы ұсынған. Фракталдық кескін математикалық есептеулерге негізделген. Негізгі элементі математикалық формула болып табылады. Компьютерлік графикада фракталды кескіндер табиғи құбылыстарды, мысалы бұлттар, қарлар, жағалаулар және т. с. с. күрделі кескіндерді салу үшін пайдаланылады. Фракталды графикамен жұмыс жасау үшін келесідей программалар қарастырылған: Fracplanet 4. 0, Art Dabbler, Ultra Fractal, Fractal Explorer, ChaosPro Apophysis, Mystica V. Жаңа сабақты пысықтау Практикалық жұмыс (тапсырмалар арқылы компьютерде орындау). VI. Қорытындылау Венн диаграммасы арқылы. VII. Бағалау. VIII. Үй тапсырмасын беру.

Сабақтың тақырыбы: Power Point 2000 да слайд - фильмдер жасау. Cабақтың мақсаты Білімділік: Power Point 2000 бағдарламасында слайдтар құрып үйрену, Power Point 2000 мүмкіндіктерін пайдалану. Тәрбиелік: Оқушылардың ойлау қабілеттерін дамытып, пәнге деген қызығушылығын арттыру. Дамытушылық: Power Point 2000 бағдарламасы жайында, презентация жасау жолдарын, безендіру жайлы білімдерін қалыптастыру. Сабақтың көрнекілігі: ДК, ж/дәптері, слайдтар, тапсырмалар. Сабақтың түрі: Практикалық элементтері бар, түсіндірмелі көрнекілікті сабақ. Сабақтың жүрісі: І. Ұйымдастыру: Сәлемдесу, түгендеу. ІІ. Үй тапсырмасын тексеру: А) «Ойланайық» - Қайталау сұрақтары: 1. Пернетақтадан «Слайдтарды көрсету» командасын орындау үшін қандай функционалды пернені басамыз? 2. Power Point 2000 программасында презентация құрудың қандай тәсілдері бар? 3. Презентация деген не? 4. Слайд деп нені айтамыз? 5. Power Point 2000 бағдарламасын қалай іске қосамыз? 6. Мастер автосодержанияның мүмкіндігі қандай? 7. Бос презентация деген не? 8. Power Point 2000 менюі қандай менюлерден тұрады? 9. Презентацияны баспаға беру командасы қандай? Ә) «Өзіңді тексер» - Шығармашылық жұмыс: Оқушыларға компьютерде MS Word құжатында сақталған «Жаңа Қазақстан» тақырыбындағы құжаттағы суреттерден презентация жасау тапсырылады. ІІІ. «Біліп ал» - Жаңа сабақты игеру. Оқушылар біз алдыңғы сабақта слайд дегеннің, презентация дегеннің не екенін, презентация жасаудың жолдарымен, оны сақтаумен, баспаға беру жолдарымен танысқан болатынбыз. Power Point 2000 бағдарламасының мүмкіндіктері өте көп. Слайдқа объектілер енгізіп, оларды ерекшелеп, содан кейін оның өлшемдерін, орналасуын, түсін, шекарасын және т. б. өзгертулерді қарастырдық. Бүгін оған қоса слайдтарға анимация қоюды қарастырамыз. Ол үшін, объектіні тышқанмен белгіліп, Показ слайдов – Настройка анимации командасын орындаймыз. Сол кезде терезенің оң жақ жоғарғы шетінде «Эффекты анимации» деген өріс пайда болады. Сол өрісте шертсек объектінің слайдқа кіруіне және слайдтан шығуына анимациялар қоюына мүмкіндіктер пайда болады. Бұл бағдарламада анимация түрлері өте көп. Объектілерге анимацияны қойғанда арнайы әсерлер аудиторияның назарын аударатындай тартымды, әдемі болғаны жөн. Cлайдқа сол сияқты музыка немесе дыбыс қосуға болады. Ол үшін, слайдты ашып, Вставка – Фильмы и звук командасын орындау керек. Және де слайдқа автофигураларды, Word Art объектісін кірістіруге болады. Ол үшін, Вставка – Рисунок – Автофигуры және Вставка - Рисунок - Объект Word Art командасын орындаймыз. Объектілердің слайдта пайда болу ретін басқару үшін мына әрекеттерді орындаймыз: 1. Анимацияның Показ слайдов – Настройка командасын орындау. 