Балалар ауруханасындағы санитарлы-эпидемияға қарсы тәртіп

Санитарлы-гигиеналық және эпидемияға қарсы тәртіп – бұл барлық медицина қызметкерлерімен қатар пациенттердің де емдік мекемелерде тазалықты сақтап, жұқпалы аурулардың эпидемиясының алдын-алу үшін жүргізілетін шаралар жиынтығы.

Бұл шаралардың ережелері:

• жолдамада дәрігер баланың жұқпалы аурумен байланысты болғандығы жөнінде міндетті түрде жазуы керек;

• қабылдау бөлімінде, дәрігер анамнез жинай отырып, міндетті түрде қайтадан эпидемиологиялық анамнезде сұрақтар қою қажет. Егер баланың эпидемиологиялық анамнезінде айтарлықтай өзгеріс болмаса да, қабылдау бөлімінің дәрігері жұқпалы ауруды жіберіп алмауы үшін оны қараудан өткізеді.

• қабылдау бөлімінде жүргізілген санитарлы тазалау науқастың стационарда өткізген күнінің барлығында сақталады.

Ауруханада баланы анасы немесе мейірбике аптасына 1 рет қарайды. Әр аптада, науқас гигиеналық ванна қабылдайды. Бөлімшеде уақытылы төсек-орын жапқыштары, киім-кешек ауыстырылуы керек. Ауыстыру жиілігі – науқастың патологиясымен, жасымен, оның жалпы жағдайымен байланысты. Науқастың киім-кешегін, төсек жапқыштарын 1 сағатқа 2% кір жуғыш ұнтағына салып қояды. Жиһаздар мен заттар полиэтиленді пленкамен жабылуы тиіс және әр науқастан соң, 1% хлорамин ерітіндісімен немесе 0,5% хлормен әк ерітіндісімен әр 15 минут сайын 2 рет, сосын таза сумен сүртіледі. Сонымен қатар әр пациенттен кейін кушеткадағы жабу ауыстырылады. Медицина қызметкері тамақты дайындау және тарату, ал науқас тамақты дұрыс қабылдаудың ережелерін ұстай білуі тиіс. Тағам, тамақ блогында дайындалып, бөлімшеге әкелген соң, оны 2 сағаттан артық ұстауға болмайды. Асханаға әр порция арнайы терезе арқылы таратылады. Қолданылған ыдыс-аяқтар болған соң, арнайы өңдеуден өтеді. 15 мин. 2% ас содасы ерітіндісінде немесе 30 минут суда қайнатылады. Науқастар тек қайнаған су ішуі тиіс. Бөлімшенің барлық қызметкерлерімен, науқастар жеке бас гигиенасы талаптарын ұстануы қажет. Мейірбике әрбір кезекшіліктің алдында душ қабылдап, таза киім киюі керек. Халат, қалпақ, аяқ-киімін арнайы шкафта қалдырады. Нәрестелер, емізулі балалар бөлімшесінде, жұқпалы аурулар палатасы мен бокстарда бетперде (маска) тағу керек. Бетпердені әрбір 4 сағатта ауыстыру керек.

Тесттер

1. Дезинфекция дегеніміз:

а) ауруды тудыратын қоздырғыштардың ауруханада таралуының алдын-алу және оны жою

б) автоклавтау

в) құрал-саймандарды зарарсыздандыру

г) диагностика әдісі

2. Аурудың алдын алу үшін дезинфекцияны өткізу кімнің міндетіне кіреді:

а) дәрігер

б) орта және кіші медицина қызметкерлерінің

в) бас дәрігер

г) бөлімше меңгерушісі

д) СЭС

3. Ауаны зарарсыздандыру үшін өткізіледі:

а) дезинфекция жүргізу үшін қолданылатын заттарды себу

б) ультракүлгін сәулелерін қолдану немесе желдету

в) өткізбейді

г) қабырға мен еденді дезинфекциялау

4. Жиhаздарды сүртеді:

а) күніне 1 рет

б) күніне 2 рет

в) күніне 3 рет

г) күніне 4 рет

5. Жұмсақ заттарды мына жолмен өңдейді:

а) қағу

б) жуу

в) стерилизациялау

г) автоклавтау

6. Ағымды дезинфекцияның әдісіне жатпайды:

а) физикалық

б) химиялық

в) механикалық

г) дұрыс жауабы жоқ

7. Стерилизация дегеніміз не:

а) ауруханада ауру тудыратын қоздырғыштардың таралуының алдын-алу және оны жою

б) автоклавтау

в) құрал-саймандар таңғыш материалдағы микроорганизмдермен олардың спорларын толығымен жою

г) диагностикалау әдісі

8. Ыстық ауамен ауаны стерилизациялауды қандай температурада өткізеді:

а) 150⁰ С

б) 180⁰ С

в) 100⁰ С

г) 120⁰ С

9. Педикулезге науқасты қарауды қай жерде өткізеді:

а) бөлімшеде

б) палатада

в) боксте

г) қабылдау бөлімінде

10. Науқастың төсек жаймасын жуу кезінде, оларды қанша уақытқа суға салып қояды:

а) 2 сағат

б) 3 сағат

в) 1 сағат

г) 40 минутқа