Қорытынды
Шұжық - шұжық өнімдеріне жататын тағамдық өнім, арнаулы қабықпен қапталған тартылған ет. Бір немесе бірнеше ет түрлерінен жасалуы мүмкін. Бұл сөздің шығу тарихы туралы бірнеше болжам бар: балгар тілінен «къолбаса», «къол»-қол, «бас»-басу деген сөздерінен шыққан; түрік тілінен külbastı қуырылған ет деген мағына береді; еуропалық тіркес «коль басар» (כל בשר) барлығы ет деген мағына береді. Шұжықтың негізгі үш түрі бар: қайнатылған, жартылай сүрленген, сүрленген.
Шұжық дегеніміз не? Анықтамалардан қарасақ, ішекпен немесе оны алмастыратын заттармен қапталған тартылған ет, оны дәмдеуіштермен, тұзбен және маймен араластырған. Шұжық ең бірінші пайда болғанда осындай болған. Қазіргі кездегі біздің күнделікті өміріміздің ажырамас бөлігіне айналған шұжықтың құрамы өзгерген және құрамдас заттарының мөлшері стандартқа сәйкес емес. Шұжықтың түрлері көбеюде және адамдар арасында сапасына деген сенімі азаюда. Бұл өте орынды, себебі бастапқы кезде оны қолдану мен сақтау ыңғайлылығы үшін өндірсе, қазір ол тек жақсы табыс көзі болып қалды. Біздің жұмысымыздың өзектілігі де осы болмақ.
Мемлекеттік стандартқа сәйкес қайнатылған шұжықтың құрамы келесідей көрсеткіштерден аспау керек: ақуыз 10-15%, май 20-30% , ылғалдылық 50-65%, крахмал 5%, тұз 2-3%, нитрат 5%. Олардың мөлшері шұжық ерекшелігіне байланысты шамалы өзгеруі мүмкін. Бірақ өндірушілер шұжықтың сапасыздығын жасыру үшін белгілі қоспалардың мөлшерін өзгертіп отырады.
Біз өзіміздің күнделікті қолданатын тағамдарымыздың зиянсыз және сапалы болуына көп назар аударуымыз керек. Ағзамыз қабылданған тағамдарымыздан құрастырылады, денсаулығымызға немқұрайлы қарамайық!
Пайдаланған әдебиеттер
Пісірілген шұжықтардың қазіргі өндірістегі процестер. Коней В.Д.
Журнал «Азық-түлік өндірісі»
Журнал «Ет индустриясы»
Ю.П. Костенко, С.В. «ет өндірісіндегі гигиена мен санитария қолдану микробиология негізі»
Шұжық өндірісіндегі технология мен жабдықтау. М – 89 г.