2. Тізімнен объектті таңдап, оның реті мен пайда болу уақытын, түрін өзгертіп, дыбыстық сүйемелдеуін және т. б. таңдау. 3. Осыны әр объект үшін кезек бойынша қайталау. Анимация әсерлерін бергенде тиісті инструменттер панелін пайдалануға болады. Слайдтар алмасуын және көрсету кезінде пайда болған арнайы әсерлерді таңдау: Показ слайдов – Смена слайдов командасының көмегімен орындалады. Power Point бағдарламасы слайдтар көрсетуін тоқтатуға немесе жалғастыруға мүмкіндік береді. Ол үшін слайдтарды көрсету кезінде тышқанның оң жақ батырмасын шертіп, Экран - Пауза немесе Завершить показ слайдов командасын таңдау керек. Слайдтар көрсетуді жүргізу кезінде келесі басқару құралдары қолданылуы мүмкін: 1. Келесі слайдқа өту - тышқанмен шерту, «Page Down»,» «Enter» батырмалары, 2. Алдыңғы слайдқа оралу – «P, Page Up» пернесін басу. 3. Белгілі слайдқа өту – слайд нөмерлерін теріп, «Enter» пернесін басу. 4. Қара экранды жасау, орындатпау - «В» пернесін басу. Слайдтарды көрсету түрінде демонстрация жасау үшін мына әрекеттерді орындау керек: 1. Презентацияны ашу. 2. Файл – Сохранить как командасын орындап, Тип файла тізімінде Демонстрация Power Point командасын таңдау. Көрсету түрінде сақталған файлдың - pps кеңейтілуі бар. Оны жұмыс орнынан ашқанда слайдтар көрсетілуі автоматты түрде жүктеледі, ал ол сақталысымен Power Point жабылып, жұмыс орын қалпына келеді. Егер слайдтар көрсетілуі Power Point бойынша іске қосылатын болса, ол аяқталғанда презентация ашық және оны редакциялауға болады. «Орындайық» Жаңа сабақты бекіту тапсырмалары: А) «Табиғат және адам сұлулығы» тақырыбындағы презентациядан бірнеше слайд көшірмесін алып, жаңа слайд - фильмдер жасау. Ә) MS Word құжатында сақталған «Лондон олимпиадасының чемпиондары» тақырыбындағы құжаттан суреттер алып, сол тақырыпты қойып, жаңа слайд - фильмдер жасау. 1. Суретті слайдқа кірістіру, анимация қою. 2. Чемпион атын және спорт түрін көрсетіп Word Art объектісімен жазу, оның мүмкіндіктерін қолдану және анимация қою. Б) Жарнама жасау. Мысалы: Компьютер, шаңсорғыш, қысқа толқынды пештер, ұялы телефондар, интернет туралы. В) Бекіту сұрақтары. Сонымен, оқушылар бүгінгі сабағымыздағы жаңа тақырыпты меңгерген болсақ мына сұрақтарға жауап берелік: 1. Меню жолында қандай менюлер бар? 2. Бас менюдің мүмкіндіктері қандай? 3. Кірістіру менюімен не істеуге болады? 4. Анимация түрлерін қалай қоямыз? 5. Слайдты көрсету командасы қандай? V. Үйге тапсырма: Белгілі бір тақырыпты алып, жаңа презентация құру бағытында материалдар жинақтап келу. VI. Бағалау.

