Түсініктемелік хат.

Болашақ музыка жетекшісін дайындауда «Балабақшадағы музыка тәрбиесінің әдістемесі» пәні ең маңызды болып келеді.

Берілген бағдарлама музыкалық тәрбие беру аумағында кең кәсіптік дайындықты көздейді. Оқушылар жалпы музыкалық дайындықтан басқа, балабақшадағы музыка тәрбиесінің әдістемесінің аумағында білім және қабілетке ие болады.

Берілген курстың мақсаты:

1. Оқушыларды балабақшадағы музыка тәрбиесінің теориясымен және әдістерімен таныстыру, музыкалық қызмет және ұйымдастыру оның түрлерімен таныстыру.

2. Музыка тәрбиесінің басқарудағы және балаларды білімге үйрету практикалық қабілетін шыңдау.

Теориялық сабақ мектепке дейінгі балалардың жас ерекшеліктеріне қарай музыканың барлық қызметін үйретуде музыкалық қабілетін дамытуды қарастырады, музыкалық қызметтің түрлерімен таныстырады және барлық балабақшадағы музыкалық тәрбие үйымдастыруындағы жүйемен таныстырады.

Курстың қүрылымына тараулар және оқу бағдарламасының тақырыптары кіреді. 37- теориялық 75- практика- лабораториялық.

Курстың соңында пән бойынша емтихан болады.

Мақсаты: студенттің педагогикалық-музыкалық дайындығын тексеру.

Емтихан билетіне екі сүрақ кіреді (біреуі практикалық). Практикалық түріне аспапта музыкалық шығарма, би, ойындар, әндер ойнап беру.

Сабақ жоспары

1.тақырып.

1. Бөлім . Балабақшадағы музыка тәрбиесінің жалпы сұрақтары.

Сабақтың тақырыбы: Мектепке дейінгі кезеңдегі музыка тәрбие әдістеме пәнінің мақсаты және міндеті.

Сабақтың мақсаты:Музыка мектепке дейінгі кезеңде балалардың жалпы жеке басын қалыптастыруда және музыка арқылы бойларындағы жақсы қасиеттерін дамытумен балабақшадағы өткізетін күндерін қызықты маңызды өткізуіне және тағы басқа міндеттерін шешудегі мақсатына оқыту.

Сабақтың білімділігі:Болашақ музыка жетекшісін балалар музыкалық тәрбие берудегі әдіс – тәсілдерді игерудегі маңыздылығын түсіндіру;

Дамытушылығы: Мектеп жасына дейінгі балалық шақ- бөбекті әсемдік әлеміне неғұрлым кеңінен араластыру , кеңінен музыканы түсінуге , оны сүйе білу қасиетін дамытуда, әдістемелік әдіс-тәсілдерді меңгерудегі ізденістерін дамыту;

Тәрбиелілігі: Мектеп жасына дейінгі баланы тәрбиелеудің түпкі нәтижесі тәрбиешінің адамгершілік бейнесіне , білім дәрежесіне , кәсіптік шеберлігіне байланысты болады. Барлық музыкалық пәндер баланың жан-жақты дамуына тәрбиелеудің қайнар көзіндегі ашу міндетін жүзеге асырады.Тәрбиешінің алған білімі мен дағдысын балалармен күнбе-күнгі қарым-қатынасында шығармашылық тұрғыдан қолдануға баулу міндеті.

Сабақ түрі: Дәстүрлі;

Сабақ типі:Теориялық сабақ.

Көрнекілігі:Видеоматериал; аспап.

Сабақ барысы:

1. Ұйымдастыру;

2. Жаңа тақырып: Мектепке дейінгі кезеңдегі музыка тәрбие әдістеме пәнінің мақсаты және міндеті;

3. Үй тапсырмасын сұрау;

4. Бағалау. Қорытынды;

5. Үйге тапсырма;

1.Мектепке дейінгі кезеңдегі музыка тәрбие әдістеменің мақсаты мен міндеті.

Музкалық тәрбие және даму.Музыкалық тәрбие дегеніміз –музыклық өнердің ықпалы арқылы баланың жеке басын қалыптастыру-мзыкалық ынтасын,қажеттерін,қабілетіе,музыкаға эстетикалық көзқарасын қалыптастыру деген сөз.

Бала музыканың әр түрін өзінің қабылдау ерекшелігін,жасын ескергенде ойдағыдай меңгереді.

Музыкалық дамыту-баланың музыка ісіндегі белсенділігінің нәтижесі.Әр баланың дербес ерекшелігінің өзіндік мәні бар.Дамыту былайша жүреді:

-эмоциялар саласында-қарапайым музыкалық құбылыстарға еліктеуден бастап шамалы әсерлі және әр түрлі эмоционалды реакциларға дейін;

-сезу,қабылдау және есту саласында-жеке музыкалық дыбыстарды айыра білуден музыканы тұтас,айқын және ынта-ықыласпен қабылдауға,дыбыстың биіктігін,ырғақтарды,тембрді,динамиканы саралауқа дейін;

-ықыласын білдіру саласында-тұрақсыз әуестенушіліктен тұрақтылыққа көше бастауға,қажеттілікке айналдыруға,алғашқы музыкалық талғам білдіруге дейін;

-орындаушылық қызмет саласында-көрсету,еліктеу әрекеттерінен бастап ән айтудағы және музыкалық – ырғақтық қимылдағы дербес мәнерлі және творчествовалық көріністерге дейін.

