9. 6 «Кірістер» бөлімінің шоттары

     6 «Кірістер» бөлімінің шоттары айырбас және айырбас емес операциялардан алынатын кірістерді есепке алуға арналған.      6 «Кірістер» бөлімі мынадай кіші бөлімдерді қамтиды:       6000 - «Айырбас емес операциялардан алынатын кірістер»       6100 - «Айырбас операциялардан алынатын кірістер»       6200 - «Активтерді басқарудан алынатын кірістер»       6300 - «Өзге кірістер»      6000 «Айырбас емес операциялардан алынатын кірістер» кіші бөлімі айырбас емес операциялардан алынған кірістерді есепке алу үшін арналған (баламалы құнмен айырбасқа беруден емес). Бұл кіші бөлім мына шоттарды қамтиды:       6010 - «Ағымдағы қызметті қаржыландырудан алынатын кірістер» республикалық бюджетке тауарлардың (жұмыстардың, қызметтердің) құны түрінде түсетін түсімдерге байланысты операциялар бойынша, басқа бюджеттер есебінен қаржыландырудың жеке жоспары бойынша мемлекеттік мекемелерді ұстап тұруға арналған қаржыландырудан алынған кірістерді тануға арналған;       6020 - «Күрделі салымдарды қаржыландырудан алынатын кірістер» шоты күрделі салымдарды қаржыландырудың өткен кезеңдерде бюджеттік қаржыландыру есебінен сатып алынған ұзақ мерзімді активтердің есептелген амортизация сомасына тепе-тең көлемін кіріске айналдыруын есепке алады;       6030 - «Трансферттер бойынша кірістер» шоты мемлекеттік мекеменің алынған трансферттер бойынша кірістерді тануға арналған;       6040 – «Субсидияларды төлемдері бойынша қаржыландырудан түсетін кірістер» алынған субсидиялар бойынша мемлекеттік мекеменің кірістерді тануына арналған.       6050 - «Демеушілік және қайырымдылық көмектен алынатын кірістер» шоты демеушілік және қайырымдылық көмектен ақша қаражаты, қорлар және ұзақ мерзімді активтер, қызметтер түрінде алынған кірістерді тануға арналған.       6060 - «Гранттар бойынша кірістер» шоты мемлекеттік мекеменің донордан қайтарылмайтын грант сомасы есепке алуға арналған.       6070 - «Сыртқы қарыздар есебінен қаржыландырудан түскен кірістер» шоты сыртқы қарыздар есебінен қаржыландырудан түскен кірістерді тануға арналған.       6080 - «Айырбас емес операциялардан алынатын өзге кірістер» шоты бюджетке өзге де қайтарымсыз түрде түскен кірістерді тану, және де мирасқорлық актілер бойынша қарызды кешіруді есепке алу үшін арналған.       6090 - «Қаржыландыруды бюджетке қайтару» шоты бұрын мемлекеттік мекеменің ағымдағы қызметті қаржыландырудан, трансферттерден, субсидиялардан кіріс ретінде танылып бюджетті қаржыландырудан қайтару сомасынан есепке алу үшін арналған.      6100 «Айырбас операциялардан алынатын кірістер» кіші бөлімі айырбас операциялардан алынатын кірістерді тану үшін арналған

6200 «Активтерді басқарудан алынатын кірістер» кіші бөлімі активтерді басқару бойынша кірістерді есепке алуға арналған.       Бұл кіші бөлім мына шоттарды қамтиды:       6210 – «Сыйақылар бойынша кiрiстер» ұсынылған қарыздар, қаржылық салымдар бойынша алынған сыйақылардан түскен түсiмдердi есепке алуға арналған;       6220 – «Активтердi басқарудан алынатын өзге де кiрiстер» активтердi басқарудан түсетін өзге кірістерді, оның ішінде операциялық жалға алудан түсетін кiрiстердi есепке алуға арналған. 6300 «Өзге кірістер» кіші бөлімі алдыңғы шоттар топтарында көрсетілмеген басқа да кірістер есепке алынады.       Бұл кіші бөлім мына шоттарды қамтиды:       6310 – «Әдiл құнның өзгеруiнен түсетiн кiрiстер» ұзақ мерзiмдi активтердiң (биологиялық активтер, инвестициялық жылжымайтын мүлiк және қаржы құралдары) әдiл құнының өзгеруiнен түсетiн кiрiстердi есепке алуға арналған;       6320 - «Ұзақ мерзімді активтердің шығуынан алынатын кірістер» шоты активтердің (негізгі құралдар, биологиялық активтер, инвестициялық жылжымайтын мүлік, материалдық емес активтер) шығуынан алынатын кірістерді есепке алуға арналған.       6330 - «Өтеусіз түрде алынған активтерден алынатын кірістер» заңды және жеке тұлғалардан өтеусіз түрде алынған активтерден (негізгі құралдар, биологиялық активтер, инвестициялық жылжымайтын мүлік, материалдық емес активтер, қорлар мен ақшалай қаражаттар) алынатын кірістерді тануға арналған.       6340 - «Бағамдық айырмадан түсетін кірістер» шоты валюталардың әртүрлі айырбас бағамдарын пайдалана отырып есептілік валютасында көрсетілген шетелдік валюта бірліктерінің бірдей санын көрсетудің нәтижесінде туындайтын бағамдық айырмадан түсетін кірістерді есепке алуға арналған.       6350 – «Шығындарды өтеуден түсетін кірістер» үшiншi жақтан өтеу кезінде (активтердің құнсыздануынан бұрын танылған шығындар) алынған кірістерді есепке алуға арналған;       6360 - «Өзге кірістер» шотында талап ету мерзімі аяқталған кредиторлық берешекті есептен шығаруда, түгендеуде артық шыққан негізгі құралдарды, қорларды, жетіспеушіліктің орнын толтырудан, қысқа мерзімді қаржылық инвестицияларды сатудан, төлдердің салмағының артуынан және төлдеуінен, негізгі құралдарды жоюдан және алдыңғы шоттар топтарында көрсетілмеген басқа да кірістерді есепке алуға арналған.