Сабақтың тақырыбы: Excel кестелік процессорында диаграммаларды құру.  Сабақтың мақсаты:  Оқушылардың Excel кестелік процессорында диаграмма құру, редакциялау және пішімдеу туралы білімдерін қалыптастыру.  Білімділік: Excel кестелік процессорында диаграмма құруды, редакциялауды және безендіруді қарастыру.  Дамытушылық: диаграмма құру, безендіру дағдыларын қалыптастыру.  Тәрбиелік: оқушылардың компьютерлік сауаттылықтарын арттыру.  Сабақтың түрі: дәстүрлі сабақ.  Сабақтың әдісі: практика элементтері бар түсіндірмелі баяндау сабағы.  Сабақтың типі: жаңа білімді меңгерту сабағы.  Жабдықтар: компьютер, мультимедиялық проектор, экран.  Әдістемелік және бағдарламалық қамсыздандыру: Microsoft Excel, Microsoft Power Point, «Excel-де диаграммаларды құру» презентациясы, практикалық тапсырма.  Пәнаралық байланыс: география.  Сабақтың жоспары:  1. Ұйымдастыру кезеңі  2. Үй тапсырмасын тексеру  3. Жаңа тақырыпты түсіндіру  4. Жаңа сабақты бекітуге практикалық тапсырма беру  5. Үйге тапсырма беру  6. Сабақты қорытындылау және оқушыларды бағалау  Сабақтың өтілу барысы  1. Ұйымдастыру кезеңі.  2. Үй тапсырмасын тексеруге арналған сұрақтар:  «Кестелік мәліметтерді сұрыптау және іздеу».  1) Excel мәліметтер базасында сұрыптау қалай жүргізіледі?  2) Мәліметтерге қандай сұрыптаулар жасауға болады?  3) Іздеу амалы қалай орындалады?  3. Жаңа тақырыпты түсіндіру  Excel кестелік процессорының маңызды мүмкіншіліктерінің бірі – диаграмма тұрғызу.  Берілген кестедегі көпірлердің ұзындығын салыстыру ыңғайлы болу үшін диаграмма құрамыз. Диаграмма сандық мәліметтердің өзгеруін айқындап көрсетуге мүмкіндік береді.  Excel-де 14 түрлі екі және үш өлшемді диаграмма түрлері бар:  Бағандық  Жолақты  Графиктік  Дөңгелек  Нүктелік  Аумақты  Сақиналы  Жапырақты  Беттік  Көпіршіген  Биржалық  Цилиндрлік  Конустық  Пирамидалық  Диаграмма құру үшін:  1. диаграмма тұрғызуға қажет мәліметтерді жұмыс парағында белгілеп (мәліметтерді Диаграмма шеберінің жұмыс барысында да енгізуге болады),  2. Кірістіру мәзіріндегі Диаграмма командасын таңдау немесе Стандартты құралдар үстелінде орналасқан Диаграммалар шебері батырмасын шерту қажет;  Excel-дің бұл функциясы төрт қадам арқылы диаграмма тұрғызады.  Шебердің 1-қадамында диаграмма түрі таңдалып алынады.  Стандартты қыстырмасындағы Тип тізімінде диаграмманың қолда бар түрлері көрсетілген. Таңдап алынған тип үшін терезенің оң жағында мәліметтердің көрсетілуінің түрлі нұсқалары бейнеленген. Соның ішінде өзімізге қолайлысын таңдауымыз қажет. Стандартты емес қыстырмасында пішімделген, толығымен қалыптасқан диаграмма түрлері бейнеленеді.  2-қадамда деректер көзінің ауқымын өзгертуге болады  Егер мәліметтер ауқымы алдын-ала берілген болса, Диаграмма шебері терезесінің жоғарғы бөлігінде орналасқан алдын-ала қарап шығу аймағында тұрғызылатын диаграмманың жуық бейнесі пайда болады.  Мәліметтер көрсетілмеген жағдайда Ауқым өрісінде көрсету қажет.  Жұмыстың 3-қадамында диаграмма параметрлерін баптауға болады.  Диаграмма шебері жұмысының үшінші сатысы диаграмманы безендіруден тұрады. Диаграмма шебері терезесінің қыстырмаларына төмендегі параметрлер енгізіледі:  • диаграмманың аты, осьтерінің атаулары (Тақырыптары (Заголовки) қыстырмасында);  • координаттық осьтердің кескінделуі мен белгіленуі (Осьтер қыстырмасында);  • координата осьтеріне параллель тор сызықтардың кескінделуі (Тор сызықтар (Линии сетки) қыстырмасында);  • тұрғызылған осьтердің сипаттамасы (Атаунама (Легенда) қыстырмасында);  • графиктегі мәліметтердің жеке элементтеріне сәйкес келетін атауларды бейнелеу (Мәліметтер қолтаңбасы (Подписи данных) қыстырмасында);  • графикті тұрғызуда пайдаланылған мәліметтерді кесте түрінде көрсету (Мәліметтер кестесі (Таблица данных) қыстырмасында).  4-қадамда диаграмманы орналастыру орны таңдалады.  Диаграмма шебері жұмысының соңғы сатысында диаграмманы жаңа параққа немесе бұрынғы жұмыс парақтарының біреуіне орналастыратынымыз жайлы сәйкес өрістердің біреуіне жауап беруіміз керек.  Диаграмманы редакциялау.  Дайын болған диаграмманы түзетуге болады. Ол келесідей элементтердің жиынтығынан тұрады: тақырып, координаттық осьтер, тор сызықтары, тұрғызу аймағы, маркерлері, сандық мәліметтері және т.б.  Диаграмма элементтері  Диаграмманың кез-келген элементін тышқанның көмегімен ерекшелеп алып, параметрлерін өзгертуге болады. Пішім командасының көмегімен ашылған терезеде диаграмманы пішімдеуге болады. Диаграмманы өшіру үшін Delete пернесін басамыз.  Диаграмма тұрғызылған мәліметтер жаңартылатын болса, диаграмма да автоматты түрде соған сәйкес өзгереді.  4. Бекіту тапсырмасы.  1) Үлгі бойынша кестені құр.  2) Кестенің мәліметтерін пайдаланып, диаграмма тұрғыз.  5. Сабақты бекітуге арналған сұрақтар:  1. Диаграмма деген не?  2. Диаграмманың қандай түрлері бар?  3. Диаграмма қандай элементтерден тұрады?  4. Аңыз деген не?  5. Диаграмма құру неше қадамнан тұрады?  5. Оқушылардың білімін бағалау.  6. Үйге тапсырма беру.

