Дәріс сабақтарының курсы

1.Тақырып: Патопсихологияға кіріспе. Патопсихология пәні, мақсаты, міндеттері, зерттеу әдістері, салалары

Дәріс мақсаты:

Қазіргі кездегі патопсихология сенімді тәжірибелік нұсқаулар алуға көмектесетін, әртүрлі ауруларды тиімді диагностикалау және емдеуге қажетті және де өзгерген өмір жағдайларына бейімделу мақсатында адамдардың мінез – құлқы мен ойлауына этикалық және әлеуметтік әсер етуге еңбектік және басқа ұжымдарда психологиялық климатты қалыпқа келтіруге, іс - әрекеттің әртүрлі жақтарын дұрыс ұйымдастыру және балаларды, жастарды және ересектерді оқыту және тәрбиелеуге қажетті әдіснамалық және әдістемелік аппараттарға ие. Патопсихологияда теоретикалық және экспериментальды зерттеу өз нәтижелерін психологиялық ғылым, медицина және педагогиканы нәрлендіреді, оның қосымша қорытындыларын қолдану психологтар, дәрігерлер, әлеуметтік қызметкерлер, тәрбиешілер, мұғалімдер және оқытушылар және адаммен жұмыс істейтін басқа мамандар категориясының кәсіби іс - әрекетінде көмектеседі.

Студент білу керек:

- патопсихология пәнін және міндеттерін;

- патопсихологияның жақын пәндермен байланысы;

- зерттеу әдістері және оларды қолдану шараларымен бағдарлану.

- пато психологияның дәрігер кәсібіндегі маңызы мен ролін;

Ақпаратты блок:

Пато психологияның даму тарихы күрделі жолдан өтті. Медицина мен психология арасындағы шекара арасында орналаса отырып бұл жаңа ғылым «адамтанудың» біресе бір жағына, біресе екінші жағына шықты.

Клиникалық психологияның пайда болуын медиктердің «ауруды емес, науқасты емдеу» деп жар салған кезінен есептеуге болады. Осы уақыттан бастап психология және медицинаның өзара әрекеттесуі басталады. Психиатрлар белсенді өңдей бастаған клиникалық психология басында, ақыл – ой және деликвентті формаларына түзетуді (коррекция) зерттеуге бағытталған болатын. Бірақ нәтижесінде клиникалық психологияның қызығушылық сферасы соматикалық күйдегі адамдардың психикалық жағдайын зерттеуге байланысы кеңіді.

«Клиникалық психология» термині грек тілінен аударғанда жайма «пастель», емхана төсегі деген мағына береді. Қазіргі психологияда «клиникалық» және «пато» психология терминдері синоним ретінде қолданылады. Осы білімдер жүйесін медиктер «патопсихология», ал психологтар «клиникалық психология» деп атайды.

Патопсихология - әртүрлі аурулармен ауыратын адамдардың психологиялық ерекшеліктерін, психикалық ауытқуларды анықтаудың әдістері мен тәсілдерін, психологиялық феномендердің дифференциациясын және психопотологиялық симптомдар мен синдромдарды пациент пен пато қызметкердің өзара қатынас психологиясын, пациенттерге психопрофилактикалық және психотерапевтік көмек беру тәсілдерін және де психосоматикалық және соматопсихикалық өзара әсерлесудің теоретикалық аспектілерін зерттейтін ғылым.

Қазіргі кезде біздің елімізде патопсихология науқастың психикасын зерттейтін, психологияның тармағы ретінде, және де медицина қызметкерінің кәсіби іс - әрекетінің психологиялық ерекшеліктерін түсіндіреді (медицина терминдерінің энциклопедиялық сөздігі М: кеңістік энциклопедия, 1983. Т2 – 392 бет.)