Есеп № 5

Гемоглобинді шығару шегінің төмендеуі белоктардың реабсорбциясын қамтамасыз ететін бірдей ферменттік жүйелердің бақталастық әсерімен түсіндіріледі. Плазмадағы альбуминдер концентрациясының жоғарлауы бүйректе сүзілетін альбуминдер мөлшерін артырады. Альбумин ультрафильтраттың қалыпты компоненті ретінде тезірек және жеңіл түрде реабсорбцияланады. Ал бұл жағдайда гемоглобиндердің реабсорбциясы төмендейді, осыған байланысты гемоглобиннің мөлшері плазмада да, ультрафильтратта да төмен болуына қарамастан гемоглобинурия дамиды.

Есеп № 6

Норадреналин мен адреналиннің үлкен дозалары қанды алып келетін бүйректік артериолдардың спазмын туындатады, осыдан нәтижелі фильтрациялық қысым төмендейді. Нәтижесінде шумақтық фильтрация төмендеп, диурез азаяды.

Адереналиннің аз дозасы әсерінен қанды алып кететін бүйректік артериолдардың спазмы туындайды, ол нәтижелі фильтрациялық қысымның жоғарлауына ықпал етіп, бүйрек шумақтарында фильтрация жоғарлап, диурез артады.

Есеп № 7

1. Алынған үлгі гломерулонефриттің иммундық шығу тегін дәлелдейді.

2. Нефритикалық.

Есеп № 8

Шумақтық фильтрацияның аз ғана төмендеуі кезіндегі айқын олигурия-ның дамуы проксималдық түтікшелердің зақымдануымен түсіндіріледі. Нефронның бұл бөлімі, зат алмасу үрдістерінің қарқынды белсенділігімен ерекшелінеді және түтікше эпителийлерінің некрозын туындататын улы заттардың зақымдаушы әсеріне өте сезімтал келеді. Түтікшелік эпителийдің зақымдануынан шумақтық фильтрат толығымен бүйректің интерстициалдық тіндеріне өтіп, одан лимфа мен қан айналымға сіңеді. Осыған байланысты, бұл жағдайдағы анурия бүйректік қан айналымының және шумақтық фильтрацияның бұзылуымен емес, зақымданған түтікшелер қабырғасы арқылы біріншілік зәрдің резорбциялануымен түсіндіріледі.

Есеп № 9

Бүйректе реабсорбцияланбайтын және секрецияланбайтын зат инулин-нің клиренсін басқа заттардың клиренсімен салыстыру, бұл заттардың түтік-шелердегі тасымалдануын сипаттауға көмектеседі. Егер зат түтікшелерде секрецияланатын болса, онда бұл заттың клиренсі инулин клиренсінен жоғары болады. Ал егер зат түтікшелерде реабсорбцияланатын болса, онда бұл заттың клиренсі инулин клиренсінен төмен болады. Сонымен, мочевина түтікшелерде реабсорбцияланады, ал креатинин – секрецияланады деп қорытынды жасауға болады.

Есеп № 10

Фильтрация жылдамдығы төмендейді, өйткені бұл жағдайда капсула ішілік қысым жоғары, сондықтан фильтрацияға кедергі жасайды.

Есеп № 11

1. Екіншілік гиперальдостеронизм туралы.

2. Гломерулонефрит жағдайында бүйректің тамырлық шумақтарының ишемиясы дамиды. Ишемияға жауап ретінде юкстагломерулярлық аппарат жасушаларының белсенуі жүріп, ренин секрециясы мен ангиотензин ІІ түзілуі артады. Ренин-ангиотензин жүйесі бүйрек үсті безі қыртысының шумақтық аймағында альдостеронның өндірілуін ынталандырады.

Есеп № 12

Ангиотензин І-ді ангиотензин ІІ-ге айналдырушы фермент кининаза ферментінің қасиеттеріне ие, осыған байланысты оның белсенуі кезінде кининдердің-депрессорлық субстанциялардың деңгейі азаяды. Бұл жағдайда тамырлардың базалдық тонусы артады. Осымен қоса, нейрогендік тамырлық тонус белсенеді, өйткені ангиотензин І бульбарлық тамыр қозғалтқыш орталыққа қоздырушы әсер көрсетеді.

Есеп № 13

1. Науқастағы полиурияның дамуы зәрде глюкоза мөлшерінің артуымен түсіндіріледі. Осмостық белсенді зат болып табылатын глюкоза судың түтікшелерде реабсорбциялануына кедергі жасап, олардың өзімен бірге сыртқа алып кетеді.

2. Зәрдің салыстырмалы тығыздығының жоғары болуы зәрде глюкоза мөлшерінің жоғары болуымен түсіндіріледі.

Есеп № 14

1. Өзгерістер жоқ.

2. Бүйректің реабсорбциялық қызметі бұзылған.

3. Зәрде патологиялық өзгерістердің болмауы, салыстырмалы тығыздығы төмен зәрдің көп мөлшерде бөлінуі, судың реабсорбциясының төмендеуі вазопрессин өндірілуінің жеткіліксіздігіне негізделген деген тұжырым жасауға мүмкіндік береді.

Есеп № 15

1. Науқастағы анурия, жүйелік артериялық қысымның төмендеуі кезіндегі шумақтық капиллярлардағы гидростатикалық қысым салдарларынан, шумақтық фильтрацияның күрт төмендеуімен түсінідіріледі.

2. Науқаста бүйрек алдылық (пререналдық) анурия дамыған.

Есеп № 16

Науқаста бүйрегінің реабсорбциялау қабілеті бұзылған. Глюкозурияның механизмі глюкозаның түтікшелік тасымалдануына қатысатын ферменттік жүйенің тұқым қуалайтын ақауына негізделген, соған байланысты глюкозаның түтікшелік реабсорбциясы төмендеген.

Есеп № 17

1. Протеинурия, цилиндрурия.

2. Тубулярлық протеинурия. Миеломдық ауру кезінде қан плазмасында молекулярлық салмағы төмен Бенс-Джонс патологиялық белоктары пайда болады. Олар зақымданбаған шумақтық фильтр арқылы көп мөлшерде өтуге қабілетті, сондықтан түтікшелердің оларды реабсорбциялау қабілетінің басым болып кетеді.

Есеп № 18

1. Науқаста нефротикалық синдром дамыған.

2. Протеинурия белоктардың шумақтық капиллярлар арқылы филь-трациялануының жоғарлауымен және олардың түтікшелік реабсорбция-лануының бұзылуымен түсіндіріледі. Белоктардың өте көп мөлшерде түтік-шелерге түсуі, түтікшелердің белоктық инфильтрациясына және олардың реабсорбциялануын бұзылуына әкеледі.

Есеп № 19

1. Протеинурия, лейкоцитурия, микрогематурия, зәрдің салыстымар-лы төмен тығыздығы, цилиндрурия.

2. Бүйректің фильтрациялау қабілетінің бұзылуын протеинурия, зәрде өзгерген эритроциттердің болуы дәлелдейді.

3. Бүйректің концентрациялау қабілетінің бұзылуын гипостенурия, полиурия дәлелдейді.

4. Бұл жағдайдағы бүйректің концентрациялау қабілетінің төмендеуі қызмет атқаратын нефрондардың, әсіресе олардың түтікшелік бөлімдерінің азаюына негізделген. Сондықтан, қалған түтікшелер бүйректің интерстиция-сында судың реабсорбциялануы үшін қажетті осмостық градиентті қамтама-сыз ете алмайды.