Ерте жастағы балалардың диспансеризациясы

Тапсырма (7). 6 айлық бала, жасанды тамақтандырылады, жұмыртқаның сары уызын жегеннен кейін беті қызарып, жамбасы, іші, бетінде везикулалы-папулалы бөртпе, мазасыздық, тітіркенгіш, бөртпенің қышуы пайда болды. Бала толық, салмағы 9000 гр.

1. Сіздің болжам диагнозыңыз?

2. Осы баланы тамақтандыру бойынша қандай тактика қолданған жөн болады?

3. Осы балаға ем тағайындаңыз

4. Баланы диспансерлік бақылау қажет пе?

5. Вакцинация бойынша ұсыныстар

«Астана медициналық университеті» ақ

№1 балалар аурулар кафедрасы

Іс әрекет алгоритмі

№ 8 ОСКЭ станциясы

Ерте жастағы балалардың диспансеризациясы

Тапсырма(8): 7 күндік нәрестеге алғашқы дәрігерлік патронаж жасалды. Қыз бала сау анадан, бірінші жүктіліктен, жүктіліктің бірінші жартысы токсикозбен өткен (16 аптаға дейін жүрек айну), ІІ-ІІІ триместрде ТТА п.б. 38 апталық жүктіліктен дене салмағымен 2960 грамм, бойы 49 см дүниеге келген. Қарау кезінде: бала ширақ, айғайы қатты, эмоционалды, дене қызуы қалыпты, емшекті белсенді емеді. Терісі таза, беті және денесі аздап сарғайған. Кіндік жарасы құрғақ, қабыну үрдісі жоқ, кіндік тамырлары пальпацияланбайды. Үлкен еңбегі 1,56х2 см. Тамыр соғысы 146 рет минутына. Жүрек тондары анық, ритмді. Тыныс алу жиілігі минутына 42 рет. Өкпесінде тыныс алу біркелкі, сырылдар жоқ. Іші жұмсақ, ауырсынусыз. Бауыры он жақ қабырға астынан 1,5 см шығыңқы. Көкбауыры пальпацияланбайды. Физиологиялық шығарымдары қалыпты. Үлкен жыныс еріндері кіші жыныс еріндерін толығымен жабады. Нәресте рефлексі шақырылады. Бұлшықет тонусы қалыпты. Басында шашты жабын бар.

1. Денсаулық тобы мен және қауіп-қатер тобын анықтау

2. Баланы бақылау бойынша ұсыныстар

3. Фондық патологиялардың алдын алу бойынша ұсыныстар

4. Баланы тамақтандыру бойынша ұсыныстар

5. Балаға вакцинация жүргізуге кері көрсетілім бар ма? «астана медициналық университеті» ақ

№1 балалар аурулар кафедрасы

Іс әрекет алгоритмі

№ 8 ОСКЭ станциясы

Ерте жастағы балалардың диспансеризациясы

Тапсырма (9). Сәби 1 айлық. Анасы тунде ұйқысы бұзылуына,қатты айқай және мазаызданғанына шағымданады. Емшекті тез алады, 250 мл/күніне су ішеді. Жүктілік кезінде ешқандай патологиялар болмаған. Анасының жағдайына байланысты табиғи жолмен босанбаған. Туылған кездегі дене салмағы 3800 г, ұзындығы 52 см. Анасы уақытымен баласын тамақтандырады, тәулігіне 5 рет, түнгі уақытта 8 сағат үзіліс. Лактация қалыпты. Нәжіс тәулігіне 1-2рет қоймалжың ботқа тәрізді.

Қарау кезінде: дене салмағы – 4200, бойы 54 см., терісі таза қызғылт,ауыз қуысында ақ дақтар көрінеді. Кіндігі таза құрғақ,тамырлары пальпацияланбайды. Тері асты май қабаты көкірегінде және іш аймағында азайған. Ішкі ағзаларында патологиялық өзгеріс жоқ; неврологи­ялық статус — өзгеріссіз

1. Сіздің алды ала қоятын диагнозыңыз?

2. Денсаулық тобын анықтап, қауып – қатер тобын негіздеңіз

3. Баланы бақылау және тексеру бойынша ұсыныстар

4. Гипогалактияны жою бойынша ұсыныстар

5. Баланы тамақтандыру бойынша ұсыныстар