Музыкалық тәрбие беру мен дамыту ісі дұрыс ұйымдастыруды және нысаналы оқытуды талап етеді.

Музыкаға үйрету – тәрбиелеуші процесс;оның барысында педагог музыкалық тәжірибе жинақтауға, ең қарапайым мәліметтер, білім, дағдылар алуға көмектеседі. Өз тарапынан бала оны белсенді түрде меңгереді.

Музыкалық тәрбиенің міндеттері. Осы тарауда баяндалған барлық қағидалар балалар бақшасындағы музыкалық тәрбиенің міндеттерін айқындап беруге мүмкіндік туғызады, бұл қағидалар баланың жеке басын жан-жақты және үйлесімді тәрбиелеудің жалпы мақсатына бағындырылып, музыкалық өнердің өзгешелігі мен мектеп жасына дейінгі балалардың жас ерекшеліктерін ескеріп құрылады:

1.Музыкаға деген сүйіспеншілік пен құштарлықты тәрбиелеу. Бұл міндет баланың естіген шығармаларының мазмұнын тереңірек сезіп, түсінуіне көмектесетін музыкалық қабылдағыштығын, музыканы есте ұстау қабілетін дамыту жолымен шешіледі. Музыканың тәрбиелік ықпалы жүзеге асырылады.

2.Балаларды алуан түрлі музыкалық шығармалармен таныстырып, олардың музыкалық әсерлерін байыта беру керек.

3.Балалардың музыканың ең қарапайым ұғымдарымен таныстыру, музыка тыңдау, ән айту, музыкалық – ырғақтық қимыл, балалардың музыкалық аспаптарында ойнау саласындағы дағдыларын дамыту қажет.

4.Эмоциялық әсер алғыштығын, сенсорлық қабілеттері мен лад – биік дыбыстарды айыра білуін, ырғақ сезуін жетілдіріп, әншілік дауыс пен қимылдарын әрлендіре түсу керек.

5.Ән айтудың қарапайым түріне және қимыл әдістеріне үйрете беру бұл істе музыкалық шығармалардың табиғи және әсерлі орындалуын қадағалау керек.

6.Алған әсерлері мен музыка жөніндегі ұғымдары негізінде музыкалық талғамы пайда болған балалардың алғаш көрінуіне жәрдемдесу керек, ол үшін алдымен олардың музыкалық шығармаларды таңдауына, содан соң бағалай білуіне көмектескен жөн.

7.Музыканың балаларға түсінікті барлық түрлерінде:ойындар мен хороводтарда характерлік образдарды беруге;үйренген би қимылдарын өздері тапқан жаңа үйлесімдерге пайдалануда;ойдан шығарған шағын әндер мен қайырымдарды айтуда шығармашылық белсенділікті дамыта беру керек.Сонда дербес, үйренген репертуарды күнделікті өмірде қолдануға деген инициатива мен талпыныс, музыкалық аспаптарда ойнауға, ән салып, би билеуге деген құлшыныс қалыптасады.

2. Сабақтың тақырыбы: Музыка тәрбие әдістемесінің құрылуы және даму теориясы. Баланың даму ерекшелігі.

Сабақтың мақсаты:Қазақстандағы музыка тәрбие әдістемесінің маңызмен құрылғанымен таныстыру.

Сабақтың білімділігі: Әуездік тәрбие теориясымен практикасын өңдеудегі алдыңғы қатарлы педогог .Музыканы шығарудағы кәсіби дайындықтағы талаптар. Оқушыларды бағдарламамен таныстыру.

Сабақтың дамытушылығы: Баланың жасына байланысты даму ерекшелігімен таныстыру. Жастың өсу сатыларындағы өзгерістерді ескере отырып, сабақты дұрыс ұйымдастыруды түсіндіру;

Сабақтың тәрбиелілігі: Жас жеткіншектерге музыкалық тәрбие беруде қазақ халқының салт-дәстүрлерін , ән-күй жырларын тереңірек үйретуде, болашақ жеткіншек өз тілін , елін сүюде , ұлттық сезімді кішкентай кезінен қалыптастыруда үлкен рөл атқарады.

Сабақ түрі:дәстүрлі

Сабақтың типі:аралас

Көрнекілігі: « Елім – ай » әні, Балбөбек бағдарламасы;

Сабақ барысы:

1. Ұйымдастыру;

Жаңа тақырып: Музыка тәрбие әдістемесінің құрылуы және даму теориясы.Баланың даму ерекшелігі.»

2. Үй тапсырмасын сұрау;

3. Бағалау;

4. Үйге тапсырма