Сабақтың тақырыбы:       Кестемен жұмыс, формула енгізу. Диаграмма құру                    

Сабақтың мақсаты: Мәтіндік редакторда жұмыс істеу, кесте құруды

диаграммаларды қолдануды формулалар енгізу тәсіліндерін меңгерту, сабақ барысында  тұрмыста қолдануға дағдыландыру

Міндеттер:

• Студенттердің алған  білімдерін  іс жүзінде қолдануға дағдыландыру, логикалық ойлау  қабілеттерін топтастыру жұмыстары  арқылы дамыту,  компьютерлік  сауаттылықтарын арттыру.

• Ұқыптылыққа, іскерлікке тәрбиелеу,  болашақта қызметтерінде қажеттілігін жеткізу.

Сабақтың түрі: Тәжірибелік

Сабақтың әдісі: Баяндау, топтық жұмыс, зерделеу жұмысы

Көрнекі – құралдар: Компьютер, проектор, электронды оқулық

Пәнаралық байланыс:  Қазақ тілі, ағылшын тілі, математика пәні

САБАҚТЫҢ БАРЫСЫ

1. Ұйымдастыру кезеңі:

Студенттермен  амандасу, түгендеу, сабаққа даярлығын қадағалау.

Жұмыс түрі

1. Ойын : «Алтын қақпа» ойыны.

Мақсаты: Өткен тақырыптар бойынша білуге тиісті сұрақтар қарастырылады.

Шарты: Әр қақпада 5 сұрақтан беріледі. Экранда жабық ұяшықтар бойынша 15 сұрақ беріледі.

Берілген сұрақтарға толық жауап берген студенттер балдық жүйемен бағаланады.

