5 Сурет. Цотшл әдісі бойынша әйел шалбарының конструкциялық сызбасының тұрғызылу схемасы

Жұмысты дайындауға арналған сұрақтар:

1. Нақты пішінге бұйым жақсы отыру үшін қандай құрастыру тәсілі қолданылады?

2. Иық және бел бұйымдарының сызбаларына қандай өлшемдер керек?

3. Қосымшалардың көлемі неге байланысты?

4. Шалбар бөлшектерінің негізгі және конструктивті сызықтарын қалай атайды?

Құрал-жабдықтар: калька, миллиметрлық қағаз, сызу жабдықтар, эскиз.

Ұсынылатын әдебиеттер:

1. Гурьянова Н.И., Зуйкова В.Н. Конструирование одежды. М., 1974

2. Козлова Е.В., Коваленко Е.В. Коснтруирование мужской одежды. Санкт-Петербург., 1999

3. Матузова Е.М., Гончарук Р.К., Соколова Р.И. Разработка конструкций изделий по моделям. М., 1983

4. Кокеткин П.П., Медведков В.М., Боронина Л.П. и др. Справочник по конструированию одежды. М., Легкая и пищевая промышленность. 1986

№ 6 зертханалық жұмыс

Тақырыбы: Әйелдер иық бұйымдарын құрастыру және үлгілеу негіздері.

Жұмыстың мақсаты: Құрастыру тәсіліне сәйкес әйелдер иық бұйымдар негізінің конструкциялық сызбасын тұрғызу.

Жұмыстың мазмұны:

1. Құрастыру тәсілін, сызбаны тұрғызу үшін керекті бастапқы мәліметтерді таңдау;

2. Сызбаны тұрғызу.

Жұмысты орындауының теориялық негіздері:

Жұмысты әрбір студент өзі орындайды. Тәсілдерді зерттеп өз қалағанын таңдайды.

Бастапқы мәліметтерге келесі деректер жатады:

- Нақты пішіннің өлшемдері;

- Жобаланатын бұйымға сәйкес қосымшалар.

- Сызбаны тұрғызу.

- Құрастыру тәсіліне қарай бұйымның ерекшеліктері ескеріліп (қалта, бүкпе және т.б.) 1:1 масштабында сызбалар тұрғызылады.

- Әдістеінің ерекшелігі киімнің біртекті негізгі құрастырылуы және негізі киім түрлерінің базалық құрастырылуы.

Әйелдердің иық бұйымдар конструкциясының сипаттамасы.

1. Әйелдердің иық бұйымдар сызбасын тұрғызуға берілген мәліметтер.

2. Бұйым негізінің сызба торының тұрғызылуы.

3. Силуэті жартылай қынамалы әйел көйлегінің сызбасын тұрғызуға арналған есептелу мысалы.

Қондырма жеңді киім классикалық болып табылады, оны сән бағытының әсеріне қарамастан күнделікті киеді. Әр түрлі пішімді бұйымдар конструкциясын, қондырма жеңді бұйымның негізгі сызбасы бойынша тұрғызады.

Әйелдің иық киімінің негізгі сызбасының есептелуі мен тұрғызылуына арналған мәліметтер ретінде, типті фигуралы әйелдің сәйкес өлшемдерін қолданады, ол моделдің бұйымының ұзындығына, өлшеміне және жеңнің ұзындығына байланысты болады. Сонымен бірге, кейбір конструктивті бөліктерінің қосымшаларының мөлшерін қолданады.

Фигураның өлшемдеріне бұйым сызбасын тұрғызу үшін консртукцияның келесі бөліктеріне қосымшалар береді: кеуде, бел, бөксе сызықтары бойынша бұйымның еніне; алдыңғы мен артқы бой еніне, қолтық ойындысының тереңдігіне, бел сызығына дейінгі арқа ұзындығына, мойын ойындысының ені мен тереңдігіне. Қосымшалардың сандық мәндерін силуэті мен бұйымның түріне байланысты таңдайды. Силуэті жартылай қынамалы көлек негізінің сызбасын тұрғызу үшін және конструктивті бөліктерін есептеу үшін келесі қосымшалар алынды:

П_г = 6,0 см; П_шп = 1,0 см; П_дтс = 0,5 см;

Пт = 4,0 см; П_шс = 2,0 см; П_шг = 0,5 см;

П_б = 6,0см; П_спр=1,5см; П_вгс = 0.