Тыныс алу жүйесінің ауруы бар баланың күтімі

Тыныс алу жүйесінің ауруыбар баланыңкүтімнің ережесі:

 бала жататын палата кең, ашық, оңай желдетілетін болуы керек;

 азынақ өтпе жел (сквозняк)болмау керек;

 палатаны күніне 5-6 рет желдету;

 күнделікті ылғалды тазалау жүргізу;

 науқастың жеке бас гигиенасын сақтауын қадағалау;

 емдік-қорғау мекемесінің тәртібін қатаң сақтау;

емдік тамақтану мен су рационын ұйымдастыру;

тыныс мүшелерінің қызметін бақылау.

Ентікпе кезінде баланың денесін көтеріңкіреп қою қажет. Бұл жағдайды функционалды кереуеттің көмегімен немесе баланың арқасына 2-3 жастық қою арқылы жасауға болады.

Құрғақ жөтелде балаға жылы сусын беріледі, мысалы, сүт немесе шай.

Егер балада жөтел қақырықтың бөлінуімен болса, онда оның жақсы шығуына көмектесетін шаралар қолданылғаны жөн. Сол шаралардың бірі болып постдуралды дренаж саналады.

Постдуралды дренаж жасау әдісі:

•Ауруды әдеттегіден тыс күйде орнықтырады.

•Егер үдеріс өкпенің жоғарғы бөлігінде болса, баланы сау жағымен жатқызады.

•Үдеріс өкпенің төменгі жағында орналасса баланың басын төмен түсіріп, ішімен жатқызады. Сол жағдайда көкірек қаңқасына уқалау, сипалау және арқаның бұлшықеттерін жайлап соққылау арқылы массаж жасаған жөн. Бұл процедураны күніне 2-3 рет 20-30 минут уақыт жүргізеді.

Жедел тыныс жетіспеушілігі кезінде дәрігерге дейінгі көрсетілетін көмек:

 тыныс жолдарын сілекейден тазарту;

 баланың өкпесінде іркіліс болдырмау үшін, оның денесінің орналасу қалыпын

ауыстырып отыру керек, ал ерте жастағы балаларды жиі қолға алу;

 дәрігер шақырылады;

• дәрігер келгенге дейін «ауыздан ауызға» әдісімен жасанды вентиляция жасау;

• болмаса ылғандандырылған оттегі беріледі;

• өкпеге жасанды вентиляция жүргізген дұрыс.

Пульмонология бөлімшесі мейірбикесінің жұмысы Пульмонология бөлімшесіндегі мейірбикелердің міндеттері:

 науқастардың шағымдарын жинай білу;

 тыныс мүшелерінің ауруларының басталуы мен дамуын бақылай алу;

 пациентті үнемі бақылап отыру;

 тыныс жүйесінің ауруларының алдын - алу принциптерін ажырату;

 тамақтану ерекшеліктерін толығынан меңгеру;

 өкпе патологиясы бар науқастарды күту және бақылау ерекшеліктерін білу;

 пациенттерді жеке түкіргішпен қамтамассыз ету;

 науқас балаға түкіргішке қақырықты дұрыс жинау ережесін үйрету;

 дренажды қалыптың әдістерін дұрыс қолдана білуге үйрету;

 дәрілік заттарды науқастың уақтылы қабылдауын бақылау.

Балалар ауру кезінде күйгелектік күйге түсіп, ызақор, ашуланшақ болуы немесе қобалжып, үрейленуі мүмкін.

Сондықтан мұндай жағдайларда мейірбике шыдамдылық пен ұстамдылық танытып, науқасқа көмек көрсетіп, тыныштандыруы керек.

Бақылау сұрақтары

1. Мұрынды қалай тазалайды?

2. Ентікккенде, жөтелгенде қандай көмек көрсету керек?

3. Постуралды і дренаж қалай жүргізіледі?

4. Гриппен ауыратын балалардың күтімі қандай?

5. Круп кезінде қандай дәрігерге дейінгі көмек көрсетіледі?

6. Тыныс жолдары және мұрын жолдарына бөгде зат түскенде қандай көмек көрсету керек?

7. Өкпенің жасанды вентиляциясын қалай жүргізеді?