Добавил:
Upload Опубликованный материал нарушает ваши авторские права? Сообщите нам.
Вуз: Предмет: Файл:
PF-2_boyynsha_t_1241_zhiribelik_da_1171_dylar.doc
Скачиваний:
0
Добавлен:
01.07.2025
Размер:
264.19 Кб
Скачать

Есеп № 1

Бақаның жүрегінде жүрек жеткіліксіздігінің үлгісін алу мақсатымен сульфгидрилдік топқа жататын бөгегіш – бромдық кадмийді перфузиялаған.

  1. Бұл жағдайда жүрек жеткіліксіздігінің қандай түрі дамиды?

  2. Бұл жағдайдағы жүрек жеткіліксіздігінің даму механизмі қандай?

Есеп № 2

Тәжірибе жүзінде егеуқұйрықтардың қолқа тамырына темір сақина тағу арқылы, олардың көлденен кесіндісін 3 есеге азайтқан. Эксперименттік қолқа коарктациясын туғызғаннан кейін 35 тәулік өткенде егеуқұйрықтарды сойған.

Тәжірибе жүзінде қолқаларын тарылтқан егеуқұйрықтарда қай қарыншаның гипертрофиясы байқалады және неге?

Есеп № 3

Тәжрибе жүзінде миокардтың метаболизмдік ерекшеліктерін зерттеу кезінде компенсаторлық гиперфункцияның апаттық сатысында АТФ деңгейі-нің төмендегені, аденозиндифосфаттардың жоғарлағаны байқалған.

Бұл жағдайда АТФ ресинтезінің қандай қосымша көздері қолданыла-тынын көрсетіңіз.

Есеп № 4

Миокардтың диастолалық босаңсу алдындағы фазада саркоплазмада кальций иондарының мөлшері күрт төмендейді және диастола кезеңінде бос жағдайдағы кальций иондары мүлдем болмайды.

Төменгі көрсетілген құрылымдардың қайсысы кальцийдің аккумуляция-сына қатысады: рибосомалар, митохондриялар, лизосомалар, Т-жүйелер, саркаплазмалық ретикулумның тік түтікшелері?

Есеп № 5

Жүрек жеткіліксіздігі дамыған тәжірибелік жануардың миокардында бос кальцийдің жоғарғы мөлшері анықталған.

Мұндай жағдайда миокардтың энергиямен қамтамасыз етілуі қалай өзгереді?

Есеп № 6

Эксперимент жүзінде коронарлық тамырлардың тұрақты спазмын парасимпатикалық және симпатикалық нерв талшықтарын бір уақытта тітіркендіру арқылы алуға болады.

Вегетативтік дистония кезіндегі коронарлық артериялар спазмының механизмін түсіндіріңіз.

Есеп № 7

Қояндарға тәжірибе жасалып, бір уақытта бір бүйректің артерияларын тарылтқан, ал екінші бүйректі мүлдем алып тастаған. Бұл жағдайда артерия-лық қысым деңгейі орташа сынап бағанасы бойынша 105-133 мм-ге жеткен.

  1. Бұл жағдайдағы артериялық қысымның жоғарлау механизмі қандай?

  2. Тәжірибелік қояндарды операцияға дейін 2-3 апта ертерек натрийсіз диетаға отырғызса, оларда гипертонияның дамуын тежеуге болады ма?

Есеп № 8

38 жасар науқастың тыныштық жағдайында коронарлық қанайналы-мының минуттық көлемі 5% құрады, ал физикалық күш түскенде ол көрсет-кіш 3 л/мин. дейін жоғарлады.

Бұл алынған мәліметтер науқаста коронарлық қанайналым бұзылыстары бар екендігін дәлелдейді ме?

Есеп № 9

25 жастағы А. деген науқас бас ауыруына, бел аймағының ауырсынуына, бетінің ісінуіне, жалпы әлсіздікке шағымданып ауруханаға түскен.

Осы жасқа дейін денсаулығына шағымданбаған. Бір ай бұрын баспамен ауырған.

Ауруханаға түскен кезде: АҚ – сынап бағанасы бойынша 180/110 мм. Қан анализі: эритроцит – 3,1х106 1 мкл, лейкоцит – 12,6х103 1 мкл, ЭТЖ – 28 мм/сағ. Зәрінде: айқын протеинурия, микрогематурия, лейкоцитурия.

  1. Науқас гипертензияның қандай түрімен ауырады?

  2. Бұл жағдайдағы гипертензияның даму себебі мен механизмдері қандай?

Есеп № 10

Эксперимент жүзінде сау және ваготомия жасалған егеуқұйрықтардың асфиксия кезіндегі сыртқы тыныс алу бұзылыстарының сипатын зерттеген.

Екі егеуқұйрықтағы асфиксия кезіндегі сыртқы тыныс алу бұзылыстарының кезектілігі бірдей болады ма? Жоқ болса, неге және қандай ерекшеліктер болады?

Есеп № 11

Эксперимент жүзінде альвеолалық тыныс сипатын зерттеу кезінде, өкпенің СО2 үшін диффузиялық қысымы сынап бағанасы бойынша 6 мм тең екендігі анықталған.

Ағып келген қан құрамынан СО2-ның альвеола қуысына толық диффузиялануы үшін осы қысым жеткілікті ме?

Есеп № 12

Біреуі наркоз жағдайындағы екі егеуқұйрықты барокамераға отырғызып, гипобариялық жағдай туындатқан.

Қай егеуқұйрықта бірден өлім дамиды және неге?

Есеп № 13

Эксперимент жүзінде жануардың екінші мойын сегменті деңгейінде жұлынды жартылай кесіп тастаған кезде, тыныс алу актысына диафрагма мен зақымдалған жақтағы жарты кеуде клеткасының қатыспайтындығы байқалды.

Жартылай кесілген жұлын жағындағы сыртқы тыныс алу бұзылыстарын қайта қалпына келтіруге болады ма?

Есеп № 14

Эксперимент жүзінде сау иттерде өкпенің бір бөлігін немесе тұтастай өкпені алып тастау қан оксигенациясының бұзылысынсыз өткен, ал өкпенің бір бөлігін осы бөлікке тән бронхты бітеу арқылы желденуден шығарған кезде, артериялық қанның оттегімен қанығуының 5-6 пайызға төмендегені анықталған.

Өкпенің резекциясы мен пульмонэктомиясына қарағанда, сау өкпенің бір бөлігінің обтурациялық жеткіліксіздігі кезінде, қанның оксигенациясы неге төмендейді?

Есеп № 15

Иттің өкпе тініне 3 мл ыстық стерильді су жіберу арқылы өкпенің жедел қабыну үрдісін туғызған.

3 күн өткенде сыртқы тыныс алу көрсеткіштерін зерттеген. Осы кезде артериялық қанның оттегімен қаңығуы төмендегендігі, ал қандағы СО2 мөлшерінің өзгермегендігі анқыталған.

Эксперименттік иттегі өкпенің газ алмасуының бұзылуы неге тек гипоксемия түрінде айқындалды, неге гиперкапния байқалған жоқ?

Есеп № 16

23 жасар науқасты жасанды тыныс алуға көшірген. Қанның газдық құрамын зерттеген кезде, артериялық қанда оттегінің қысымы сынап бағанасы бойынша 85 мм, ал көмір қышқыл газы – 45 мм с.б. тең болған.

Бұл жағдайда сыртқы тыныс бұзылысының компенсациялану деңгейі жеткілікті ме?

Соседние файлы в предмете [НЕСОРТИРОВАННОЕ]