Стоматология факультетінің 3 курсы студенттері үшін і аралық бақылауға арналған тесттің сұрақтары

10 Вариант

1. ЛОР ауруханасының қабылдау бөлімшесіне оң жақ көз қабағының ісіңгендігіне, мұрнының бітелгендігіне, басының ауырғандығына шағымданған 35 жастағы науқас жеткізілді. Анамнезінде созылмалы гаймориті бар. Соңғы өршуі екі жеті бұрын болған, өз бетінше антибиотиктермен, мұрын тамшыларымен емделген. Тексергенде мұрынның шырышты қабаты қызарған, ісіңген, кеуілжірлер ұлғайған, көп мөлшерде ірің ағады. Сол жақ көздің қабағы ісіңген, тартыңқы, терісі қызарған, қозғалғыштығы шектелген. Экзофтальм байқалады. Рентгенограммада сол жақ гаймор қуысының жиекті ісінуімен қатар сұйықтық деңгейі байқалады. Диагноз қойыңыз.

А. Фронтитпен асқынған созылмалы гаймориттің өршуі

B. Сфеноидитпен асқынған созылмалы гаймориттің өршуі

C. Конъюнктивитпен асқынған созылмалы гаймориттің өршуі

D. Көздің периоститімен асқынған созылмалы гаймоиттің өршуі

E. Кавернозды синустың тромбозымен асқынған созылмалы гаймориттің өршуі

2. Бала 13 жаста, бастың, тамақтығының ауру сезіміне, әлсіздікке, тез шаршағыштыққа, жүрек тұсы мен буындарының ауруына шағымданады. Қарап тексергенде: жұтқыншақтың артқы қабырғасының іркілісті қызарған, бадамша бездері борпылдақ, атрофияланған, лакунадағы казеозды тығынның өсінділерімен жабысқан. ЭКГ-да – қарынша аралық өткізгіштіктің бұзылысы байқалады, ЖҚА өзгеріссіз.

Диагноз қойыңыз:

А.Созылмалы фарингит

B.Созылмалы тонзиллиттің декомпенсацияланған формасы

C.Созылмалы тонзиллиттің компенсацияланған формасы

D.Фарингомикоз

E.Мерез

3. Науқас 30 жаста. 10 жыл бұрын тонзиллоэктомия жасалған. Қазіргі ауруы дәрігерге келгенге дейін екі күн бұрын жедел басталған. Жұтыну кезіндегі және тілін шығарған кезде қатты ауру сезіміне, физикалық жүктеме кезіндегі тынысының қиындауына шағымданады. Қарап тексергенде анықталды: тілдің артқы үштен бір бөлігін шпательмен басқан кезде қатты ауру сезімі, жұтқыншақтың шырышты қабатының қызаруы. Айқын ауру сезіміне байланысты төменгі фарингоскопияны жүргізу мүмкін болмады. Жанама ларингоскопия кезінде тілдің түбірінде бірлі-жарым, нүктелі сары-сұр түсті түзілістер, лимфа тіні инфильтрацияланған. Жалпы жағдайы орташа, дене қызуы 38,2⁰. Жақ асты екі жақты лимфоаденит, шайнау бұлшықеттерінің жеңіл тризмі анықталады.

Диагноз қойыңыз:

А.Тіл бездерінің баспасы

B.Супратонзиллярлық абсцесс

C.Жедел фаринголарингит

D.Лакунарлық баспа

E.Фарингит

4. Науқас бронхопневмонияға байланысты антибиотиктер қабылдаған. Дәрігерге жұтқыншақтың ауруы және жұтыну кезіндегі дискомфорт шағымдарымен келді. Науқастың жағдайы қанағаттанарлық, дене қызуы қалыпты.Фарингоскопия кезінде шырышты қабаты қызарған, гиперплазияланған бадамша бездердің үстінде жабынды анықталды. Жабындылар аралшықты сипатта, ақшыл-сұр түсті, шырышты қабаттың бетінен көтеріліп тұрады.

Диагноз қойыңыз:

А.Жұтқыншақтың күлі

B.Лакунарлық баспа

C.Жұтқыншақ кандидозы

D.Созылмалы фаринголарингиттің өршуі

E.Қатпар астылық ларингит.

5. Науқас қабылдау бөлімшесіне тамақтың ауруы, әлсіздік, дене қызуының 38⁰-қа дейін көтерілу шағымымен келген. Науқастың айтуы бойынша суық сыра ішкеннен кейін жедел ауырған. Екі күн бойы жұтыну кезіндегі ауру сезімі және әлсіздік болған. Кейін жағдайы күрт нашарлаған. Тамағында бір жақты шыдатпайтын ауру сезімі пайда болды. Науқастың айтуы бойынша тамақ өтпеген,түкірігін түкіріп тастап отырған. Жұтқыншақты қарап тексергенде тамақтың қызаруы байқалады, аузын еркін ашады. Оң жақ таңдай- жұтқыншақ мүйізінің ісінуінен аранның айқын ассиметриясы байқалады. Бадамша безі көзге көрінеді.

Диагноз қойыңыз:

А.Алдыңғы жоғарғы оң жақты паратонзиллярлы абсцесс

B.Артқы оң жақты паратонзиллярлы абсцесс

C.Оң жақты бүйір паратонзиллиті

D.Екі жақты паратонзиллит

E.Мойын флегмонасы.

Н БҚММУ 703-13-12. Пән бойынша білімді, біліктіліктер мен дағдыларды қорытынды бағалау үшін бақылау-өлшеу құралдары. Бірінші басылым.

Ф ЗКГМУ 703-13-12. Контрольно-измерительные средства для итоговой оценки знаний, умений и навыков по дисциплине. Издание третье.