«Тас қақпа» сұрақтары

1. MS Word Кестесінің соңғы ұяшығына қатар қосу үшін қолданылатын перне? Tab

2. Мәтінің оң, сол жақ шекарасын және азат жолды бірінші жол шегінісін көрсету үшін  қолданылатын құрал ?  Сызғыш

3. Word кұжатында кестені жою үшін не істеу керек? Кестені белгілеп, Backspace пернесін басу.

4. Word редакторында буферден деректерді ағымдағы құжатқа кірістіру пернелер комбинациясын атаңыз?   Shift+Ins

5. Word редакторында <Стильдер және пішімдеу> командасы орналасқан мәзір атауы? Пішім (Формат)

«Күміс қақпа»  сұрақтары

1. Word редакторында <Тізім> сұхбаттық терезесінде нені өзгертуге болмайды?            Тізім элементтерінің мазмұнын

2. Word редакторында деректерді буферге қиып алу пернелер комбинациясы? Shift+Del;

3. Word редакторында саймандар панелінің санын анықтайтын команданы атаңыз? Түр

4. Кестеде алфавит бойынша тізімді сорттау қалай іске асады?   Таблица – Сортировка

5. Word мәтіндік редакторінің қандай командаларының көмегімен құралдар тақтасына қажет пернелерді шығаруға болады? Сервис – Настройка - вкладка Команды

 «Алтын қақпа » сұрақтары     

1. Word  редакторында ерекшеленген мәтін фрагментін баспаға шығару жолы? Файл – Баспа – Ерекшеленген фрагмент

2. Word редакторында терілген мәтін қандай кеңейтілумен (типпен) жазылады? . DОС

3. Word Шрифт өлшемі қалай өзгереді? 1 – ден 1638 – ге дейін

4. Word, Excel, Access, PowerPoint бағдарламалары басты менюдің қандай категориясында орналасқан? Бағдарламалар (Все программы) .

5. Microsoft Word бағдарламасында формула редакторының атауы: Microsoft Equation

№ ІІ жұмыс. 

Студенттер үй тапсырмасын презентация арқылы 2 студент қорғайды. Өткен сабақты толық меңгергенін байқатады.

1. Студент : «Құжатты безендіру» түрі

2. Студент:  «Суретке әртүрлі объектілерді орналастыру және мәтін енгізу»

 

3. Жаңа сабақ: Студенттерге қойылатын мақсат:

Кесте, диаграмма құрып, формулалар енгізу  әдістерін меңгеру

Өткен сабақпен бүгінгі сабақтың байланысы: Біз өткен сабақта фигуралардан кесте құрып мәтін енгізсек, бүгінгі сабақта әр түрлі кесте құрып, кесте жолына формула енгізіп, диаграмма құру болып табылады.

Жоспар:

• Кесте құру жолы;

• Диаграмма түрлерімен жұмыс;

• Формулалар енгізу

 

Нығайту: 

Кесте – бағандар мен жолдарда реттелген информация. Кесте жолдар мен бағандардың қандай бір санынан тұрады.  Жолдар мен бағандар қиылысыпұяшық құрайды.

Word процессорында кестені екі түрлі әдіспен қоюға болады.

Бірінші: Таблица-Добавить таблицу командасы көмегімен

Екінші: аспаптар тақтасындағы Добавить таблицу батырмасын пайдаланып.

Бірінші жолмен кесте қою үшін Таблица-Добавить таблицу командасын орындаған соң экранға Вставка таблицы терезесі шығады. Число столбцовөрісінде баған санын, число строк өрісінде жол санын енгізіп, ОК батырмасын шертеді. Сонымен қатар оңай жолын таңдасақ төменгі командаларды орындаймыз.

• Вставка----- Таблица----- керектіні белгілеу;

• Вставка-------Вставить таблицу-----баған немесе жол -------ОК батырмасы;

• Вставка----Таблица------Нарисовать таблицу;

• Таблица Excel түрінде енгізуге болады

Диаграммалар деректерді графикалық түрде көрсетуге арналған. Диаграмманың бірнеше түрлері бар. Диаграмма элементтері: Тор, Тақырып, Аңыздан тұрады. Тақырып- диаграмманың жеке элементтерін түсіндіру үшін қолданылады. Аңыз- диаграммаларда берілген деректердің қатарын ажыратуға көмектеседі. Диаграмма қою үшін Вставка-Рисунок-Диаграмма командасын орындау керек. Алдымен берілгендер кестесін толтырсақ, соған сәйкес диаграмма пайда болады. Содан соң қосымша безендірулерді орындаймыз. Қосымша өзгертулер орында үшін диаграмма белгіленген соң Word-тың меню командалары  диаграммамен жұмыс жасауға арнайы өзгертіледі.