Комментарий

гер авх – жениться

күүнд одх – выйти замуж

Урок 7 Таньлдлhн

Санҗ: Менд, күүкн!

Занда: Менд!

Санҗ: Чини нерн Занда, эсий? Би чамаг таньнав.

Занда: Альдас?

Санҗ: Би чини Дорҗ ахин үр көвүмб.

Занда: Намаг альдас меднәч?

Санҗ: Дорҗд чини зург бәәнә.

Занда: А-а, чи ахлам хамдан нег хорад бәәнч?

Санҗ: Ээ, тиим.

Занда: Би чамаг бас меднәв. Чини тускар ахм даңгин келнә.

Санҗ: Мадн эндр Дорҗта хамдан кинод йовх санатавидн. Чи бас маднла

йовнч?

Занда: Кезә?

Санҗ: Дорҗас сурх кергтә.

Занда: Нә, сән, йовнав.

Санҗ: Асхн тавн-зурhан часла тана тал ирнәв. Күләтн.

Занда: Ир, эрк биш күләхвидн.

***

Багш: Мендвт! Мини нерн Булhн. Эн өдрәс авн би тана хальмг келнә багшв.

Би таднла таньлдх санатав.

Өлзәтә: Мини нерн Өлзәтә. Мини өрк-бүл ик биш, дөрвн күн: эк-эцкм, би

болн дү күүкм. Экм ик сурhульд багшлна, эцкм малд көдлнә. Би Очра

Номтын уульнцд бәәнәв. Мини телефона тойг hурвн-хөрн хойр-тәвн

зурhан.

Басң: Нерм Басң. Мана өрк-бүл ик. Би отхн көвүмб. Нанд ах болн эгч

бәәнә. Эк эцк хойр тосхачин эрдмтә. Ахм өрк-бүлтә күн, эврә патьрта.

Эгчм эмчин ик сурhулин оютн, хол сурhульд йовна. Маднла хамдан

аавм бәәнә. Бидн балhсна захд эврә герт бәәнәвидн.

Мергн: Мини нерн Мергн. Нанд аав, ээҗ, эк, эцк бәәнә. Би hанцхн үрмб.

Бидн хамдан нег герт бәәнәвидн. Эцкм малч, экм эмч. Ода мадн шин

герт орх санатавидн.

Җирhл: Мини нерн Җирhл. Эцкинм нерн Бадм, экинм нерн Цаhан. Ода Элстд

бәәнәвидн. Бидн хойр давхр герт, hурвн хората патьрт бәәнәвидн.

Мана патьр у. Би эврә хоратав. Ээҗ аав хойр Ик Буурлд бәәнә. Тедн

эврә гертә, ик хашата. Хашаднь олн мал бәәнә.

Багш: Нә, сән. Хөөннь тана эк-эцкләтн эрк биш бас таньлднав, тадна тускар

күүнднәв.

***

Эндр мана тал Сарпаhас худ эмгн өвгн хойр ирх – мини эгчин күргнә эк-эцкнь. Эдн маднла таньлдх саната. Бадм атхр үстә, ик хар нүдтә, өндр нурhта көвүн. Мини эгчм бас сәәхн күүкн. Бадм эгчдм йир дурта. Эдн хойр нег өрк-бүл болх саната. Күргнә эк-эцкнь көгшн биш, баахн улс бәәҗ. Экнь дөчн hурвн наста, эцкнь дөчн тавта. Бадм Саглр хойр Сарпад бәәх. Тенд Бадмин гер бәәнә. Бадм эмч. Эк-эцкнь хошт хөөнд бәәнә. Мини эгчм Бадмла әдл эмчин эрдмтә, тер селәнд көдлх. Бадм эгч хойр ода йир байрта бәәнә.

Грамматика

1. Соединительный падеж отвечает на вопросы кенлә (с кем)? юунла (с чем)? и имеет окончание -ла/-лә. Основное значение – совместность действия. Часто используется в конструкциях сравнения предметов.

Например: Санҗ Мергнлә маңhдур балhс орх (Санджи с Мергеном завтра поедут в город).

Мини шаазң ааh ээҗин модн ааhла әдл болна (Моя фарфоровая чашка и деревянная чашка бабушки одинаковые).

2. Форма будущего времени глагола в изъявительном наклонении образуется с помощью суффикса -х и обозначает действие, которое должно совершиться в будущем.

Например: Маңhдур мини ах сурhуляс ирх (Завтра с учебы приедет мой брат).

В общем вопросе глагол будущего времени во 2-ом и 3-ем лицах требует вопросительную частицу -ий.

Например:

– Чи маңhдур Элстд ирхийч? (Ты приедешь завтра в Элисту)?

– Ээ, би маңhдур Элстд ирхв (Да, я завтра приеду в Элисту).

– Та ик сурhульд көдлхийт (Вы будете работать в университете)?

– Ээ, би ик сурhульд көдлхв (Да, я буду работать в университете).

– Тадн тер көвүг күләхийт (Вы будете ждать того юношу)?

– Мадн тер көвүг күләхвидн (Мы будем ждать того юношу).

– Эдн намаг таньхий (Узнают ли они меня)?

– Эдн чамаг таньх (Они тебя узнают).

Форма будущего времени глагола совпадает с формой причастия будущего времени, отвечающей на вопрос ямаран (какой)?.

Например: Мал кеер hарх цаг (Время выгона скота).

Ирх җилд бидн Аhш балhсна ик сурhульд орхвидн (В будущем году мы будем поступать в Волгоградский университет).

3. Модальность выражается с помощью модальных слов кергтә, зөвтә, йоста, саната, бәәдлтә. Они выражают значения необходимости, долженствования, намерения, желания, вероятности.

Например: Нанд маңhдур көдлмшт одх кергтә (Завтра мне надо идти на работу).

Эн күүкн намаг таньх зөвтә (Эта девушка должна меня узнать).

Би Элст орх санатав (Я намерен поехать в Элисту).

Чи энүг медх йостач (Ты должен его знать).

4. Форма повелительного наклонения 2-го лица единственного числа глагола на письме совпадает с основой глагола и выражает побуждение к действию.

Например: Менд, менд. Орад, цә у (Здравствуй, здравствуй. Заходи попить чаю).

Чи эндр мана тал ир, би чамаг күләнәв (Ты сегодня приходи к нам, я буду тебя ждать).

Повелительная форма глагола во множественном числе принимает суффикс -тн:

Например: Маңhдур сурhульд иртн (Завтра приходите на учебу).

Ээҗ, аав, таньлдтн, эн мини үр көвүн Мергн (Бабушка, дедушка, познакомьтесь, это мой друг Мерген).