Стоматология факультетінің 3 курсы студенттері үшін іi аралық бақылауға арналған тесттің сұрақтары

2-вариант

№1 есеп

Үш жасар қыз клиникаға жеткізілді. Ата-анасының айтуы бойынша, екі сағат бұрын ойнап жүрген кезде мұрыннын оң жақ жартысына түйме салып жіберген. Бөгде денені алуға әрекет жасалған, түйме бірақ мұрыннын артқы бөлігіне ығысып кеткен.

Объективті: оң жақ мұрын қуысының кілегей қабаты гиперемияланған, инфильтрацияланған, тереңде бөгде дене анықталады. Оң жағында мұрынмен тыныс алу қиындаған.

Қандай көмек қажет?

A. Гаймор қуысының бөгде денесі. Гайморотомия жасау арқылы бөгде денені алу.

Б. Эндотрахеальды наркоз. Ілмектің көмегімен бөгде денені алу.

В. Жедел ринит. Антибиотикотерапия.

Г. Посттравматикалық ринит. Десенсибилизациялық препараттар.

Д. Созылмалы атрофиялық ринит. Мұрынды тазарту.

№2 есеп

Қандай диагноз қоюға болады?

Науқас сол құлақ қалқанының ауырсынуына және ісінуіне шағымданады. Ол екі күн бұрын күресіп жаттығу кезінде құлағынан жарақат (соққы) алған.

Объективті: құлақ қалқанының жоғары алдыңғы беткейінде дөңгелек пішінді, алқызыл түсті ісік бар ұстағанда ауырады. Басқа ЛОР мүшелері ерекшеліксіз.

А. Жедел ортаңғы отит

Б. Сыртқы құлақ шиқаны

В. Отгематома

Г. Құлақ қалқанының хондроперихондриті

Д. Тілме ауруы

№3 есеп

Болжам диагнозы?

Науқас 32 жаста даусының қарлыққанына шағымданады. Жұтынғанда ауырсыну байқалады. 6 ай бұрын жұмыстан соң, даусының әлсірейтінін байқаған. 3 айдан бері әріптестері науқастың даусының қарлыққанын байқаған.

Ларингоскопия: Дауыс қыртысы бозғылт, сол жақ қыртыстың алдыңғы және ортаңғы үштен бір бөлігінде бозғылт сұр түсті тарының үлкендігіндей түзіліс анықталады. Көмейдің қозғалысы сақталған. Дауыс саңылауының көлемі қалыпты, аймақтық лимфа түйіндері ұлғаймаған.

А. Көмей фибромасы

Б. Көмей туберкулезі

В. Көмейдің аллергиялық ісінуі

Г. Жедел ларингит

Д. Жұтқыншақ арты абсцессі

№ 4 есеп

Болжам диагноз және дәрігердің тактикасы?

Науқас 42 жаста бастың сол жақ бөлігінің қатты ауырсынуына, тәбетінің жоқтығына, тамақ қабылдаумен байланысты емес ұстамалы құсуға шағымданады. 5 жыл бойы сол құлақтың ауруымен ауырады. Жарты жыл бұрын науқас отиттің өршу кезінде бас айналу, лоқсу және сол құлағының естуінің күрт төмендеуі байқалған.

Объективті: тері қабаты бозғылт, тіл беткейі жабындымен жабылған. Пульсі 46рет/мин. Науқас селқос, тежелген, көрсетілген заттарды дұрыс атай алмайды, айтылған сөзді түсінбейді, берілген тапсырманы орындамайды. Сөйлеуі бұзылған, көп сөйлейді, сөйлемдерді дұрыс құрастыра алмайды, кейбір сөздерді қате айтады. Шүйде бұлшықеттерінің әлсіз қатаюы анықталады, Бабинский сынамасы оң мәнді, оң жағында терең рефлекстер аздап жоғарлаған. Отоскопияда: сол жақ есту жолында аз мөлшерде іріңді бөлініс. Іріңнен тазартқанда дабыл жарғағының тесігінің артқы жоғарғы квадратынан грануляция көрінеді. Дабыл жарғағының сақталған бөліктері әлсіз қызарған.

А)созылмалы іріңді эпитимпанит. Менингит. Көз дәрігерінің тексерісі

Б)созылмалы іріңді эпитимпанит. Мишық абсцессі. Ликворды тексеру.

В)созылмалы іріңді эпитимпанит. Самай ми бөлігінің абсцессі. Ликворды тексеру. Көз дәрігері және нейрохирургтің қарауы

Г)лабиринтит

Д)созылмалы іріңді мезотимпанит. Мишық абсцессі.

№5 есеп

Қандай диагноз қоюға болады?

Науқас Ж.,ауруханаға басының қатты аурумен,белінің ауыруына,дене қызуының жоғарылауы,оң жақ құлағынан ірің ағуы және естудің төмендеуіне шағымданады .Ауырғанына 4 күн.

Анамнезінен 4 жыл бойы оң жақ құлағынан іріңнің ағуы және естудің тұрақты түрде төмендеуі болғандығы анықталды.

Обективті: Жағдайы ауыр.Дене қызуы 38°С.Терісі құрғақ,ұстағанда ыстық.Беті гиперемияланған.Науқас оң жақ бүйірімен жатыр,басы артқа шалқайған,екі аяғы жамбас-сан және тізе буындарында бүгілген және ішіне қарай. Шүйде бұлшықеттерінің қатаюы ,екі жағында Кернига симптомы оң мәнді және Брудзинский симптомы анықталады. Сіңір рефлекстері жоғары. Тілі құрғақ, қоңырқай жабындымен жабылған

Отоскопияда: оң жақта дабыл жарғағының тотальды дефектісі, аттиктің латеральді қабырғасының кариесі.Есту жолында қаймақ тәрізді жағымсыз иісті іріңді түзіліс

А. Созылмалы іріңді эпитимпанит.Ми абцессі

Б. Созылмалы іріңді эпитимпанит.Мишық абцесі

В. Жедел ортаңғы іріңді отит.Холестеатома

Г. Лабиринтит

Д. Созылмалы іріңді эпимезотимпанит.Менингит