Халі ауыр сырқаттың киімдерін ауыстыру

Іс- әрекет алгоритмі.

аурудың денесінің жоғарғы бөлігін көтеріп;

сегіз көз астынан көйлектің етегін ұстап, оны шүйдеге дейін ысыру керек;

 екі қолын көтеріп, мойнына жиналған көйлек басынан шығарылады;

 екі жеңінен шешіп алынады. Егер пациенттің бір қолы зақымданған болса, көйлекті алдымен сау қолдан, сосын ауру қолдан шешеді.

Ал пациентті киіндіргенде, керісінше, алдымен ауру қолдан бастап, сонан соң сау қолынан кигізіп, көйлекті басынан кигізеді.

Халі ауыр сырқаттың төсек жапқыштарын ауыстыру.

Төсек жапқыштарын екі тәсілмен ауыстырады.

1-ші әдіс – бұл әдісті қозғала алатын пациенттерге қолданады.

Іс- әрекет алгоритмі

таза жапқышты ұзына бойынан жартысына дейін орайды;

пациенттің үстін ашып, басынан жастықты алып тастайды;

пациентті кереуеттің бір шетіне қарай бүйірімен жатқызады;

кір жапқышты ұзынан пациентке қарай ысырыңыз;

ал босаған жерге таза жапқышты жабыңыз;

пациентті алдымен арқасына, сосын екінші бүйіріне аударып жатқызады., сол кезде науқас таза жапқышқа жатады. Кір жапқыштарын алып, таза жапқыштарды жаяды.

2-ші әдіс – бұл әдісті ауру белсенді қимыл жасай алмағанда қолданады.

Іс - әрекет алгоритмі.

таза жапқышты ұзындығының жартысына дейін бүктеңіз;

аурудың үстін ашып, денесінің жоғарғы бөлігін көтеріп, жастығын алыңыз;

кірлеген жапқышты бас және аяқ жағынан шиыршықтап бүктеп, бел тұсынан шығарып алыңыз;

таза жапқышты сырқаттың сегіз көзіне апарып, бас және аяқ жағына қарай жайыңыз;

пациенттің үстіне көрпе жабыңыз.

Кір төсек жапқыштармен, киімдерді бөлек-бөлек қақпағы бар пластмассадан жасалған ыдыстарға немесе клеенка қаптарға салып, арнайы бөлмеге апарады. Уақытылы дұрыс ауыстырылмаған жапқыштар, киімдер, төсекжараға алып келеді.

Төсекжараның алдын алу

Төсекжара – бұл терінің, тері асты қабатының және басқада жұмсақ тіндердің дистрофиялық, некроздық өзгерісі. Төсекжара сырқаттың ұзақ уақыт қимылсыз бір қалыпта жатуынан, жергілікті қан айналым мен нервтік трофиканың бұзылуынан болады. Көбіне әлсіз, азған ауыр халдегі науқас балаларда сегізкөз, құйымшақ, жауырын, шынтақ, өкше, шүйде, жамбас, сан буыны тұсында пайда болады.

Науқастың дұрыс күтімі болмай, төсек жапқыштары мен киімдері ылғал, жиырылған, кір болуыда төсекжараның дамуына алып келеді.

Іс - әрекет алгоритмі.

әр 2 сағат сайын төсекте пациенттің денесінің орналасу күй-жайын өзгертіңіз;

төсек жабдықтардың жағдайын қадағалаңыз, төсекте қиқым – сиқым болмауы керек, төсек жапқыштары бүктеліп қалмауы тиіс;

уақытылы кірлеген киімін, төсек жапқыштарын ауыстырыңыз;

сегізкөз, құйымшақ астына жастық тысына кигізілген немесе жаялыққа оралған резеңке дөңгелек, ал өкше, жауырын, шынтақ, шүйде тұсына мақта – дәкеден жасалған дөңгелек қойыңыз. Дөңгелекті, сегізкөз оның тесігінен жоғары тұратындай етіп қойыңыз;

төсекжараға қарсы матрас қолданыңыз;

терісін таңертең және кешке жылы сумен жуып, немесе мақталы тампонды камфор спирті ертіндісі немесе сірке қышқылы ертіндісіне ( 1 см суға 1 ас қасық сірке қышқылы) батырып сонымен сүртіңіз.

УФС, жеңіл массаж жасаңыз. Олар қан айналымын жақсартады.